811公里: 19

番到屋企之後 我咩無講就入左房

連老豆叫我都無聽到 原本我老豆就想發火

好就好在老母及時講左幾句

佢先無至於出手

老母其實都係觀察入微果派黎既





入左房之後我只係想一個人靜下

就同老母講左聽日先講

宜家既我 你話我好傷心咩?

係有 但係又唔係好傷心

更多既係內疚





過左一陣 Cindy就Type Message 比我

Cindy:你係咪講左分手?

我:係呀 我見拖落去好無謂 就今日陪佢玩完一日就講

你幫我好好地咁睇住佢

Cindy:廢話 受佢做左咁多年姊妹唔通唔理佢理你咩





我係打黎睇你死得未 你自己攪掂 係咁88

我:ok la 有心

正當我想合埋眼訓既時候 心仔就搵左我

其實我有將今日既事同佢講定

佢其實都支持我呢個決定

心仔:點呀 講左之後有冇舒服d?

我:有既 至少唔好拖住佢

我個心舒服左好多 但係此終都係失戀難免都會唔開心 我諗過幾日就無咩野





心仔:咁你好好休息下先 有咩事就搵我

我:過兩日再搵你 係咁先

心仔:早抖

我:ok 早抖

如是者我成晚都係到反省自己

係呢段感情入面有冇做錯咩

有咩可以做得更好





就係咁 一晚就咁就過去左

但係與此同時 足球隊既吹水王係新年果陣約左詩欣出黎玩

其實係足球隊既時候 當詩欣黎既時候佢就出盡力練波

無黎就Hea練 明眼人都知咩事

所以我知道佢絕對係最強勁既對手

黑仔佢又係詩欣係澳門既學長 老實講佢地話題一定多過我

其實我係香港咩都做唔到 唯有都係等到番台灣先可以做野

順便呢段時間比我好好沉澱一下 所以都係同佢傾下計就算





新年假期其實好快就完 好快又到番台灣既日子

今次就無同心仔一齊番去 因為心仔好似要遲少少番去

其實比著平時既我 一定會約埋Michelle番去

其實之所以我地會一齊 主要係因為Year1下學番去開學既時候

我地咁岩搭同一班機 仲要坐隔離 所以我地果陣係咁傾計

但係呢一切都過去了 番去面對既係新既挑戰

只不過 原來一切都只係我自作多情......