811公里: 20

番到台灣之後 我就開始著手準備更進一步

畢竟時間不等人 再拖又會出事

今個新年唔知係咪佢要搵朋友

我地就少左傾計 不過深夜既時候

反而會回得比較快 大概我地都係夜貓既關係





好在我本來就會夜訓 如果唔係都幾難就

不過我係feel 到好似少左話題講

再咁落去真係會出事

原本打算番黎搵心仔商量下

呢條A0仔個腦諗野幾快





不過我早番黎係因為冬訓

冬訓果日 我本以為都係得球員番黎

點知作為球隊職員既佢都有番黎

不過得就見到佢同黑仔好好傾

仲有時令詩欣係咁係到笑





估唔到本身係世仇既我地仲要係潛在對手

我見黑仔搏命咁練波 將最好既一面比女睇

雖然同呢篇野一樣劇情老土

但係將自己好既一面比鐘意既睇

至少係人地心目中會加分

咁好囉 我認真踢下囉

我無針對佢呀 只係佢踢前鋒 我踢後衛

難免會針對下 不過因為係對手 





難免都會...... 好吧 就認真多少少姐.....

但練完之後我見到佢同詩欣一齊走

我就知今次出事啦 詩欣既外表得意

但係同時都比較單純 好容易比一d說話帶過去

果然過左幾日 我就係佢既限時動態見到佢地拖手既相

一切都完了 兩頭唔到岸啦 

心仔見到個限動都問我咩事





我話比人捷足先登都無辦法 

佢地本身就係學長姐關係

哈 好就好在都Year3 Sem2 頂盡都係年幾既既事

要忘記好快架姐 但係係足球隊我就真係無咩辦法

雖然佢依然有搵我傾計 但係人地有男朋友

我都唔敢越界 但係就因為咁越嚟越冷淡

佢就問我咩事 當然我就唔太想講

唔通講話你都同佢一齊仲同我傾計做咩





甚至有時我會同講 有咩就搵你條仔啦

所以我地之間既溝通少左好多

當然啦 我控制唔好自己既情緒我都有責任

有一次輸波我仲發左佢脾氣

雖然事後好內疚 但係都係講唔出口.....