［校園/歡喜冤家］火星撞地球,撞撞下就有火花㗎啦: 第三章「呀魚？？」

由於今日係放半晝，所以我好早就番咗屋企

比梁學男啱啱咁講，唔知點解我個腦浮現咗我同余小姐一齊嘅畫面....不了真的不了！！可唔可以砍咗我個腦！！！！
話時話今日聽到隔離屋好似有啲電視聲,因為其實我搬入嚟嘅時候有逐家逐戶咁派啲小心意（呢個係婆婆欽點嘅，佢成日都話你對人好人對你好，而且做到隔離鄰舍呢種緣份亦係上天賜嘅福）

但係唯獨隔離呢一戶人家每次拍門都冇人應，開頭我以為呢家人已經搬走咗 ，但係隔離啲人又話裡面有個叫呀魚嘅女仔喺度住，所以我有些少好奇呢個呀魚係一個點嘅人.
今日終於比我等到呢個機會，所以我決定喺夜晚八點合家歡時間拎呢盒長洲平安包比佢。

話唔緊張就假嘅，始終比個好啲嘅印象人，人哋都對你好啲，話唔埋佢係個S級靚女我又住佢隔離屋,咁我就發達,所以都係執執個樣先



「叮咚~」

「我叫譚梓允呀新搬嚟一個月，之前你冇應門所以我冇同你介紹，呢度有少少心意希望你接納啦！」

結果等咗半分鐘先有人應我，搞到好似探訪獨居老人咁不過靚女係值得用時間去等嘅

「你...你好呀.我...叫呀魚。」

眼前呢一個女仔戴住一副六七百度嘅勁厚眼鏡，佢個樣比啲頭髮遮住咗睇唔到，佢大概矮我一個頭，明明佢都冇做啲乜但係硬係覺得好似了解下佢，唔通呢啲就係一見鍾情？



「如...如果冇咩事我番入去先喇...」

佢講完之後返咗入去，突然之間唔知點解我覺得佢好似余小姐...冇啦啦又點會諗起佢，我最憎就係啲淨係識玩人感情嘅人...一定係因為梁學男講嘅嘢太有衝擊，所以我先成日凝住

為免自己唔好再諗埋曬啲奇怪嘢，同埋唔好似今朝咁樣衰，所以我好早就瞓咗，順便教咗十幾廿個鬧鐘包保聽日唔會遲


一合埋眼就到9月2號啦，好好彩今次冇遲咗起身所以唔會有琴日咁瘀嘅事發生。然後我就咩起個書包，準備向學校出發。

話說今日出門口嘅時候，我又聽唔到隔離屋有咩動靜，仲諗住偶遇下阿魚添



結果今日早咗十分鐘就返到學校，喺路上遇到梁學男我哋喺路上面仲講咗好多同學校靚女有關嘅嘢佢都有畀啲相我睇，不過我覺得都係對呀魚嘅興趣大啲
返到去我哋求其搵咗兩個位坐總之避開到余心玥就得，呢兩年我都希望盡量避免同佢扯上到關係...一諗起佢係我leader成個人就開始頹...

上堂鐘開始打，見到有個老師行緊入嚟

「大家好，雖然大家都識我但係循例講多次，我係miss tang,係你哋嘅英文科老師兼班主任,你哋嘅另一位班主任係你哋嘅中文呀sir,廖sir」

點解突然間成班喺度歡呼，聽梁學男講呢兩個老師由上年開始一直處於曖昧期，但係佢哋兩個始終到今年都一齊唔到，所以全班嘅心願係喺畢業嘅時候見到佢哋結婚。不過有時候緣份呢啲嘢就係咁，唔知我幾時先遇到我嘅真命天女呢？

「咁跟住落嚟我哋就調咗位先啦！大家跟學號坐」

咁即係意味住我同梁學男要分開啦...希望我隔離位係一個好人...跟返姓嚟坐嘅話，我個位係坐喺窗嘅第二行第四個位，咁樣計番，呢個位風水都幾好而且隔離仲要係個靚女，冇記錯佢係中文學會會長，至於另一邊隔離呢就冇人坐。話時話今日好似唔見咗嗰個又嘈又黑人憎嘅女人

「唔好意思呀miss tang,我啱啱去咗幫學生會手」



啱啱先諗完佢，佢就入咗嚟啦，仲諗住佢突然間轉咗校添

「唔緊要啦。呀,我哋調緊位呀！心玥你應該坐....最尾嗰個位,窗邊第一行第四個」

吓...小!咪即係我隔離...乜而家連個天都開始玩我呀. . .

「點解你喺度㗎...阻住曬」嗱....佢開始鬧人啦

「因為我姓譚囉小姐...一係咁，你依家同老師講你唔想坐我隔離，咁我哋就可以各散東西，你又唔使見住我，我又唔使西你面」

「心玥吖，你隔離嗰位係新同學呀。你哋認識下先啦，因為你係班長所以方便新同學認識環境」

而家連個老師呀咁講,即係冇彎轉呀...天呀！！！！



「請多多指教啦,譚同學~」

佢擺出一副天然無害嘅笑容，但係我知死期將至...人生無常