［校園/歡喜冤家］火星撞地球,撞撞下就有火花㗎啦: 第四章 「教你游水？？」

「仲有呀,啱啱唔記得我哋嘅女班長照係余心玥,然後男班長我想比新同學譚梓允試下！」

講完呢句miss tang就拋下了我孤身一人,做同桌已經辛苦喇,仲要做partner呀...睇嚟我琴日一定係食咗玉皇大帝個lunch,佢先咁玩我.我係咁向我唯一嘅救贖梁學男打眼色，無耐佢淨係做咗一個好摟打同埋加油嘅動作比我...冇喇冇喇今次渣都冇得整啦

「你好呀，我叫劉芷韻。我哋個名好似呀！」

隔離嗰個靚女開咗聲，佢頭髮好長，單眼皮，啲皮膚好白，起碼靚過今朝梁學男係咁不斷無限loop嗰個排球隊隊長。咁作為一個好有風度有靚仔嘅轉校生，我都好有禮貌回應返

「你好，我係譚梓允，木字邊嗰個梓，允許個允。係啦，我記得你係中文科會長，開學禮嗰陣你讀嗰篇詩真係好好聽」



真係好彩有你咋，如果唔係我都唔知喺調位之前我可以點過，我同呢位劉小姐都傾咗一陣計，喺我呢談話嘅過程這間我隱約聽到我隔離嗰個講咗句

「人哋同你講嘢就搖頭擺尾咁，人哋塞個毒蘋果比你就自生自滅啦白雪」

佢講嘢真係好mean，仲有呀如果芷韻真係巫婆我寧願比佢毒死都好過比你呢個王子救
第一堂就係數學堂，個呀sir 係something like愛因斯坦嘅物體，由於佢一論嘴咁噏咗一大堆完全聽唔明嘅嘢所以我都係乖乖地自己做數
when a²+b²=c....喺我做緊數嘅時間，我隔離嘅余小姐好似想開聲問我嘢但係又唔敢問咁

「喂...垃圾」



「咩？」

「冇嘢...喇」

....
由於佢持續咗咁成五分鐘，我頂唔順喇

「你唔識邊度，教你」

「嗱，係你自己話教咋，我冇求你㗎」



...唉，話晒都係要對兩年嘅同學，是旦啦。不過教教下我先發現，其實佢認真聽人講嘢嘅時候都唔差嘅，唔好比第一印象影響到自己先得
㗎

「唔該你吖」

呢個時候我同佢對上咗眼，我竟然有少少心動

「死蠢，咁簡單我都識啦！」

之後佢一下打咗落我個頭到，冇啦啱啱啲好感冇晒
唔知係咪太專心教佢嘅關係，呢兩堂好快就完咗，小息之後好似係PE堂所以我冇嘢要準備就趴咗喺枱

「喂，我見你同呀玥都幾好相處呀，係咪開始覺得人哋好呢」



「傻啦，兩年同學由得佢啦，仲有呀你又話我哋班冇靚女，嗰個劉芷韻咪幾靚女」

「吓，佢上年係個成面暗瘡嘅眼鏡妹嚟㗎，鬼知佢女大十七變咩」

「都話眼鏡妹係潛力股嚟㗎啦，歧視人」
我講完之後，突然間諗起呀魚，佢除咗眼鏡之後會係點呢？其實我連佢點樣都唔知,如果可以我一定要識到佢

「喂，你諗住報邊個學會」

「吓，我咪報咗機械及工程隊囉」

「唔係呀，我講運動學會，我哋學校要求每個中四五學生報一個學術同一個運動學會，而且一陣係PE堂，以往習慣都係for報運動學會,你快啲諗下啦」

「游水囉...」



因為我係長洲人， 由細到大都係同個海一齊成長，每次喺海邊我都會覺得好似搵番自己嘅所屬，所以我水性好好，而且我夢想嘅始源都係由游水開始

就好似梁學男咁講，呢兩堂都係搞啲學會嘢 。不過最奇怪嘅係...

「你可唔可以教我游水....」

~~~~~~~~~~~~~~~~~~~~~~~~~~~~
我係余心玥，係一個十全九美嘅人，唯一美中不足嘅就係我唔識游水....呢件事源於我細個浸親，所以我以後都唔敢去泳池
本來其實都冇乜嘢，因為我啲朋友都唔識所以我哋唔會約去泳池。 問題在於我該死嘅虛榮心，個老師問邊個識游水嘅時候我竟然話游水好好玩，跟住就比人點咗去游，級際4×100...今次真係玩完啦，我點樣可喺10月尾之前學識呀！！！！！
諗諗下，全班好似冇人識游水，依家先去報學童游泳班又好似嚟唔徹。係我仲諗緊點算嘅時候，我見到張人名表

［5C（20） 譚梓允 游泳］

係你啦！



「你可唔可以教我游水」
~~~~~~~~~~~~~~~~~~~~~~~~~~~~