唔知係咪飯氣攻心,食完飯之後嗰三堂都冇乜精神同記憶,我淨係知余心玥同我一樣都係上ICT選修,之後就放學

然後我都係番屋企瞓咗陣覺,醒咗之後諗住打番舖機解下悶,點知我見到

[呀魚ฅ^•ﻌ•^ฅ請求新增好友來自附近的人]

我見到嗰下真係呆咗,即刻問佢

“tszwan220”:你係隔離屋嘅呀魚?]
“呀魚ฅ^•ﻌ•^ฅ”:係吖小允]


“tszwan220”:你點知係我㗎]
“呀魚ฅ^•ﻌ•^ฅ”:傻佬,你個名set到咁好難唔知㗎喎( ╹▽╹ )]
“tszwan220”:!又...又係喎你打開咩位]
“呀魚ฅ^•ﻌ•^ฅ”:輔助]
“tszwan220”:啱晒啦,哥哥我打射手我哋一於情侶檔咁上啦!]
“呀魚ฅ^•ﻌ•^ฅ”:情侶檔⁄(⁄ ⁄•⁄-⁄•⁄ ⁄)⁄]
“tszwan220”:我唔係嗰個意思...]
死啦,一時怕醜得濟唔小心打埋心入面嗰句添...咁搞法呀魚會唔會當我係變態佬㗎

"呀魚ฅ^•ﻌ•^ฅ":傻佬,我知㗎啦!(。•̀ᴗ-)✧]



~~~~~~~~~~~~~~~~~~~~~~~~~~~~~大家好,我係呀魚
其實我第二個身份,或者其實大家都知我亦都係余心玥
點解叫呀魚?好簡單因為我姓余
自從琴日嗰個叫譚梓允嘅傻佬嚟完送嗰盒平安包之後,我對佢充滿咗興趣。
但係佢好奇怪㗎,喺學校又成日避我依家又話咩情侶檔,我諗咗好耐我諗個原因都係因為佢仲未發現我就係佢隔離位。
所以喺佢發現呢個小祕密之前,我就用呀魚嘅身份同呢個傻佬玩下啦!
~~~~~~~~~~~~~~~~~~~~~~~~~~~~~
佢咁嘅反應,唔通呀魚都對我一見鍾情?難道我嘅戀愛運要開始了?既然係咁我都要努力咁喺呀魚面前表現自己



[First Blood]

[Double Kill!]

[Penta Kill!]

[ACE!]

本來諗住帶呀魚,結果係呀魚帶我。後尾睇番段位先知呀魚係大師級,而我只係鑽石
咁計起上嚟佢打機真係幾勁,最後因為呀魚要食飯,所以我哋停咗。
一拎起手機先見到原來已經八點,而喺6:35分嘅時候呢位@Sum.yue_5用ig揾過我.....弊!唔記得應承咗余小姐教佢游水添....

:對唔住呀,啱先忙緊睇唔到

Moonyu:你忙啲咩忙咗幾個鐘...唉算啦,你幾時得閒



:下個星期六啦

Moonyu:好吖,咁下個星期六1點大角咀游泳池等啦

:OK

其實我連點解佢要揾人教佢游水我都未知,不過見今日心情好就求其啦...當幫下人都好

結果呢兩個星期都好快就過咗,喺呢兩個星期我同余心玥嘅關係都好咗,唔知點解明明識咗只係兩個星期但係對住佢成個人都好放鬆唔使驚講錯嘢,可能因為佢唔似女仔啦。
不過一諗到星期六就要教人游水硬係就有啲緊張,然後我就po咗個story問應該點教人游水

Lam.Leung:教邊個游水?]

:佢唔比我講,女仔嚟㗎]



Lam.Leung:哇!靚仔估你唔到喎~想玩鴛鴦戲水呀,靚唔靚女㗎]

:唉,唔係吖,你教我點教好過啦]

Lam.Leung:咁你鐘唔鐘意人?]

:關咩事啫,唔鐘意呀]

Lam.Leung:咁使乜諗啫,一腳踢佢落去咪得...]

其實佢咁講都有道理...都係余心玥咋嘛。我咁驚做咩,所以我就停咗思考轉身上床瞓覺,結果我發咗個好奇怪嘅夢

夢入面嘅余心玥綁架咗呀魚,然後將佢變咗條魚,要我錫佢先變番做人。結果我錫完之後,呀魚變咗做余心玥,嚇到我醒咗



見到已經10點啦,唯有擦牙洗面食早餐之後打多幾鋪機就換衫,見到呀魚offline唔知點解有啲卦住佢。呀魚話佢屋企人淨係比佢一個星期打三日機所以唔可以成日玩,不過因為咁我拎到呀魚嘅電話 ,佢話冇嘢做可以揾佢傾計,不過我唔敢咁做就係啦。我咁咗入wts個介面,將個打招呼改咗一次又一次但係始終都冇send到,突然我見到對方變咗在線上之後變咗輸入中,唔知點解我個心跳得好快,啲心跳聲大到成間屋都聽到...

呀魚:喂!傻佬,點吖你輸入咗好耐喎]

咁我怕醜呀嘛,梗係耐㗎....死啦我要點覆佢

:唔係呀,send唔出咋]

我竟然用咗咁嘅籍口,譚梓允呀譚梓允給點力啦!!! 望一望個鐘原來已經12點9,我衫都未換,今次幣啦...一定被個巴渣妹話

「sorry呀!啱啱幫呀婆執橙所以遲咗」

咁嘅大話都講得一定比佢串啦,唉....

「係咩,唔緊要啦,都係15分鐘咋嘛。行啦」



本來我都預咗比佢鬧,但係佢依家唔鬧反而覺得有啲唔慣,死啦我抖M嚟㗎....

一入到泳池一邊係for細路學游水嘅淺水區 ,最高150cm,而另一邊就係標準水深2米嘅正常泳池

「喂你要游邊一邊」

「你傻㗎,深水區會浸死人㗎,梗係....」

「嗱 ,呀B你左手向前之後踢左腳」,
「五色戰隊!Gogogo,哎吔你瀨尿呀...」

「梗係咩」

「梗係挑戰下自己啦...」

見到佢呢啲反應覺得佢其實都幾得意,係巴渣咗少少啫。
跟住我哋去咗深水區嗰邊,雖然我好想好似梁學男咁一腳伸佢落去 ,不過我都係好有內心咁扶住佢....塊浮板

「其實點解你要我教你游水,明明我哋都唔算好熟」

「因為...因為4×100囉....我根本就唔識游水,但係又同 Miss Chan認叻咁咪要學....咁我又冇friend識游水,見你報咗泳隊咪叫你教我」

「你唔驚我講出去咩」

「你可以講咩,話你教我游水?佢哋最多咪話我哋放閃,我知你冇咁蠢嘅」

咁即係代表佢信我?佢當我哋係朋友?唔知點解我有少少開心

「咁又係 ,我冇你咁蠢」

「譚梓允!!你收皮啦」

「喂!你唔好郁啦,呀跌啦」

咁啱佢喺泳池正中央跌咗落去,咁啱佢係一個唔熟水性嘅人,咁啱佢係我朋友。情急之下,我伸手抱住咗佢游去淺水區,我真係冇其他意思㗎

「喂快開我啦,我好重㗎」

「水有浮力㗎」

~~~~~~~~~~~~~~~~~~~~~~~~~~~~~

因為驚我再浸親,所以佢放咗我喺泳池邊叫我踢下啲水過下癮

「因為細個嗰陣浸親,所以我一直都好驚水」

「咁你又應承Miss Chan去接力?」

「因為我唔想比人笑...比人知道平時成日認叻嘅余心玥唔識游水一定會比人笑」

「點會比人笑,人冇十全十美㗎,你咁嘅狀態去比賽出事咪仲大獲」

「咁我可以點,都應承咗人啦」

「我代你去啦」

唔知點解,我覺得我眼前呢個少年喺度發出緊好耀眼嘅光芒....就好似太陽咁

媽,我揾到佢啦
~~~~~~~~~~~~~~~~~~~~~~~~~~~~~
已有 0 人追稿