【真人真事改篇】《有一種距離，是HKU和IVE仔的距離。》/《初戀2000天》: 第九章上「外界很多傳聞 說你有數段孽緣藏在我附近 追蹤只恐怕侮辱我的身份」 〈傳聞〉

https://www.youtube.com/watch?v=OTMAjoVW-uM
第九章上 
        漫天星光，與明月相映成趣，月光灑在校園，卻照不亮有心事的人。
        「呀！」Raymond倚著天台的欄杆，對漆黑一片的海平線大叫。
        「Sh！你癡咗線咩，一陣比舍監見到你係到劈酒你就死。」Jacky用手按住微醺的Raymond的嘴巴。
        「我失戀呀，你明咩？！」Raymond甩開Jacky的手，又喝了一口手上的啤酒。


        「你都未戀，你地都無做過咩，扮咩情聖⋯⋯」Jacky喃喃自語道。
        「你講咩呀？」Raymond以迷矇的眼神看著Jacky。
        「我話，係佢走寶，你籃球隊架嘛，大把女冧啦，Raymond哥。邊似得我依D死矮仔⋯⋯」Jacky也不禁想起了自己的傷心事。
        A0的Jacky暗戀過幾個女生，也試過表白，到最後往往是好人卡收場，他也沒有怪責那些女生，畢竟，誰會想要個比自己矮的男生當男朋友？
        想到這裏，Jacky把Raymond手上的啤酒搶了來喝。
        「喂，失戀酒你都Jam有無搞錯呀？」Raymond馬上搶回Jacky手上的酒。
        「我大把Reading未睇、莊務未做都黎陪你，你好應該請我飲酒下嘛？」Jacky說罷又喝了一口，繼續說：「其實你鍾意佢D咩？個樣？身材？」
        「我無你咁膚淺囉，」Raymond眼神飄向遠方還未關燈的高樓，「其實我都唔知⋯⋯」
        「你地係到做咩？」這時一把聲音從二人身後傳來。
        「哇！」Jacky嚇得馬上轉過身，「Angel姐？人嚇人嚇死人架大佬。你上黎做咩？」


        「洗衫囉，唔通上黎聽你地講野？」Angel走近二人，看見Raymond手中的啤酒，問：「做咩無啦啦上黎飲酒？」
        「佢間房又比佢Roommate霸咗黎開戰，我間房又公廁咁，唔係到飲，唔通去你間房飲？」Jacky說。
        Angel想了想今天發生的事，馬上猜到，「因為Jessie呀？唔係呀嘛，你地識咗無耐咋喎。」
        「我無喎，我想飲咪飲。」要面子的Raymond不願在Jessie的好友面前承認這事實。
        「無就最好啦，唔好話我無提你，雖然佢男朋友讀IVE，但Jessie好似仲係好鍾意佢。除非佢男朋友飛咗佢啦，如果唔係⋯⋯你又真係⋯⋯難D嘅。」Angel  也倚著欄杆嘆了口氣。
        「我又唔係咁睇，IVE喎大佬，Jessie一定遲早Come On佢，Raymond你有機呀。」Jacky說。
        「係就好呀，我都想Jessie Come on佢。」Angel說。
        「哇，你想你好朋友失戀呀，咁衰嘅你。」Jacky不屑地看Angel
        「唉，你唔明架啦，佢男朋友，其實無佢想像咁好，全世界都知，係得佢唔知⋯⋯」Angel言而欲止。
        「姐係點？」Jacky追問，Raymond看似沒甚麼反應，其實很認真在聽二人的對話，希望能從中找到一線生機。


        「你想知呀？你教我點打贏你就話你知！」Angel想起今天下午一起玩的Switch遊戲。
        「吓，我依D獨家秘技唔外傳架喎，比你贏到我依個電競小王子，我仲有掟企嘅？」Jacky得戚地說。
        「你係電競小王子？唔係掛，邊有咁矮嘅王子架？」Angel見Jacky這麼得戚忍不住挫一下他的銳氣。
        「你話邊個矮呀？」不知甚麼時候，那罐啤酒又到了Jacky手上，Jacky故作生氣，捏得啤酒罐都變了形，逐漸走近向後退的Angel。
        二人竟玩起了你追我逐的遊戲。
        Raymond沒好氣地看著二人，自己悄悄地坐在地下，打開了另一罐啤酒。
 
        經過歷時一個月、合共四次的傾莊夜後，終於來到成莊夜。
        「今晚成莊夜，你地黎唔黎？」Jacky站在Jessie和Angel的房門前問道。
        「點解唔係Raymond黎問嘅？」Angel問。
        「佢⋯⋯佢係下面忙緊莊務。」Jacky連忙向Angel打眼識。
        你個死蠢仲問！Jacky心想。
        「唔啦，我都係驚我應付唔到咁多野，都係唔上啦。」坐在床上的Jessie看著Jacky說。
        「你呢，Angel？」Jacky問。
        「你教我打機我就考慮下。」Angel眼不轉睛地看電腦。


        「都話係秘技！」Jacky堅持不願教Angel。
        A0的Jacky雖然不擅長追女生，但他自小就愛打機，還贏過一些小型的電競比賽，每次學校的電競比賽也能榜上有名，確實是個打機高手。
        「咁算啦，我都係驚我應付唔到咁多野，都係唔上啦，拜拜。」Angel繼續看電腦，頭也不抬地對Jacky揮手。
        「我地仲差一個人先成到莊，唔該你啦。」Jacky開始哀求Angel，Angel卻完全沒反應。
        Jacky嘆了口氣。
        「唉，好啦，比你做我入室徒弟啦。」Jacky屈服了。
        「真係架？」Angel嘴角上揚，興奮地從椅子上彈了起來。
        「係呀係呀，一陣記得落黎呀你！」Jacky摸著自己的額頭搖搖頭。
        「你唔好反口呀你！」Angel指著Jacky說。
        「哇，乜你咁睇我嘅，我Jacky講得出做得到嘅，如果唔係一世無女！」Jacky眼神堅定地看Angel，「一陣見！」
        Jacky說完便走了。
        「哇，佢為咗你立毒誓喎。」Jessie說。
        「小心你嘅言辭，佢係為咗R我上莊立毒誓！其實我都唔係好想上⋯⋯」Angel陪Jessie傾莊時，大概也沒有想過，最後Jessie沒有上莊，倒是本來沒想過要上莊的自己上了。
        「咁你又上？」Jessie問。
        「佢話我唔上唔夠人呀嘛，唔夠人佢地要冧莊架，好似好慘咁⋯⋯咁我咪試下囉⋯⋯」Angel其實還在懷疑自己的決定，「你呢？你做咩唔上啦？」


        「你唔係唔知James唔想我上架，我唔想再為咗上莊同佢嗌交。」Jessie看著手機中，她和James的合照說。
        自那次和James和好後，James果然遵守承諾，八半堂的出席率達到百分百，還經常拿著美食來找Jessie，像回到中學時的甜蜜日子。
        「佢真係值得你咁做咩？」Angel坐回床上，看著對面床的Jessie說。
        「點解唔值得？」Jessie不解地問。
        「無，我只係覺得U Life只得一次，你投放咁多時間係佢身上面，萬一，我意思係萬一有一日佢同你分咗手咁點算？」Angel問。
        「唔會嘅，佢到依家都成日黎穩我，我地仲係會每晚傾電話。雖然我地上次鬧咗次交，但我地都好返啦，唔洗咁擔心我地喎。」Jessie笑著對Angel說。
        「好啦。」Angel知道Jessie不會輕易改變決定，她也不想說太多，成了說人是非的八婆。
        戀愛嘅女人唔止盲目，簡直就係傻架！Angel心想。