「...」

克哉足足呆了十秒:「痴線!痴線!!」



「有咩問題喎,頭先午休果陣都見到你同由紀老師傾得好開心丫」美波奸笑道

「你...響出面偷睇?!」






「我咁啱落黎拎返作業咋,點知比我見到,嘿嘿」美波裝傻笑道

「係人都知你講緊大話啦,根本特登落黎偷睇」


「但係...你唔想追到由紀老師咩?」

「痴線,我同佢識得果兩日,追乜野呀...」








「呢個克哉老師,又真係幾正氣架喎...睇黎要出絕招啦」


「呼...」

美波深深吸口氣,大叫





「係甲賀奇俠呀!!!!!!!!!!」



「喂!你痴線架!」克哉慌忙用手掩住美波的嘴巴


「嘻嘻,老師你驚啦咩」

美波拎開克哉的手:「甲賀奇俠響度呀!!!!!!」


「停呀喂!好啦好啦...怕左你」

克哉無計可施:「不過你連最基本既武術都唔識...比你做我助手得啦掛」






「得!!!」

美波爽快地答應:「嘻嘻...克哉老師,今日起我地就係拍檔啦!」

「唉...係助手唔係拍檔呀」


「知啦...但係作為助手...」

美波笑道:「點都要同克哉老師你互相了解下既...」


「咁你想點了解丫?」





「緊係去老師你既屋企啦,順便比我睇下你啲裝備嘛」美波雀躍道


「痴線,我...」

「甲賀奇俠響度呀!甲...」

「唉得啦得啦!帶你去啦」

「好野!」


克哉帶住美波返到自己位於目黑區的住所









「老師,你屋企都好大喎...」

一踏進,美波就毫不顧忌躍上梳化:「張梳化好彈呀」


「喂!咪玩啦,又話黎睇裝備!」

克哉拎住鎖匙,打開電視機旁的小門:「你拿拿聲睇完好快啲走呀」







「做乜咁惡喎,我話哂都係老師你既拍檔丫!」

美波跟上克哉,走進小門


小門後的密室只有約一百尺,但五臟俱全

而當中最吸引美波眼光的,就是掛進玻璃箱內的


啡紅色戰衣


「呢件!呢件!就係你件戰衣啦?」

美波貼到玻璃前:「好有型呀!係咪同果啲超級英雄一樣架?」


「算係既...」

克哉解釋:「呢件甲賀奇俠戰衣已經經左好多代甲賀忍者既手,黎到我呢一代...」


「咁...咁...佢有咩武器呀?」


「苦無發射器、短刀,仲有好多既....不過我一般都好少用,因為依家要對付既唔係忍者嘛」



「...好犀利呀...」美波已被戰衣迷得神魂癲倒

「山內同學,點解你會對甲賀奇俠咁有興趣?你地呢d女高中生唔係應該剩係鐘意...johnny事務所、又或者咩三代目既咩...」


「嘻,呢個係秘密!」美波淘氣道

「係呢,咁點解你又會咁堅持做甲賀奇俠既?」


「...我都唔知」

克哉問口道:「但回想返,響呢幾年我救左差唔多500人既生命,我就覺得..」


「!!!」


克哉一瞬間停下說話


「老師,做咩呀?」


「係...好強既殺意」

克哉摸住太陽穴:「而且...比起襲擊你果個人仲要強一倍」


「殺意?唔通你尋日就係咁樣知道我有危險,所以黎救我?」美波問


「冇錯,我地五十嵐家既人都有一種感應殺意既能力」

克哉打開玻璃櫃,取出戰衣:「呢個就係點解甲賀奇俠既秘密」

「山內同學你自便啦,我要去救人啦」


「等陣呀!我都要去!!」美波拉住克哉道

「唔得,今次太危險啦」


「最多咁丫,我哩埋一二邊,冇人睇到既!如果你唔...」


美波仍在說話之際,克哉瞬間消失得無影無蹤


美波四周大叫

「老師!老師!!」


「山內同學對唔住,我唔想將你捲入危險之中...」

克哉早已閃到屋外,以驚人的速度前往發出殺意的地方


「時間無多,要去救人啦」
已有 0 人追稿