甲賀奇俠: 7.弱點？

「五十嵐老師，點解當年你會由和歌山搬左過黎既？」

午飯時，由紀邊吃自製的三文治邊問


「呃...因為...」


克哉回答：「我住左鄉村地方太耐...想黎大城市生活下姐...」






「嗯！呢個心態我都明呀！」

由紀感同身受般：「我係鹿兒島出生架，不過高中之後就去左大阪讀大學，跟住先再黎東京咋」


「原來結城老師你咁犀利架...但係，大阪生活得唔好咩？」


「...有...有少少...」由紀似乎難以啟齒






「我...係咪問錯問題呀...唔好意思呀」


「唔係呀，只係...」

由紀嘆一囗氣：「響大阪果度發生左太多野啦，所以想離開一下...」






「...原來係咁...」

克哉道：「咁每個人...都有佢既過去既，總之依家生活得好就得啦，過去唔開心既事就唔好諗啦」


「嗯！」

由紀再問：「五十嵐老師，點解你會做老師既？」



「因為...我想同我爸爸一樣，作育英才」

克哉苦笑道：「不過依家都好似仲未成功，哈哈...咁你呢結城老師」






「其實...我都未知自己係咪真係想做老師」

由紀低著頭


「哦...你有呢份迷惘都正常既」

克哉繼續食著便當：「我當初都好懷疑自己係咪有咁既心去教人」

「但係做落就發覺，自己的確好享受同學生一齊成長既過程」

「所以我覺得，結城老師你唔洗擔心住，呢三個月專心教好學生，再諗自己係咪適合做老師都未遲」






「五十嵐老師...我知道啦！總之唔好再諗啲無謂野，全力做好老師既本份！」

由紀如釋重負：「多謝你呀五十嵐老師，同你傾完計好似舒服左好多呀」


「唔駛客氣...應該既」克哉摸摸頭，笑道



「五十嵐老師，不如以後我地午休都一齊食飯丫...好唔好呀？」


「呃...好！好呀...」








兩人食飯的情景，一一被教員室門外的美波看著

「嘿嘿...!」



放課後

「美波，今日去唔去原宿行下呀」日奈問


「對唔住呀日奈今日唔得呀」





美波雙掌合起，帶住歉意道：「我有啲好緊要好緊要既野做呀」


「...嗯，咁好啦」


望住失望的日奈，美波馬上安慰

「唔好咁啦日奈，最多聽日我陪返你行街啦，好唔好呀」


「真係既？」


「嗯！」

美波跟日奈勾起尾指



下課後的克哉，踏上歸家的路上

「五十嵐老師，不如以後我地午休都一齊食飯丫...好唔好呀？」


由紀的這番話在克哉的腦海中揮之不去

「又的確係幾可愛既 哈...」克哉一邊走，一邊像個精神病人般傻笑


「踏...踏...踏...」

克哉感覺到，後面正有人跟蹤自己


「邊個！」


回頭一看，正是美波


「嘿嘿，又係我呀克哉老師！」


「又係山內你...你放過我啦，你當尋晚冇見過我得唔得呀」克哉求饒般道


美波托起下巴

「咩...放過呀？我黎係想幫你架」


「幫...幫我？」


「我幫你追到由紀老師，不過...你要比我做你既拍檔！」