4月1日08:00

我在床上醒來,又經歷穿越了,不過有了以前的經驗,不會再好像以前初次般無助。


這時,渠頭打電話給我。

「訓嘰笠!早晨啊,今次我即刻過黎搵你,同海叔講我地既野。」渠頭說。

「渠頭,唔使心急住,你唔記得啦?我地要組織未穿越之前個三日發生咩事,先可以改變。」我說。





「又係WO,救海叔緊要,查賀展祥,阻小美失蹤,大鼎物流倉槍戰,好多野做。」渠頭說。

「集中今日先啦。」我說。

「唔知威爺個邊點呢,應該哩個時候搵番威嫂。」渠頭說。

我比較在意啊正回來要辦甚麼事,他說會幫我,難道父親的死是另有內情?






「係,唔講住啦,一間見。」我說。

「BYE。」渠頭說。




未穿越之前,4月1日事件。
1:記憶恢復,同渠頭,威爺相認。
2:公開同渠頭一齊。




3:搵番威嫂。
4:啊正打電話比我。
5:中午巡邏發現神秘白色大貨車,但係個局。
6:渠頭同周炳仁班工人有錢銀誤會,受傷。
7:番總區報告事件,認識前總警司蔡興國。
8:同渠頭食飯見到ICAC劉SIR,仲有結左婚既水晶梨。




首先要提早通知李SIR,看看能否查到神秘貨車位置,先發制人,還有之後既羅波。

「李SIR,收到線報,一間會有懷疑人口販運貨車係哩區出現,仲有可能同毒販大坤既手下羅波有關。」我說。

「得,我叫人注意下,番黎再講。」李SIR說。






第二件事,找光仔。


我沒有過去渠頭家,父母未起身,光仔在這裡。

「光仔,比個任務你,哩三日同我睇住啊爸同小美,小美頭痛,你多D關心佢。」我說。

只要我身體沒事,他就不會再上山,小美也要安坐家中,就算要出外,不可以接觸賀展祥。

「你點知?」光仔問。

此時,小美下樓。





「早晨......」

「小美你頭痛就休息多啲。」我說。

「我飲水食藥。」小美說。

「家姐你真係知,你識回到過去?」光仔說。

「係啊,今日4月1愚人節啊,光仔,煮早餐啦,佢地就起身。」我說。

「咁我食埋早餐再訓。」小美說。


光仔到廚房,渠頭不聽我說話心急的到來,在外叫喚:





「訓嘰笠,開門。」

「黎啦,唔好嘈,嘈到啊爸啊媽。」我說。

我一開門,他差點想擁抱我。

「我咪叫你唔好咁快過黎。」我說。

「把握時間解決啊,我唔過黎一間籮斗喊爆阻住我。」渠頭說。


我們入屋,光仔覺得很奇怪,說道:

「家姐,你同渠頭幾時咁friend?」






「其實我地......」我說。


「渠頭,一早嘈住哂有咩事啊?啊女,你兩個......我冇睇錯啊?」父親錯愕地說。

父母下樓。


「爸.....我地係一齊左,渠頭係認真既。」風說。


他還是不相信的樣子:

「女,你唔係因為同啊正分手而受刺激啊?」


渠頭重複之前說話:

「海叔!我同啊訓嘰.....啊風其實一早開始左,希望你成全我地啦!我地經歷左好多生死!好多痛苦先一齊!唔理之前大家點睇我,我對佢一心一意,唔係郭尚正咁走去......總之我愛凌晨風!」



「唉,一早就咁同我講,我要時間接受。」父親說。


「我冇意見,風老豆話得既,我都得。」燕姐說。


「唔明你地後生點諗,玩玩下,見你好好地就算啦,唔好對我個女唔住啊。」父親說。

「海叔!燕姐!多謝你地!今次有時間搵埋媽子去飲茶慢慢傾!」渠頭說。


小美說道:

「原來渠頭你話出生入死個個人係晨風。」

「係啊!小美你都會有人同你出生入死。」渠頭說。

「可能有啦,哈哈。」小美說。

吃早餐的時候,早收到威爺手機信息。

「我打左比李SIR即日番工,你頭先通知佢搵個部神秘貨車,搵到,不過捉唔到司機。入面發現部份失蹤既人,仲有芷澄係入面,老婆已經係醫院檢查。唔該。」


我相信只要早著先機,絕對可以避過一些事情發生。

「好,我地唔過黎醫院啦,一間番工再傾。」我回應whatsapp。


「威爺啊?今次早左搵番威嫂同人口販運貨車,訓嘰笠你立大功,李SIR唔會又對你指責。」渠頭說。


「仲叫啊女訓嘰笠?」父親說。

「SORRY,改唔到口,其實叫訓嘰笠同叫BB一樣。」渠頭說。


「親人唔係身邊,得自己一個面對所有野係難過既,我明白哩種心情,搵番就好。」小美說。

今日的小美很感慨,或者威爺的情況令她想起賀展祥了。

「你有我地啊,哩一年住埋大家都好熟,早已經係當你一家人。」光仔說。

「係囉,小美講哩啲,我好快都同海叔一家人。」渠頭說。


「咁快就諗?睇下你點再講啦。」父親說。


早餐過後還有很多時間,我們回到房間,整理今次穿越要解決的事情。

「渠頭,你做左功課未?」我說。


「嘩,你寫左成版野,但其實好多解決左。我今日先得兩樣,同周炳仁班工人講數,同你食飯,係WO,要BOOK。」


「直覺話我知個班南亞工人可能同CASE有關,大鼎物流倉死個幾個都係南亞人,你唔好去啦一間又整親,暗中查下。今晚我想搵水晶梨食飯,了解下近況,

實在有太多野我係唔知。」我說。

「係郭尚正太多野唔知姐,你問還問小心,佢都番左黎唔知做咩。」渠頭說。


「聽日,你全日要同小美一齊,睇下賀展祥係醫院停車場發生咩事,睇下搵唔搵筲箕幫手,佢國際刑警組follow單大case,應該有關。」我說。

「筲箕咁能蟹,如果搵埋佢同我地一齊穿越,又多個幫手,你知威爺成日1516啦。」渠頭說。

「你講起哩樣,我穿越之前見到多一道白光,神秘人會係邊個?」我說。


渠頭沉思一番,好像恍然大悟說道:

「我......鬼知咩,個個都有可能去到電塔,賀生唔係監獄,小美失蹤可以去,最唔比人留意既光仔,水晶梨又得。

咁講落去,筲箕喊爆籮斗,你EU成個TEAM都有可能。威爺話要出現自然就出現。」渠頭說。


倒也是的,我希望神秘人可以幫我們解決事件,照他的話,他所經歷的未來很黑暗。


「咁你去做野啦,我番工,今晚同水晶梨食完飯再搵你。」我說。


「今日冇去醫院,但都係要嘴。」

他指指嘴巴,真拿他沒有辦法。


「咁今晚見啦,BYE。」渠頭說。


手機收到短訊,是啊正信息:
「風,今次我唔會比海叔有事。」

「我會處理,有心,唔使麻煩你。」

我也不知道啊正在想甚麼,他已經結婚了,恢復記憶還好像對我好,其實我擔心水晶梨,無論啊正做甚麼,都有可能傷害她。


在家裡都沒有事可做,還是早回去總區了。

我打電話給水晶梨。

「水晶梨,今晚有冇時間食飯?你同啊正結婚都唔通知聲,唔當我姐妹啦?」我說。

「啊......好耐冇見,估唔到你打比我,今晚啊......都得既。」水晶梨說。

「咁我WHATSAPP地方比你,今晚見。」我說。

「今晚見啦。」水晶梨說。



到總區,只見添一個沒有精神般沖咖啡喝,他的兒子會在今天打針之後有問題出現,還是提醒他好。

「添,洗個面啦,好大壓力啊?」我說。

「琴晚個仔成晚喊,一間老婆帶佢去打針。」添說。


「唔好去打針啊,我介紹個好既兒科醫生比你,你話係我老豆介紹,唔使排隊。」我說。

「點好意思啊?估唔到EU車之外,MADAM都咁有權唔使排隊,好啦,試下其他醫生。」添說。


雖然他的事非關CASE,但我有能力解決的也會去幫。

這時,二哥,啊DEE回來,最後的是威爺。

「威嫂搵番冇事就好,而家威爺番左黎,咁我就唔使開車咁有壓力。」二哥說。


「聽李SIR講係MADAM收到線報,先發現到。」DEE說。

威爺看看我,再看添,說道:

「係啊,MADAM不嬲做得野,不過我都要番黎睇住部車。係啊,添,你個仔出世咁耐,我都未見過。」

「遲D有機會,而家睇相先。」


添拿手機給他看,難得見威爺的笑容,如果他與威嫂有小孩的話,相信做人不會太冷酷。


「幾得意,等等老婆打黎......」

威爺行開聽電話。

「係......係醫院好悶想走?唔得啊聽話,你要係到做多D檢查,我先放心。係,我知,我放工就搵你,你睇住新劇先,好,BYE。」



「開會。」李SIR說。


今次李SIR的態度明顯不同了。

「凌晨風,WELLDOWN,不過可惜捉唔到司機,聽講搵埋威爺老婆,歡迎威爺番黎。」


「SIR,咁今次事件同羅波有冇關?」我問。


「暫時仲要調查,唔好心急。二哥就繼續之前位置,樂芝番番182,如果有需要再調車,今日冇特別既就照常工作,散會。」李SIR說。


「好囉,威爺番黎一天光哂。」二哥說。

「yes sir。」樂芝說。



出門時,威爺說了句:

「今次唔使比人停職,小心D啦。」


第一次穿越
2016年4月1日12:00

今天的巡邏與之前一樣,但今次沒有出現白色大貨車,是因為我解決了問題。

不久,電台通知:

「Eu181車,請到下白泥村。」


明明渠頭沒有去與工人講數,還會有甚麼事發生?

「calling電台,181而家去。」我說。

到了下白泥村,除了周炳仁手下,南亞工人們,還有渠頭陪著三婆與康仔?

只見三婆同康仔受傷,今次不是渠頭,出現蝴蝶效應了。


「渠頭啊,你又做咩係到?又關三婆,康仔咩事?」我說。

「你估我想黎咩,我一唔傾,結果周生班細唔識做,班嘔泥發脾氣亂扔野,三婆同康仔行過,咁就中伏。康仔咪同佢地嘈囉,仲打埋。

難為三婆個頭今次幫我頂左,過意唔去。」渠頭說。


「康仔扶三婆過去等,救護車好快到,睇醫院錢渠頭會比番啦。」我說。


他們離開,我繼續與他聊。

「訓嘰笠,不過今次我發現到D野,你望下個邊個個嘔泥,頭先佢企埋一邊好可疑。」渠頭說。

我看了看,似曾相識的,對了!當天死在大鼎物流倉的其中一個南亞人!真沒有為意,命運安排我們來這裡發現到。


「渠頭,你咁勁,交比你跟佢啦,話唔定係佢身上越搵越多消息。」我說。

「好啊,所有危險野交比我,今晚見。」渠頭說。

「今晚見,小心。」我說。


手足們遠處正等待我。


「收隊,上車。」我說。

之後的巡邏都再沒有特別事情發生,但我還是保持警覺


第一次穿越

2016年4月1日16:00

小休期間,只見前總警司蔡興國與李SIR進房間聊天。


「知唔知個男人係邊個?」Dee問。

「二哥,你成日收料,應該知既。」tim說。


「我冇見過,威爺就知,飛虎隊、機場特警、機動部隊,毒品調查科都做過,咁有經驗見過唔少人,係差英女王未見過。」二哥說。


「我見過英女王.....係銀仔。」威爺說。

大家無奈,認識這麼久,沒有聽見他說笑,真難得。




過了一會,他們從房間出來,到了茶水間。


「我同大家介紹,前總警司蔡興國大SIR。」李SIR說。

「唔好講哩啲啦,仲大SIR?我都退左休安享晚年......陳勁威,你終於番黎,我黎搵你。」蔡興國說。

威爺直接了當說道:

「蔡SIR係唔係因為當年中東佬單野,我救過你老婆,所以要多謝我?唔使啦,多謝啦,我好心足,唔使錢同禮物。」


「聽李SIR講,係人口販運貨車搵番你老婆,咁就好,親人永遠最寶貴,多多錢買唔到.......」蔡興國說。


「今次單販運CASE,李SIR話我知凌晨風有功,冇認錯既,你係正仔女朋友,老郭之前提過你地會結婚,不過相信係過去既事。唔緊要既,人各有志,李SIR,哩個係

警隊明日之星。」

「凌晨風,係幾做得野既,不過成日唔聽講,大SIR你指點幾句比後生。」李SIR說。


蔡興國搖搖手,感慨說道:

「冇咩可以

教,之前聽見老郭坐監,中埋風,唉,做黑警有咩謂啊?會貪到命都冇,幾辛苦都千其唔好做黑警。後生女繼續做正義之士,咁有志氣係好事。」


「凌晨風,陳勁威,哩張我卡片,你地有需要就打電話搵我,好快會再見。走先啦。唔阻你地做野。」蔡興國說。

我與威爺接過卡片。


「大SIR,我同你出去。」李SIR說。

「好,我老啦行得慢。」蔡興國說。

他們離開,二哥說道:

「威爺真係我行我素,前大SIR都唔比面。」


「你要搵大SIR啊?我比卡片你,再唔係問MADAM。」威爺說。


「我諗我都冇需要搵佢,不過都KEEP住先。」我說。

第一次穿越。
2016年4月1日20:30

下班後,我換好衣服到餐廳,水晶梨來到了。

「風,你又會約我係哩到,最近點啊?我聽講你而家同渠頭一齊,收埋咁耐,姐妹都唔講,估唔到。」水晶梨說。

「你都夠唔係啦,同啊正結婚又唔搵我同小美,怕我唔開心?點會啊,大家都搵到自己的一半。」我說。

「啊......唔係,係美國咁遠,諗住番黎先講,啊正做生意忙,佢哩幾日要黎香港見大客......」

水晶梨還未說完,劉世邦走過來。


「劉SIR,劉世邦,ICAC調查主任。」我說。

「凌晨風,咁都撞到你,聽講你同關鼎名一齊,估唔到佢恢復身份之後唔再做金融,一定係為左你做村長。」劉世邦說。


「咁睇黎風你同渠頭單野一日傳晒出去,哈。」水晶梨說。

「哩位應該係李姿婷,之前做記者,你都識收風啊。ICAC調查可以好快手,所有人物關系,總會有人報料更新資料,方便查CASE。希望以後冇野搵到你地幫手,再見。」劉世邦說。

劉世邦離開,我們繼續聊。


「係呢?啊正做咩生意?」我問。

都是時候入正題了。


「美國一間知名公司BS。」水晶梨說。


讓我想起二哥之前的話:
「madam又亂黎啦,聽講大公司買左大鼎物流倉,亂入私人地方比人port。」二哥說。

當天大鼎物流倉槍戰,是搶劫物品,如果關啊正事,難道他回來是為了交易受阻一事?我相信他是做正當生意的,不像賀展祥般。

但為甚麼得罪羅波等人?可能是物品值錢吧。所以除了我,他必定想辦法改變事實,但現在所有事情都是無從證實。


不久水晶梨說要走,我也要找渠頭了。

「都好耐冇見小美,得閒再見啦,我有地方去。」水晶梨說。

「好啊,再約。」我說。

2016年4月1日22:00


電話信號有問題,我只好到鼎名地產找渠頭,只見喊爆,籮斗,筲箕在這裡。

「你地係到既?渠頭呢?筲箕你唔係好忙咩?有大CASE,咁得閒打邊爐?」我說。

「你又知?咁查案都要食野,渠頭哥話打唔到電話搵你,去左你屋企。」筲箕說。

「Madam鬼馬啦,原來一早係村長夫人。」籮斗說。

「以後去我地鋪頭「包籮大爆」買包平比你。」喊爆說。

「Madam唔使比錢啦,間野渠頭哥都有份。」筲箕說。

以前看他們四個很討厭,相識下去才覺得這些真性情不錯。

「筲箕,我有野搵你,出去再傾。」我說。

「好。你地食還食,咪食晒。」筲箕說。


我們到屋外,筲箕好奇問道:

「睇黎你知啲野。」

「我只係知你係調左去國際刑警組做,仲想叫你聽日幫渠頭手。」我說。

「就係渠頭哥頭先CALL我番黎,有同我講過,又可能關賀展祥同黑警事,睇黎單CASE層面好大。

但好多野,我地同ICAC都查緊,唔方便講比你知。」筲箕說。

ICAC與國際刑警組一起調查的事,想必與神秘人經歷過的大事件有關,今次不是解決販毒與黑警這樣簡單。


「咁唔該哂,我走先啦。」我說。

「好多野我地控制唔到,任何人都可以做錯野,無論以前幾咁好人。都係個句,小心,BYE。」筲箕說。


總覺得他在暗示甚麼......


回到家,他們在吃水果。

「訓嘰笠,終於番來囉,食生果,周生買比我既,正野。」渠頭說。


「傾緊要野。」我說。


我們入房,渠頭說道:

「我聽你講今日去查個南亞佬,冇異常。係WO,你係水晶梨到收到咩風?」

「啊正幫美國一間叫BS既大公司做生意,今次番黎香港見大客,大鼎物流倉槍戰,羅波搶既野應該就係交易既野。個南亞佬都應該係幫間公司運野姐。」我說

「唔怪得佢都要穿越番黎,咁緊張批野,會唔會歷史重複,佢同賀展祥一樣販毒啊?」渠頭說。


「唔好針對啊正啦,睇下BS係咩公司咪知。」我說。

GOOGLE BS,美國公司,出了很多結果,我只好重新問水晶梨,她說清楚是BlueSky。


BlueSky是一間知名科研公司,已有百年歷史,機械科技,物流,製藥,食品等多樣化的全球生意,幫助無數因戰火而破壞以及發展中的國家。



「BlueSky格言:我們的人才,像來特兄弟勇敢向天空飛翔,致力為大家開創未來世界的藍圖。咁都比郭尚正搵到好路數。」渠頭說。


「而家最重要拉羅波,仲有聽日你同筲箕睇實醫院個邊。」我說。


「好啦,夜啦,我番去。」渠頭說。

「咪走住啊。」我說。

渠頭笑道:

「訓嘰笠,係唔係唔捨得我?要同居啊?」

「你食生果食到成間房都係啊,快D清潔好佢。」我說。

「Yes,Madam。」渠頭說。




第一次穿越,4月1日23:00


光仔不在屋,我知道他在打理小花園。

「光仔有心事啊?」我說。

「話時話完全FEEL唔到你同渠頭係一齊。」光仔說。

「我同渠頭經歷好多野。係鍾意一個人唔好收埋,唔係會有遺憾,光仔知唔知,小美係個好女仔。」我說。

「我知道......唔講啦,我番入屋先,。」光仔說。



梳洗之後,本來想找小美,但讓她早休息好了,反正也沒特別事聊。

第一次穿越,4月1日事件。

1:通知李SIR,早左搵番威嫂同人口販運貨車。
2:公開同渠頭一齊。
3:威爺番工
4:介紹個兒科醫生比TIM。
5:渠頭沒有去與周炳仁班工人講數,間接令三婆康仔受傷。
6:發現其中一個會死係大鼎物流倉既南亞人
7:番總區,蔡興國搵威爺。
8:同水晶梨食飯見到ICAC劉SIR,
9:知道啊正既工作,回來目的。


第一次穿越。
4月2日00:00

一覺醒來,幸好早一天吃了藥打底,現在沒有頭痛,臉色看起來也不算感冒,這樣父親就不會上山採摘。

下樓時,他們在吃早餐,今次小美也在,因為我要渠頭早來找她。

「小美,一間渠頭會同你睇祥媽。」我說。

「唔使咁麻煩渠頭啦,我一個咪得囉,可以有咩事發生?」小美說。

「唔麻煩,我今日聽日唔會再理班嘔泥,話知周生班人比佢地扑頭。」渠頭說。

「咁好啦......」小美說。


「渠頭,我一間去睇伯母。」我說。



「今日小心D羅波班嘔泥啊。」渠頭說。

對了,羅波的貨車下午會出現在圍村,早點通知李SIR set roadblock。

早餐後,我立即打電話給他。

「李SIR,收到線報,羅波班人會係圍村外出現,所以要早set roadblock。」


「我唔知你線報點黎,羅波單野其他部門會跟,做好自己工作。」李SIR說。

「但係......」我說。

「唔好諗住比人讚下就自把自為,講完。」李SIR說。

還是算了,以往也是我自己做事的,問他同意也沒有用。



「你個上司咩都唔理,自己解決啦。」渠頭說。

「只有係咁啦。」我說。


「行得啦,渠頭。」小美說。


「咁訓嘰笠,今日大家小心。」渠頭說。

「你地都係。」我說。


他們離開,我想起羅波的事情也要通知啊正。

whatsapp啊正:
「正,搶你野班人係羅波,聽日小心。」


「我知。風,你唔好理,有咩我識處理。」


我也想甚麼也不理會,平平安安生活,但自從穿越時空,變了所有人的命運都好像由我控制。

每做一樣都影響其他人甚深,放手不理又是同樣後果,難道要我不存在才完結?


我去找渠頭媽,在村內看見蔡興國,他本應是明天才來的,不知出現甚麼事件而改變了。

「大SIR,黎搵人啊?」我問。

「凌晨風......係啊,我有個舊相識,知道佢搬左入錦發圍,諗住搵佢,唔熟路,你會幫到我。佢個仔名仔係哩到村長。」蔡興國說。


「渠頭媽,我識佢,一齊啦。佢冇左腳唔方便啊,一個人係屋企悶,多D睇佢。」我說。

「居然係咁?唉,人好化學,生老病痛好唏噓。」」蔡興國說。




我沒有再說話,到了她的家,她看見蔡興國也感到意外。

「笑薇......」蔡興國說。

「你係啊蔡?入黎先講,風?仲諗住聽日煲野你飲。」渠頭媽說。

「唔緊要啦。」我說。

他們一直在說當年,過了很久都沒有收到威爺Whatsapp。


「我就番工走先啦,大SIR咁你同伯母傾下計。」我說。

「好。」他說。

「得閒再過黎。」渠頭媽說。


4月2日10:00



回到總區。只有威爺一個。

「威爺,威嫂點?」我說。

「芷澄今次冇番屋企,留院觀察,暫時未有問題。如果聽日冇野,咁我就唔會再同你地去。」威爺說。


其實我也希望過到4月4日。

「李SIR唔聽講,我地今次要解決羅波班人。」我說。

「Madam,其實唔係問題,你不嬲都唔聽講啦,咪去做囉,有咩咁好煩?最多咪又停職。」威爺說。


他們陸續回來,tim說道:
「老婆話帶左啊仔去睇你介紹既醫生,OK啊。」

「冇事就好啦。大家出發,今日好多野做!」我說。



第一次穿越

4月2日12:00


「威爺,去圍村啦。」我說。


「MADAM去圍村做咩?」二哥問。

我沒有回答,威爺照開車到圍村。


「tim,二哥,set roadblock,換保護衣。」我說。


「做咩set roadblock?又保護衣咁,有咩事?」二哥問。


「總之有事,聽我ORDER。」我說。

「MADAM有原因既,照set啦。」tim說。

二哥無奈地下車,我正等待羅波出現。



過了一會,時間應該差不多了,為甚麼羅波的貨車還未出現?

「我地晒時間等咩啊?」二哥不耐煩說道。

「李SIR叫我地收隊啊,你再唔收隊,佢就收你......」威爺說。

不用問,又是怕事的二哥通知李SIR,但我不想就這樣放過羅波。

「等唔到就算啦。你越想佢出現,佢係要作對。有時唔搵佢,就自己出現。」威爺說。


「咁......收隊啦。」我說。

「番去又比李SIR話。」二哥說。


正當我們收拾ROADBLOCK的時候,遠處有貨車過來,終於都出現了,威爺沒有錯。

「目標出現,大家ready。」我說。



貨車靠近時,我看到當天的司機,但今次身旁沒有人?而車上變成寫著肉類公司?

我指示司機靠在一邊停下,他交出身份證與司機證件。

「MADAM,我運肉啊,咩事?」司機說

「運肉去邊到?」我說。

「包鋪「包籮大爆」」佢琴晚落ORDER要肉。」司機說


是籮斗,喊爆?我打電話去他們鋪。

「係MADAM LING,想問你地係唔係今日叫人運肉?」我說。

「係啊,琴日筲箕打邊爐同我地傾鋪頭D野,諗住買肉整新口味包,咩事?」籮斗說。

「冇事啦。加油整新包。」我說。


這貨車的司機,當天羅波強迫他駕駛,現在因為我的關系,筲箕早一日接觸籮斗喊爆,司機變成幫他們運肉,羅波沒有找到他開車。

但何種原因,羅波沒有出現?是啊正聽到我的話,去解決他們嗎?



「原來就係等運肉車?咩事啊?MADAM?」二哥說。

我不甘心的上車,想著事情因果關系。

「冇理由羅波唔係到。」我說。

「你再諗就精神好緊張。」威爺說。

「係囉,無謂比查案影響太多。」DEE說。


「再亂黎,李SIR遲早停你職。」二哥說。

天開始下起冰雹來,又在閃電,

「madam,你再諗就精神好緊張,番去啦。」威爺說。


4月2日13:30

回總區期間,渠頭發whatsapp給我。

「我同小美去左醫院,但筲箕可能有野跟,今晚得我去停車場。」

「好,你小心,到時暗中觀察先。」我說。
說。

「OK,再講。」渠頭



「今晚渠頭有野做。」我說。


「哦......村長話,佢咁能蟹,唔使人幫都得。」威爺說。


回到總區,很自然給李SIR指責一番,但我沒有理會。


4月2日16:00

小休期間,他們在討論賀展祥。


「聽講警方批左賀展祥去見啊媽最後一面。」DEE說。

「賀展祥咁多仇家。」二哥說。

「有手足係到唔會有事既。」TIM說。



第一次穿越

2016年4月2日18:00

渠頭whatsapp:

「祥媽過左身,我去左停車場啦,班人準備帶賀展祥番去,好快知咩事。」

「takecare,見唔對路就走,有咩今晚再講,手機信號開始收唔到。」我說。



「MADAM,賀展祥個邊點?」Tim說。

「祥媽過左身,手足帶賀展祥佢番去。」我說。

「點都好,最緊要親人唔好有事發生,佢仲有個妹。」威爺說。

「威爺通常咁講完,冇一次係冇事發生。」二哥笑說。
 
已有 0 人追稿