《EU超時任務》續作: Chapter 3：第一次穿越(下)

巡邏半小時後，電台又是斷斷續續通知：

「沙沙沙.....各單....沙沙沙...位注意..」

「威爺，整整佢好。」二哥說。

「冇得整啊，個天一直干擾我地，點整個結果都係壞。」威爺說。

「181收唔收到？.....賀展祥係醫院停車場殺....沙沙沙..左幾個手足逃走，181,182巡邏時睇下有冇可疑車輛。」






今次有渠頭在監視，我們離賀展祥逃亡真相越接近，他會知道剛才發生甚麼事。

「收到！」我說。

「嘩！殺警好大件事！」二哥說。


「但賀展祥唔似會咁做野。」tim說。






「會唔會OT？」DEE說。


「哩啲留番比其他人跟啦，唔知咩事最好唔好理。」威爺說。



4月2日20：30





下班時才恢復手機信號，收到渠頭來電。


「渠頭，頭先咩情況？」我說。

「去酒吧再講。」渠頭說。

「OK。」我說。


我只好一個人來到酒吧等待他，過了一會，看見當天的中東人。

「訓嘰笠，你望咩？」






也不為意渠頭來到了，他點了酒後喝了幾杯，按著手臂。

「發生咩事啊？你受傷比我睇睇啦」我說。


「唔使，賀展祥果然係比人救既，頭先我係停車場監視，但聽唔清班警察同賀展祥傾咩，之後有個神秘人出黎殺班警察。

我跟住佢地無幾耐，比佢發現我，我埋唔到佢身，仲CHOK親手。最後賀展祥叫我睇住小美唔好再多事。」渠頭說。


「人地有槍就唔好跟啦，我會好擔心你。」我說。

到底神秘人是誰？會是發短信給我的同一人嗎？






「個神秘人，我估唔到係邊個。睇身手，好似受過訓練，得幾個人姐，威爺，郭尚正，鍾永啟，郭偉誠，再唔係就唔知既神秘人。」渠頭說。

「威爺同緊我一齊，啊正又點會同賀展祥有關，郭偉誠中風係監獄更加冇可能，得番SDU鍾永啟，佢好似已經冇做好耐，自從鍾永俊坐監之後。」我說。


「咁仲方便行動，到底咩人要救賀展祥？」渠頭說。

「如果有下次，要搵多個人幫手。」我說。


「點都唔好諗下次，我地解決唔到咁多大野，最緊要海叔其他人冇事。訓嘰笠，就算正義都唔可以咩都放上身。」渠頭說。

「得啦，長氣。」我說。

「係wo，咁小美呢？」我說。





「小美，er，我上到去個時唔見佢，電話又唔通，咁whatsapp搵佢，佢話冷靜下自己番去。你又唔搵佢飲酒。而家應該係屋企。」渠頭說。


眼看中東人要離開，這是個好時機去調查。

「去邊啊？。」渠頭說。

「個中東佬有可疑，上次係酒吧出面比佢走左，今次唔可以。」我說。

「我同你一齊。」渠頭說。

「你得唔得啊？」我說。

「得！」渠頭說。 我們離開酒吧，今次應該不會因為啊正呼喚我，而讓中東人走去。





他察覺有人跟蹤，加快腳步走過一個轉角位，這時，小美卻打電話給我。

「我...好....暈啊......過黎接我......」小美說。

「好，我地過黎。渠頭，又話係屋企？小美又飲醉左啦。」我說。

「整定啊，同個晚一樣。」渠頭說。

總不能任由小美一個在街，中東人，算你好運，兩次都成功逃去。


不久在就近地方找到她，我們開車回家。

「真係難為小美咁擔心.......賀展祥仲唔知做咩.......」渠頭說。

「仲講？」我說。


小美低語著：

「幫我啊哥......」

其實渠頭說得沒有錯，無論賀展祥是不是本身有計劃逃走，還是他被動的，也總不能一走了之，如果是怕黑警，大可以找其他人保護，icac，難道他認為沒有一個人可以幫手？


第一次穿越 4月2日22：00

父親與光仔照舊還未睡。

「我睇新聞話.......唔怪得小美醉成咁。」父親說。

「唔講住啦，我帶小美上去先。」我說。

「唔記得買解酒茶tim。」渠頭說。

光仔說道：「我出去買。」


「夜啦唔使，你一間幫手準備熱水毛巾上樓。」我說。

「渠頭你係到等等。」我說。

我扶小美上房，幫她更換衣衫，與光仔忙一番以後，她睡著了才離開 ，渠頭還在這裡等著我。

「你仲等緊我。」我說。

「訓嘰笠， 我諗諗下記得d野。一年前小美間屋比人反轉，我去探賀展祥監，佢話班黑警帶走佢部電腦，實消毀不利佢地既證據。不過佢早就KEEP哂利益記錄， 其它生意資料係usb到。我諗班黑警同救賀展祥既人目標都係usb。」渠頭說。

「咁重要既野，你而家先講？」我說。

「賀展祥叫我唔好理，加上我哩一年忙住幫周生做野，點諗到有野發生？邊記得咁多。」渠頭說。

現在起碼又知道一些事情，黑警，賀展祥的usb，神秘人是有關。

但大事件是拼圖，只有其中幾塊是不可能完成的，我還未串聯起來得到答案。

「渠頭你早D休息啦，聽日好緊要。總之唔可以有任何一個人出事，死一個我都要重頭黎過，因為我影響緊你地既命運。」我說。

「你太緊張，有我，有威爺係到。」渠頭說。

「你之前都可以幫我解決哂所有野，哩一年都好似冇發生咩大事，證明係得既，時間問題。」我說。

「訓嘰笠，唔好諗太多。早抖啦。」渠頭說。


渠頭離開，我回到房間，在床上回想今天事情。

1：渠頭，小美同祥媽入院。
2：通知李SIR set roadblock。
3：通知啊正小心羅波 。
4：前總警司蔡興國找渠頭媽。5：威嫂暫時未有事
6：羅波沒有出現。
7：賀展祥見啊媽最後一面之後，神秘人殺警救走佢。
8：發現可疑中東人。
9：小美一個人在街飲酒。
10：渠頭交代賀展祥usb一事。

想起之前光仔的話：

「如果要再冇循環，唔只係冇穿越時空咁簡單，要將蝴蝶效應消除，有蝴蝶就有效應，引起所有野既本身，姐係最後答案係來自個個人。」

最後答案到底是？

4月3日00：00


4月3日08：30


下樓時只有看見父親，記得媽與光仔出去買東西，而小美還沒起身。

「爸，今日有冇咩特別野做？」我說。

「你啊媽話買完野，叫我同佢去睇大戲。」父親說。

「好啊，睇得開心D。」我說。


我來到小美房間，她坐在床上還是頭痛的模樣，看來她一個喝酒，這次醉得多了。

「小美，有冇野啊？」我說。

「頭先啊哥既律師打電話比我，話一早交低祥媽既遺物，仲有他比祥媽既錢，要我處理。但我今次咁頭痛，應該唔去得。」小美說。

「咁咪唔好去住囉，又唔係有咩重要野。你訓多D，冇咩野都唔好出街啦。」我說。

「知道啦。」小美說。



我打電話給渠頭。

「渠頭，唔使同小美去處理祥媽既遺物啦，佢今日係屋企休息。」我說。

「咁佢應該唔會失蹤，海叔又唔會上山，希望威嫂都冇事，大家就唔使穿。」渠頭說。

「今日要解決羅波。」我說。

「又唔係重要，由得郭尚正搞啦，個李SIR實話你亂黎。」渠頭說。


「我知，但神秘人講過哩單野影響好深，我覺得唔只係搶啊正野，仲影響好多人。」我說。

「查還查你小心，咁冇咩特別野，我幫番周生手先啦，有咩再聯絡。」渠頭說。

「OK。」我說。


還是看看啊正打算如何處理今天的交易。

whatsapp：

「今日諗住點應付羅波？使唔使我幫手？」我說。

「風，唔使，你唔做野就已經幫到我，多個EU會影響我行事，你安守本份，過到今日就咩事都冇。」

好吧，我就不用理會。


不久收到威爺Whatsapp：

「醫院通知，芷澄病情反覆，我而家去睇佢，你唔使過黎啦，諗下點阻大鼎單野。今日4月3，果然逃唔過命運。」


這是沒有辦法改變的，本來威爺應該是放下了，但到了老婆原來有一刻可以繼續生存的時候，他又再上心。



見還有時間，都是將羅波一案仔細研究一番。

以啊正的手段，他不會任由羅波再成功的，必定提早交易，或者將物品轉移地方。


就當他們在搶劫物品之後，最有可能會藏身何處？他們在圍村就近地方出現過。如果歷史是類似和重複的話，會否在與四悍匪一樣山上有據點？


當初就是他們在山上，要不是渠頭多次幫助，我早已經死了，而父親就是因為跟蹤悍匪，被放進車後，在大鼎因我開槍而身亡。

我終於明白啊正為何說要幫我，幫自己解決事情，也想起父親的一句話：

「D冇公德心既人，山上亂扔玻璃。」



羅波搶劫啊正的物品，可能是工業物品，上山的時候跌破了一瓶，但他們沒有好好收拾，使到父親路過受傷。


好了，只要沒有羅波，啊正會交易成功，他們現在可能在山上，既然李SIR不願意看見我們去大鼎，我可以提早解決問題。


只好再找渠頭。

「渠頭，有地方要你同我去。」我說。

「去邊啊？搵威爺啊？」渠頭說。


「我有種感覺，懷疑羅波同琛狠守辣一樣喱係山。」我說。

「唔係啊，訓嘰笠，你諗住上山捉佢地啊？你都話過個次我點放你入車尾，仲有海叔呢？加上咁重火力，我地就咁去......人類總要重複同樣既錯誤。」渠頭說。


「我只係去睇睇，如果有發現我會call人。」我說。


「不如直接報警，等你D伙記上山好過啦。」渠頭說。

「咁.....冇野啦。」我說。

「你唔好自己去啊。」渠頭說。

「得啦。」我說。

掛線後，我離開家，一個人到上山的路，其實我也不想冒險，但記得未穿越之前，神秘人的短訊：

「大鼎物流倉會有事發生！今日開始引起未來好多蝴蝶效應，小心，希望今次唔使再穿越時空解決。」

無論他經歷過甚麼，是否在大鼎物流倉出事也好，我只知道4月3日永遠有事發生，一次比一次嚴重。

未來......即是說今天之後的事，已經想到影響的層面比起這三日的大。


既然做或不做也會有蝴蝶效應，我知道事情將會發生，有能力當然要去制止，留別人來解決，難保變得更壞。


正當我準備上山的時候，有人搭了肩膀，我下意識的還手......原來是渠頭？

「啊，訓嘰笠，差D比你打到小渠頭，好在閃得快。」渠頭說。


「你又黎既？」我說。

「我知你一定唔聽講會黎，咁我點可以唔理你啊，你夠唔係啦，又話以後一齊面對。如果你係山上有事，我要搵我兄弟啦。」渠頭說。

「咩搵兄弟？」我說。


「喊爆啊！」渠頭說。


「對唔住，我地一齊去啦。」我說。

他真的著緊我，我們手拖手起行，其實似是拍拖多於查案。

在山上都沒有發現甚麼，來到近下水道位置，我有種特別感覺，他們在裡面，但因為渠頭手臂還未恢復，只有算了。

「睇完啦，我地走啦。」渠頭說。

「係，我都要番工。」我說。

經過樹林小路，好像聽見有其他人的腳步聲，原來是羅波其中一個手下！果然他們是藏身這裡！


「渠頭......」我說。

「我見到啊，但係我地兩個人一把槍應付唔到，走啦，知道佢地係邊，大把機會捉。」渠頭說。

倒也是的，但想離開的時候，讓他發現了，他開槍追趕我們！我未及還擊。

「呯呯呯！」

「訓嘰笠，我引開佢，你走先去報警。」渠頭說。

「你整親手點引啊？」我說。

「佢啊奶啊，唔係我整親手，使怕佢地？」渠頭說。

我們還有一段路程才離開山，信號又不清晰。

再這樣下去真的會有危險，都是我的錯，不應該單獨行事，還要渠頭受傷下幫手。

他越靠越近，我沒有子彈了，渠頭還想跑出去。


「死差婆......」


「呯呯呯！」

多下槍聲由遠處發出，他環望四周，好像發現其他人來了，是救星嗎？


「訓嘰笠，救星啊！睇個樣可能係威爺！快D走啦！」渠頭說。

「威爺點知我地係到？佢仲係醫院。」我說。


「神秘人又好，邊個都好啦，離開再講！」渠頭說。



不遠處見黑衣人，開槍向他射擊，一人在樹後閃避，但眼見情況不對路，最後也放棄離開了。

黑衣人急急離開，我回望，他走的時候在輕按手臂，腳步不太穩，似乎不是很強的身手，不過槍法了得。


我們回到村裡，渠頭少許怪責說道：

「訓嘰笠，真係唔好有下次，唔係次次個神秘人都救到我地。」

「知啦，神秘人會唔會係村入面既人，監視緊我地？村長點睇？」我說。

「會逃得過我對眼咩？」渠頭說。


我們在士多休息，不久看見籮斗出現，他在搬東西放在地上，按動手臂，很像疲勞的模樣，他會否有可能是神秘人？

「籮斗，搬咩啊？唔叫喊爆幫手？」我說。

「MADAM，午餐肉啊，鋪頭要用，call喊爆成半個鐘又唔知去左邊。」籮斗說。


看來，他們兩個都有可能，看著經過不起眼的村民皆有可能，正如當初沒想到筲箕是臥底。



「訓嘰笠，你唔係諗住佢兩個啊奶會係啊？咁樣我買海叔仲有可能。」渠頭笑說。


「有冇可能查過先知，早D知係邊個，唔使佢孤軍作戰。當初你同筲箕差D出事，唔係......係死過一次。」我說。

「人地唔露面有佢既原因既，就係因為冇人知，佢先方便行事。訓嘰笠，你咩都理會好有壓力，屋企人，EU，郭尚正單野，小美全部都關你事，聽我講，放鬆。」渠頭說。


「唉，我都想學威爺放假唔好理野，但你知我唔會咁。」我說。

「解決哂之後，結婚唔好再做EU啦，學威嫂咁做師奶，過番正常生活，我搵錢養你，生番成隊小渠頭比海叔燕姐。」渠頭說。

聽見他的話，士多裡的村民在暗笑。


「細聲D啦，你當我生仔機器啊？一個渠頭都難應付，仲要成隊小渠頭？邊有人叫自己個仔做小渠頭啊。不過......正常生活都好既。」我說。

「咁我當你答應啦，你夠鐘番工，我去搵大錢。」渠頭說。


看看時間，都是回去的時候了，還要和威爺討論接下來如何處理。

「再聯絡，希望今日冇事發生，你有時間就再睇下小美點。」我說。

「好，今晚見。」渠頭說。



4月3日10：10

回到總區，威爺還是嚴肅的模樣，但相比起以前，他算是多說話。

「Madam，聽講頭先同村長好大件事WO，差D就見唔到你。」威爺說。

「你咁快知？好在神秘人救左我地，話時話，係咪你啊？」我問。

「你都痴線，我係醫院點知你地係邊，識分身咩？我救人使神秘？你諗下點同李SIR交代好過啦，山上有行山既報案見到你同羅波班人開槍。」威爺說。


「經歷咁多次，話到我都麻木晒啦。」我說。

這時添他們回來。

「添，你個仔點啊？」我說。

「老婆一間帶啊仔去覆多次診，冇咩問題。」添說。

「MADAM仲得閒理人，真係唔怕李SIR。」二哥說。

「咁MADAM都係做正確既事姐。」DEE說。


不久李SIR出現了。

「開會。」李SIR說。


「 凌晨風！你係山上開槍，仲同羅波班人開火？我都話單野唔好私自調查，有冇聽我講？而家打草驚蛇，人就搵唔到啦，就比人PORT。」李SIR叫喊。


「Sir，見到通緝人士，我無理由放走。而且當時我係想走，CALL伙記去睇，但比佢地發現左，佢開槍，我先還擊。我冇做錯！」

今次我算是適當處理，一定要據理力爭，他多次想說話但沒有，最後說了一句：

「唔好再有下次，唔係就停職，冇特別就散會。威爺，你係車長，好好睇住凌晨風，唔好比佢亂黎。」


他離開之後，威爺說道：

「佢都傻既。我係車長點話事姐。」


未出車之前，我打電話給爸。

「爸，你同啊媽睇緊大戲？」我說。

「係啊，差唔多睇完。」他說。

「好啦，冇野啦，睇完早D番屋企。」我說。


之後到小美情況，光仔說她還在房裡，我就放心了。


4月3日12：00

巡邏間，我想今天應該沒有事發生，而經過今早，羅波不會再亂行動，不過還是問問啊正好。

Whatsapp：
「今朝我上山見到羅波班人，你個邊交易點？」我問。


但過了一段時間，他沒有回覆我，難道又有事？


「威爺，去大鼎物流倉睇睇。」我說。


他沒有說話，二哥還是說：


「madam又亂黎啦，大公司買左大鼎物流倉，亂入私人地方會比人port。真係想比李SIR停職。」

「大公司高層係啊正，冇問題，我知會左，有咩我負責。二哥我知你會通知李SIR。」我說。

「我係有咁諗啊。」二哥說。

威爺沒有說話，去大鼎物流倉的中途，收到電台通知：


「181，182，有兩架車向市區方向追趕，有槍戰，請快去。」



「收到！威爺開快啲！」我說。

「唔使睇燈咩，MADAM，入緊市區會撞到人啊。」威爺說。


看來啊正未必可以安全交易，羅波這些人背後一定有幫手的，亦有機會是黑警保他們，否則在通緝中還膽敢現身搶劫？

無論如何也好，也要將他們捉到。


我們換上裝備，就在差不多到市區時，182來到了，也見到路邊有四具南亞人屍體，而羅波等人一看見我們就上了車，繼續駛進大街。

「佢地有心入大街，仲追啊？」二哥說。


電台通知：

「181你地位置係邊？」

「我地同182到市區，發現目標向大街方向行駛，追緊，前後包住佢。」我說。

「留意市民安全。」電台通知。


兩部EU車響起藍燈，分別追趕羅波的車。


「呯！呯！呯！呯！呯！」


期間其中一人探頭出來開槍，重火力使到威爺開車左閃右躲。

「威爺！你可唔可以揸好啲！」二哥說。


威爺心煩氣躁地喊道：

「唔得啊！你叫班仆街唔開槍先！」

電台通知：


「182車死火行唔到，已經CALL其他人支援，181留係原地先。」

因為市區路面有限制，羅波等人逃走速度降低了，加上添的射擊，他們不得不停下離開車，拿著手提箱轉而在街上行走。


「呯！」

「啊！」


他們向天開槍，一邊逃走，市民在大叫四散，場面混亂，有人受傷，我們也下車了，但不能輕舉妄動。

「威爺，睇住部車，DEE，二哥，安排市民離開，添，跟我去！」我說。


「MADAM你有冇聽到留係原地？等支援啦，再追又會引起啲咩事，就死得人多。」威爺說。

「唔追，比佢地走都會死得人多。」


我們追趕，一直來到近後巷位置，這裡沒有市民。


「你地擋住，我兩個帶手提箱走。」羅波說。


羅波離開，手下們繼續與我們開火

「呯！呯！呯！呯！呯！」



在這裡經過一番槍戰，添成功解決了其中二人，差不多追到羅波時，遠處看見他們劫持了一部小巴，並下令開走！

這情景似曾相識，當天我千方百計想父親安全，要他與母親外遊，沒想到蝴蝶效應下，他們因為康仔事件回港，更坐上悍匪劫持的小巴。

不過說到底都是因為我引起的。


「MADAM，追唔到啦，等伙記。」添說。

「咁番去啦......」


這時，添與我的電話響起。

「老婆......佢睇完醫生，同仔仔係小巴上面！」添說。

父親的Whatsapp：
「風！我同你啊媽坐小巴比人劫持緊！」


又再經歷多一次了，據之前經驗所知，爸媽會跳車受傷，而最終小巴上的人沒有事，但今次多了添老婆與兒子，會否出現變數？

看見添擔心的緊握手機，我安慰他：

「羅波只係想走，應該唔會對小巴既人做出咩。」我說。

「希望啦，班人冇人性。」添說。


「既然我地咩都做唔到，番去車到等消息。」我說。


我們回到EU車，威爺說道：

「MADAM，你地去咁耐啊？李SIR係咁WARNING搵你，好煩，要我帶你番去。」


「羅波搶小巴，啊爸啊媽，仲有添老婆同個仔係車到。」我說。


「我都警告過你啦，佢地多得你唔少，睇黎你又要有心理準備。」威爺說。


「有咩番去再講。」我說。


現場留待其他手足跟進，沿路上，天繼續響雷，渠頭whatsapp我：

「訓箕笠，睇新聞好大件事WO。」


「希望啊爸啊媽，啊添老婆同個仔冇事。」我說。


「下？！今次又關佢地事啊，真係比蝴蝶玩死......」渠頭說。


「你個邊有冇特別野？」我說。


「冇，我一間要同周生上律師樓，你小心，大家都唔會有事既。」渠頭說。


「今晚再見。」我說。

4月3日15：00

EU總區。


李sir二話不說叫喊：

「凌晨風！我叫左留係原地，咩叫留係原地？你同程亮添私自行動！」

「sir，我冇錯，差少少就捉到羅波。」我說。



「我諗你要暫時停職，重新評估你帶領同處事能力......」李SIR說。


我關心的只是大家的命運，這時他的電話響起。


「係，好既，我會同佢地講。」李SIR說。


掛線後，他嚴肅的模樣變為一面同情，說道：

「凌晨風，程亮添，伙記通知，發現左羅波劫既小巴，係路邊撞到反車，車上所有人傷重死哂，有你地既屋企人......你地而家去醫院啦。」


為甚麼會這樣的？！命運總不放過我的親人，啊添，對不起，這次還害了你家人。


聽見後，添激動的跑出去，其他人也出去找他，李SIR離開之前，語重心長說道：

「凌晨風，你停職抖抖，處理好所有野，等自己清醒下，係唔係為正義就咩都關自己事，諗下身邊人。」


只留下我和威爺在這裡。

「點......」

我還未說完，威爺教訓說道：


「唔好又問點解會係咁，點做先唔會係咁，由你開始穿越，你就知道鑊鑊新奇鑊鑊甘。而且抱住個心態係可以穿越重新開始，

所以唔會諗做好D，係最後一次，咁咪死囉，咪次次都係咁。」



「你知我唔係咁諗，我都想做好D唔使穿越，但我無理由完全唔理，點做都有蝴蝶效應。」我說。


「雖然你的確好麻煩，不過公道D講，或者唔完全由你引起既。你地三個，神秘人，點知仲有幾多穿越者做野？」威爺說。


「你明就好啦，我好大壓力。」我說。

「我就一直查老婆發生咩事，D大單野應該都唔影響我。係WO，你仲唔去醫院？。」威爺說。


不知為何剛才激動完一會，現在沒太大感覺。


「穿越其中一樣唔好野，經歷得多死人，就算係最親既人，都開始會冇感覺。但係做人千其唔可以冇感覺。我都係時候再睇睇芷澄，今晚見。」威爺說。


「一齊行。」我說。


去醫院期間，我通知了光仔小美，渠頭電話經常不能接通，都習慣了，學威爺說：

「冇得整啊，個天一直干擾我地，點整個結果都係壞。」


收到神秘人的短信：

「今日死傷好多人，令我諗起未來.......我地今次穿越要睇下點引起最少蝴蝶效應去解決野。」


「你其實係邊個？」我問。

「只要解決到，你就唔需要知，大家過番平靜生活。」他說。



到了醫院，只見小美一個神情傷痛的坐在這裡，不見光仔。

「小美，光仔呢？」我問。


「去左搵醫生，睇埋AutieUncle......」她輕聲說。


我們去找他，他無言地看著爸媽，而另一邊看見阿Dee與二哥，相信啊添去認領太太兒子屍首，當他出來時看見我，大家只能點頭問候對方，安慰話再說也沒有用。


光仔，啊添，我答應你，保證沒有下次。


第一次穿越
4月3日19：00

我在醫院等了很久，渠頭也沒有出現，只有要光仔小美先回去，他們離開後，


「訓嘰笠，唔好意思啊又遲左......呼.....今次海叔出事，仲加埋燕姐，啊添老婆同個仔...唉。」

看見渠頭又上氣不接下氣的樣子，今次又發生甚麼事？

「你又話同周炳仁去律師樓，咩事啊？」我說。

「講起真係好危險......小美今次冇去律師樓，賀展祥叫神秘人去搵個律師，帶走祥媽既遺物，比我同周生見到，差D出事，即係話原來USB係遺物到。」


渠頭坐下來休息，見還有時候，整理今天發生的事情。

1：小美沒有去律師樓。
2：羅波在山上，神秘人救我同渠頭。
3：羅波搶走啊正交易物品，係街劫小巴逃走，啊爸啊媽睇完大戲，添老婆同個仔剛好係小巴，最後撞車所有人死。
4：賀展祥叫神秘人去搵律師，帶走祥媽既遺物，重要USB。

「我有理由相信有黑警保羅波，USB......而家知道左係邊，入面有黑警資料，下次就可以利用解決所有野。」我說。

「邊有咁容易啊，人地大怪獸仲未知係咩人，同人搶USB？由佢地打啦。」渠頭說。

「搵ICAC同筲箕國際刑警組個邊幫手，唔信唔得。」我說。

「穿越再講。」渠頭說。

一會兒，我也想問啊正今天一些事情。

4月3日23：55

我和渠頭來到電塔，威爺早在等待，啊正呢？

「威爺，你就得閒啦。」渠頭說。

「我唔會點理你地，加上而家有神秘人幫手，其實我可以功成身退，好似之前咁睇老婆就算。」威爺說。

「唔好咁講威爺啦，佢都有自己任務。」我說。

這時，啊正終於出現。

「啊正，今日羅波班人撞車，關唔關你事？」我問。

他怪責我說道：

「風！我都要同老細交代，搵人去搶番批野。唔係你追，我D人係其他地方下唔到手，使咩撞到爆哂？交易唔到，我冇得救啊爸啊。你害死幾多人？」

我無話可說，

「你仲諗住救你啊爸？死心啦，坐緊監啊。」


渠頭說話更刺激啊正，他叫喊：

「唔使你理！如果今次穿越，你地有邊個再影響到我交易，風，唔好怪我.....」

「未怕過你啊！郭尚正，你夠膽傷害風，我唔放過你！」 渠頭幾乎想過去，我拉著他，不久，天出現強光，照著我們........


4月4日00：00