在校園發生的那些事: rm1210 - 2

今天，我正式成為一名中學生了。
「我叫謝佩君呀，你係？」
我的同桌是一個哨牙的女生，她帶著一副金絲眼鏡，土氣得很。
但她好像挺友善的。希望我能交到中學第一個朋友吧。
「我叫林文康呀。」
「希望你鐘意同我坐啦......」
「吓？」我聽不清楚她在說甚麼。
「冇野喇！」
．．．．．．．．．．．．．．．．．．．．．





「大獲喇，我冇唔記得帶數學書，實比馮Sir記名喇......」
「你再去Locker搵下先？」
「好啦。」
說罷，我把自己的數學書塞進她的櫃檯裡。

「各位同學，起立。」馮Sir來到了班房。
「馮老師午安。」
「我地今日開始數學書轉用下冊，沒帶嘅同學仔好主動報上名來喇。」
「馮Sir我冇帶呀。」我主動站起來。





這時，謝佩君已經找到「她」的課本。
她轉過頭，看著站立起來的我。
．．．．．．．．．．．．．．．．．．．．．

升上中二了，我仍然跟謝佩君同班。
剛巧，我們的班主任又安排了我們作為同桌。
．．．．．．．．．．．．．．．．．．．．．

「嘩你箍牙喇？」
「係呀......比你發現到添。」




「咁大粒釘，點會睇唔到呀！」
「會唔會好樣衰呀？」
「會呀！箍牙妹！」
「妖。」
．．．．．．．．．．．．．．．．．．．．．

謝佩君不是一個簡單的人。
她利用手機數字鍵打字的速度快得驚人，甚至對每一個字的筆劃都熟得你不能相信。
往往她在櫃桶內回SMS，都能做到神不知，鬼不覺，老師不會看得到。
「陣間食唔食麥記牙? :$」
「好呀」
「甘放學見你啦」
「好掛住同你一齊坐牙~ 家下隔離刀唔會同我講野o既;( 」
「o係咩　見佢平時小息都多野講架」
「o下　咁奇怪」





「林文康，你做緊啲乜野？」「部電話自己拎去訓導處！」
謝佩君的身子在抖震。她正忍笑。
還不是因為妳！

「喂Sor呀，搞到你比人收手機。」
「扮咩呀，岩岩仲喺到偷笑我樣衰。」
「你睇到呀？咁我收番依句啦。抵你死啦！」
「妖，食乜呀。」
「照舊啦，唔該。」

我照樣為她點了一個麥樂雞餐，為自己點了一個脆香雞翼餐。
「留多陣喺到做功課？」
「好呀。」我說。





她的強項是中文科，甚至有老師高調地稱讚她的水平及得上一個中七學生。
但我們就只能讀到中六了，因為剛好遇上第一年的DSE。
我抄考她的中文功課。
當然，字眼會改成我自己常用的字句。
笨蛋才會一字不改地抄寫別人的功課。

「你呀，中文年年先岩岩好合格，然後又靠其他科拉番上黎。」她說，「好心你就認真小小做中文功課啦。」
「車，到時出黎做野洗鬼用中文咩。」
「你夠抄我其他功課啦！」
「睇下到時中六你點死！」我倆異口同聲的說著。

做完功課後，我跟她穿過杏花邨，送她回家。
．．．．．．．．．．．．．．．．．．．．．

自從那一次跟她做功課後，我們開始每晚都會偷偷在房內聊電話。




突然，有一晚她完全不聽我電話。
心裡突然空空的。

「喂黃銘仁，琴晚謝佩君冇聽我電話呀。」
黃銘仁是我在班中的好兄弟。除了謝佩君外，我最能跟他談心了。
「你係咪鐘意人呀？唔聽你電話一次姐。」
「乜鬼呀。當佢係好朋友姐。」
「係啦係啦，你呃到我，但呃唔到自己啦。」
「突然講啲野古古怪怪......」

過了早上，才知道謝佩君今天請假了。
在放學後才收到她的短訊，
「對唔住牙! 我琴日唔係好舒服　訓到唔知你打左過泥呀! 」
「唔好意思!! ;((((((」





「你睇下你笑到。」黃銘仁說。
「嘿，邊有呀。」