一個中五女學生的故事: 1

【喂，Scarlett，近排又食咩仔啊？】Celine問我。
Celine係我係學校唯一最熟既朋友。正確黎講，係一個會帶我周圍去蒲、去玩既酒肉朋友。我地都被學校啲所謂好純既女仔標註為公廁、臭雞。當初我食仔，某程度上係因為見到Celine咁多仔圍，然後我都想好似佢咁，咁多人圍住自己。本來我係一個無朋友、無乜存在感既人，直至Celine話想同我做朋友，先勉強叫有一個同我最熟既朋友。點解我咁摺佢都會留意到我。。？
【無啊，都係Vincent。】我諗左諗先答佢。啲仔多到我都唔知邊個打邊個。有時上床都驚自己嗌錯人名。。
【唔係掛，你仲未換啊？一個月喇wor，我最近同一個消防員玩。勁大隻囉，又幾型幾靚仔。size又有返咁上下。呢期應該都係佢。】Celine一路開手機俾條仔幅相我睇，一路講。佢成日換仔我都見怪不怪。
【差唔多完架喇，佢應該都溝緊第二條女。】我沉過船好幾次，俾人hurt到都就黎麻木曬、慣曬。。當然點都會有感覺既，但慢慢都變左半player。點解係半？因爲我玩人，人都會玩我。其實我都想真真正正、認認真真拍拖，但每次遇到都唔係好既人，可能自己犯賤掛。。。反正心入面都想有一個真正愛惜自己既人出現。但當然無講俾Celine知，因為佢唔會明，而係會話：【拍咩拖啊，好曬時間，好男人死曬架喇，唔好發夢啦。】


今日放學約左Vincent，都係去開房。同佢短短識一個月，你話真係去行街睇戲食飯其實都唔知有無五次。。每次都係去開房搞野，佢搞完都係死屍咁攤係到訓，我其實都厭厭地。。。

【射喇。。。。】佢蚊出黎射係我身到。


【我沖涼先。】睇黎我都真係厭左。
【攬陣先啦。】佢攬住我咁講。平時射完就算，宜家話攬。男人。。
【唔啊。成身癡笠笠。】我推開佢，走去沖涼。

沖完涼著好衫，我就走。
【做咩咁快走啊。都未夠鐘，留多陣先啦。】Vincent開聲。
【我有野做，byebye。】我無諗住留低。
我開門行出房，同執房姨姨打聲招呼就走。
話就話有野做，其實只係唔想再對住佢，我已經厭左。。可能你會話我：【死臭雞，你自己揀俾人玩，自己自願做渣男磁石，宜家係到博同情？】
我無任何博同情既成分，你問我有無後悔出黎食仔，我無。就係因為出黎玩，我先見識到唔同既渣男，慢慢學識點樣去分辨男人。當然有啲都分辨唔到，唔緊要，當吸取教訓，我又唔覺得自己有任何損失。


自從出黎玩，我開始唔會在意人地點樣睇自己，甚至有時係我主動去撩仔搞添。慢慢我都識玩呢個遊戲。
我無後悔自己選擇既路。

一路返屋企，我諗起一開始點樣沉船、俾人玩。我出黎食仔其實只係貪玩。拍拖？我印象都好模糊。拍過一兩次囉，第一次我飛人，第二次人飛我。
可能係報應，可能係人生試煉。無所謂，我已經對呢啲野無咩感覺。自己開心就好。

返到屋企九點幾。我沖多次涼就攤上床訓教，好攰，不得不說搞完野係真係會攰。