一個中五女學生的故事: 2
一早返到學校就收到Vincent既wts。
【今日放學得唔得閒？】佢問。
【未知住。】琴日先搞完今日又想要？
【我有野想同你講。一係你放學我黎搵你？】平時都無咁多野講，宜家話有野要同我講，wts咪得囉，洗乜特登見面講咁麻煩。
【er。。快既話都得既。】我不太情願地回覆左呢一句。
【就咁話啦，你放學我黎搵你。】
我睇完就offline。
上緊通識堂。又係無聊既一堂。
呢隻咸濕教畜自我改頭換面開始，每次上堂都望撚住我。wtf？？？你眼尾望下都算，唔知自己極度明顯，慌死無人知佢望緊我咁。。唔係懶高竇唔俾你望，係你望撚到我成個人好撚唔自在。成日都嗌我答問題，我又唔係話身材特別好個啲，仲有小小肉。重口味？
終於捱完堂通識，我眼訓到暈，即刻趴係枱到想訓。。。
【Scarlett。】邊撚個嗌我啊。。。
【啊Figo，咩事？】原來係男班長Figo。
【無，想叫你lunch一齊食姐，賞面嘛？】我一向係學校都係獨來獨往，自己一個做野、食飯、返學放學等等等等。
【可以既】我回佢一句。
【咁等間上完選修科係樓下大堂等啦】佢好似好開心咁。
【嗯】我實在太眼訓，然後繼續趴係枱訓。
Figo係男班長之餘都係籃球隊隊長，身高18x，一大班師妹fans，班上面有兩三個女仔都心心眼佢。聽聞佢都有食過下啲單蠢師妹。
又係一個垃圾player？
我話埋自己都係垃圾。美化唔到自己。
下午十二點四十分。
上完選修科，返課室放低啲野之後，我就拎埋銀包落去大堂。
【你咁快落到黎既？李sir唔係成日都遲放人既咩？】我問佢。
【佢今日轉死性，上到凈返十分鐘就俾我地自己做野，然後準時落堂。】Figo答我。
【食咩啊？】我啲一路行出去一路問佢。
【唔。。你想食咩？我陪你。】Figo好似好紳士咁問我。
【Scarlett！】今次又邊個啊？
【咦 Vincent。你係到既。】我有點驚訝地問佢。
【諗住俾個surprise你，陪你食飯啊嘛。。呢位係。。？】Vincent有啲驚訝我身邊有個男仔。
【佢係我同學Figo。】我簡單介紹。
Vincent睇落矮Figo少少，氣勢輸左啲。
【Scarlett，一齊食飯啊。】Vincent再重複佢既來意。
【但Figo約左我一齊食。。。Figo你介唔介意。。一齊食？】我有點兒唔好意思咁問佢。
【我ok既】然後我覺得尷尬既三人組就去食飯。
【Scarlett，你想食咩？】Vincent問我。
【er。。。薩莉亞啊。】今日戚起條筋想食。
【好啊。】Vincent答。
去到薩莉亞，等左一陣就有位。又係我最中意既卡位。Vincent坐左係我隔離，Figo只能夠坐對面。
【Scarlett 你想食咩？】坐低之後，Vincent同Figo同時問我，佢地啤左對方一眼。
【er。。。我自己睇下menu先。】我愕然，兩個一齊問我，我嚇親。佢地兩個好似都睇對方唔太順眼。。。。唔通識？不是吧。。
【我要新出個個番茄海鮮意粉得喇】我指一指幅圖。
【好啊 我幫你嗌埋，你要唔要野飲？】Vincent做咩轉性咁款。。
【唔洗啦。我飲水得喇】
禁左鐘之後，Figo出聲先過Vincent，幫我嗌野食。Vincent有點唔ger。嗌完野食我起身諗住斟杯水飲。
【想斟水？我幫你啦。】Vincent即刻彈起身幫我去斟。
【佢。。係你男朋友？】Vincent走左出去之後，Figo就問我。
【er。。朋友姐】唔通同你講佢係sp咩。
【朋友好少會咁主動wor。。】Figo有啲懷疑我同Vincent既關係。
【真係朋友黎，唔洗諗多。】我有點心虛。
【咁聽日我可唔可以再約你食lunch？】Figo問我。
【可以啊。】
【單獨wor。】Figo表明係想單獨同我食lunch。
【可以。】反正我日日都係自己食飯。
啱啱講完就見到Vincent斟完水返黎。
成餐飯我完全feel到Vincent係唔想Figo係到。Figo就無咁明顯，但我都feel到。佢地兩個係咁問我食唔食佢地啲野。
食完飯，佢兩個爭住埋單，Figo不敵Vincent，因為Vincent一枝箭咁出左去埋單，我都未俾返錢佢。
食完飯仲有十分鐘就夠鐘，我同Figo就返學校。
【Scarlett你放學得唔得閑？】Vincent再問多我一次。
【er。。如果好快可以講完既我ok既，但係有排講既我就未必得。】我答佢。
【好快架咋，唔會阻你好耐，就咁啦，放學我再黎搵你。】
【喂頭先啲飯錢。。俾返你啊。】
【唔洗啦，我請你。咁陣間放學見啦。俾心機上堂啊。】Vincent講完就揮手同我講拜拜。
【佢似係想追你wor，Scarlett。】我同Figo一路行返學校，佢一路講。
【下。。唔會掛。。可能有你係到。】我笑笑口咁講。
【哈哈，好少見你笑架wor。】Figo見到我笑笑口咁講。
【係咩。我自己都無留意。】
好快就已經行到返學校。
下午兩點三十分。
一上堂就眼訓，啲睡意湧曬上黎。果然飯氣攻心，仲要係中文堂，悶到喊。唔小心就恰著左，然後又俾miss拍我、叫我起身。真難捱。。。
到左放學，我落到大堂已經見到Vincent企定定係門口等我。
【放學喇，有無想去邊啊？】Vincent見我一行到過去就開口問我。
【無。你搵我咩事？】我只係想快啲返屋企沖涼透下。
【搵你去街囉，唔得咩？】Vincent再講。我實在係好想答佢唔得，但我都係要禮貌地答佢。
【可以既。。。】唉，我好想返屋企訓教。
【咁我地去Starbucks坐低飲杯野放鬆下，你返左成日學都攰。】Vincent竟然唔係話去開房。
【哦，好。。。】講完就行去商場既Starbucks。
去到商場間Starbucks，我坐低左之後，Vincent就問我想飲咩。
【你想飲咩？】
【Latte】
【咩size？】Vincent再問。
【Grande】我答完佢，佢就走咗出去買。
等咗一陣就拎左杯咖啡返黎。
【你既Latte。】Vincent將杯咖啡放係我面前。
【唔該。幾多錢啊，我俾返你。】我同佢講。
【唔洗啦，我請。】Vincent話唔收。
【係呢Scarlett。。頭先食Lunch個個Figo。。凈係同學黎？】Vincent提起Figo。
【係，做咩？】梗喺同學，我都無朋友，哈哈。
【無野。。】佢欲言又止。
沉默左一陣，Vincent就開聲講佢約我既重點。
【Scarlett，其實我今日約你出黎係想同你表白。。。】我差啲俾啲咖啡燙親。
【下。。你講咩啊。。】大哥你想點？
【可唔可以做我女朋友？】我呆撚左。
【做咩無啦啦講呢啲。。】乜唔係sp玩下咋咩佢。。
【我中意左你。】佢誠懇地表明心聲。
【你了解我幾多？】我反問佢。
【我。。。我宜家對你了解的確唔多，但你俾啲時間我，我會去了解你。俾次機會我啊。。】Vincent想得到一次機會，但奈何對我黎講，一段健康既關係唔會係由sp開始。。
【sorry 我諗我俾唔到機會你。。】我拒絕左佢。
【點解。。？】Vincent問。
【有好多原因。。一時三刻唔會講得清。】事實係，就算我應承左佢，我都唔擔保，佢有朝一日都係咁樣同其他人開始，再講我對佢都無太大好感。
【係咪因為個個Figo。。？】Vincent追問我。
【唔係。無啦啦點會關佢事。總之我唔會接受你啦。】講完我就拎埋書包走出Starbucks。返屋企。
返到屋企六點幾我沖完涼，自己煮完野食，做下功課、睇下書、玩下手機、煲下劇。。。
十一點幾又係時候上床訓教。係床上面就係會左諗右諗。