一個中五女學生的故事: 9

【Figo sent you a message】
Figo：【我返到喇】
我：【好啦】
Figo：【記住飲多啲水咁就無咁頭暈】
Figo：【同埋肚餓記住食野，唔好餓親】
我望住手機lock screen畫面顯示既message，但無覆。


【Mommy sent you a message】
Mommy:【千娜，我同Daddy做好手頭既野喇，今晚一齊出去你最中意個間餐廳食飯好嘛？】




我：【好啊 幾點？】
Mommy：【七點半餐廳等 食完飯我地去行街好無？】
我：【好啊 今晚見啦】


晚上七點半，中環某餐廳内。
「喂媽咪，你同Daddy到左未？」我坐左係一張四人枱。
「我地係門口喇」
「見到你地喇」我揮揮手。
「miss you so much baby 」daddy媽咪做野忙，我地好少見面，所以佢地每次見到我都係攬住我話miss me。




「我都掛住你地，坐低先啦」對住daddy媽咪，我既笑容永遠係最燦爛。
「成個禮拜無見我個寶貝女掛死我地。」
「你媽咪成個星期係咁話掛住你。」
「咁講法即係daddy你無掛住我啦」我扁嘴。
「梗係唔係啦！你係我又靚又叻既掌上明珠wor。」
「嗌野食先啦，你地都肚餓架喇。」
「寶貝女中意食咩就嗌啦。」
「咁我唔客氣架喇。」
我揮手叫waiter。
「唔該要份rib eye，五成熟。Daddy媽咪你地要咩？」




「一樣啊唔該。不如叫支酒飲？」媽咪提議叫酒。
「好啊，幫我地揀支酒配牛扒可以嘛？」
「無問題啊先生，仲有無其他需要？」
「無了唔該曬。」
「千娜今晚陪daddy媽咪飲返杯。」
「好，你想我陪你地飲幾多都得~」

「係wor最近係學校點啊？」
「無咩特別啊都係咁。」
「有無拍拖或者追你啊？」每次都係媽咪問。
「無啦。」
「老婆你洗驚我地千金小姐無人要咩。」
「唔係啊，有拍拖既話要叫個女帶黎俾我地見下架嘛，何況我地成日顧住做野唔係日日見，我得一粒女唔緊張就假。」
「放心啦媽咪，我有拍拖一定會話俾你同daddy知。」
「係咪架？」




「梗係啦，你地咁開明俾我拍拖，已經比其他人好好架喇。」
「不過記住daddy既説話...」
「讀書都係行先啊嘛，知道架喇daddy，每次都講唔厭既咩。」
「啊宜家嫌daddy長氣喇係咪啊？」
「daddy都係關心我嘛，知道架喇。」

紅酒到。

「黎，一齊飲返杯先。」
「cheers~」
「有寶貝千金陪我地飲酒真係唔同啲。」Daddy好中意叫我陪佢飲紅酒，而我都唔記得左琴晚係club到飲到醉曬。
「係喇，以後一得閑就陪你飲好無？」
「咁就perfect！」Daddy聽到不知幾興奮。
「係wor，我地影返張selfie啊。」
「好啊。」我拎起手機同daddy媽咪影左幾張。




「send返俾你地。」send上屋企個gp之後又影左張揸住杯紅酒既相po左上ig。


幾分鐘後就Figo回覆我story，我無禁入去，反轉手機放係枱，但手機不斷震。
「係咪有人揾你啊？」媽咪問。
「哦，應該班group message咋嘛，唔重要。」我跟手就較左手機做靜音。


食完飯之後左右翹住daddy媽咪去shopping。
「千娜，最近學校有無咩費用要交啊？夠唔夠錢用啊，唔夠話俾媽咪知，媽咪過數俾你。」
「夠啊媽咪，何況我得閑會去返下part time。」
「好彩你又乖、又獨立，媽咪daddy先唔洗咁擔心你，有你呢個女真係開心。」
「媽咪你咪話想買銀包既，不如你去揀，我送俾你啊。」
「傻女，唔洗啦，你daddy先你一步買左俾我喇。」
「哎呀，俾daddy截胡添。」




「你咁乖女，daddy送野俾你就真。有無想買啲咩啊？」
「唔洗啦daddy。我最近無咩想買。」
「唔係wor上次去你屋企見到你都係細細個個啲袋仔多，邊到裝到野啊，拿你宜家去揀個大啲既，daddy送俾你。」
「哎呀都話我有返工咯daddy，我自己買都得啦，你成日買野俾我縱壞我架。」
「daddy知你有分寸識理財，唔會亂用錢，唔擔心。後生女，多個袋襯衫都好啊，宜家係咪啊爸買野俾個女都唔得先？」
「得得得，知道daddy錫我，怕左你啊。」有daddy媽咪唔愁無衫褲鞋襪著，出生係呢個屋企我覺得自己好幸運，但呢個世界無咁便宜既事，所以我既感情路一直都唔係咁順暢。
雖然daddy媽咪俾我拍拖，但其實我唔會俾佢地知道我真正既感受同情緒，可能唔想佢地擔心。試問邊會有父母想見到自己仔女為男女朋友傷心難過。


晚上十點半。
「哇宜家十點半架喇，一家人一齊既時間過得真係快，啊女你聽日要返學wor，daddy車你返屋企先啦。」
「好啦。」
「你好似唔會唔捨得我地咁既。」
「我會唔捨得，不過我知道好快又會見到你地嘛。」
「你媽咪又想你學識獨立，又會唔捨得同你分別。」




「其實講真架我都幾中意自己一個住。」
「寶貝女真係開始大喇。」
「但我長大唔代表唔會睇你地架嘛，你地咁錫我，我唔會要你地唔開心既。」

上到車我就睇到ig同whatsapp都各有message，全部都係同一個人send黎。

【figo_lsh replied your story:唔係千叮萬囑叫你唔好再飲酒咩？】
【figo_lsh:你係邊同邊個一齊飲？】
【Figo sent you a message】
【Figo：你係咪又醉左啊？】
【Figo：無事既話覆一覆我啊。我擔心你。】

【我：我無事 唔洗擔心】
啱啱覆完，電話就熄左機，唔記得叉爆電先出門口。

「返上去小心啲啊。」
「知道喇，byebye daddy媽咪。」我goodbye kiss&hug 之後就返上屋企。
返到屋企我即刻叉電，然後卸妝冲涼訓教，都無再睇過手機。




星期一。

我如常起身返學，返到學校就去左canteen買早餐。
「做咩琴日無覆我電話？」