一個中五女學生的故事: 10

一把男仔聲係我耳邊講野。問得出呢句説話，又同我除左學校以外有聯絡既男仔只有Figo一個。
「啊，你有打俾我咩，我無見到。」
「又無覆我wts，我以爲你又飲醉。」
「我手機琴晚無電，所以無覆到。」
「咁返屋企無叉電咩？」
「有叉，但我冲完涼無睇手機就直接訓左啊嘛。」
【linglingling....】
「上課室先啦。」
「嗯。」





上到課室大部分同學都已經返曬黎，見我同Figo一齊行入去都望住，竊竊私語就少不免，再加上我地宜家一齊坐。
「你琴晚做咩又飲酒啊，同邊個飲啊..？」
「琴晚我爸媽約我食飯，我地食飯通常就會叫酒飲。」
「哦~原來係咁，你同佢地關係唔錯？」
「ok啊。」
「但我見你好似唔係同佢地一齊住既？」
「無人話關係好唔可以分開住，佢地想我試下獨立自己生活，而且佢地做野既地方遠，所以唔係一齊住，我地一得閑就會一齊食飯，就好似琴日咁。」
「ok~但你前晚飲醉，琴日又飲，我擔心你身體handle唔到，你宜家有無覺得邊到唔舒服啊，例如胃痛個啲呢？」
「無啊，都話唔舒服我唔會返學，而且我有買早餐食。」
「你前兩晚都飲酒已經傷胃，宜家仲要係早餐時候飲咖啡！你飲我支水，唔好飲咖啡。」佢一手攞走左我頭先買個罐咖啡，換左自己樽水俾我。雖然我知道佢係出於關心，




但我唔中意俾人管既感覺。
「你管我咁多做咩。」如果佢係男朋友我都算，但佢唔係。
「因爲你唔識照顧自己，要人擔心。」
「我可以自己一個住都唔叫識照顧自己？」
「自己住唔代表識照顧自己，或者照顧得好好。」
「咁你講曬啦。」是的，我生氣了。

「今堂作文，科長出黎派作文紙同題目。字數照舊，落堂交，唔好再放學先交俾我喇咁多位。」中文老師入到黎就好似機關槍咁講野。

【Ming姐sent you a message】




【Ming姐：Scarlett今晚得唔得閑黎幫手？】
【我：ok啊無問題，五點左右可以到】
【Ming姐：ok今晚見】

「邊個揾你？」我無理佢。
「你係咪嬲啊..？」我都係無理佢，佢都無再繼續問我。

直至lunch，佢再次嘗試同我講野。

「唔好嬲我啦，我語氣係重左啲，但我都係出於關心你。。。」
「我知道。」我都無理由嬲咁耐。
「一齊食飯啦好無？」
「嗯。」
「你想出去食定買返學校食？」
「買返黎啦，同埋我想去買珍珠奶茶。」




「好啦。」買完飯就去左手調飲品店。

「唔該要珍珠鮮奶茶，走甜走冰。」
「多謝你19蚊。」Figo主動幫我俾。
「我請你飲，飲左就要睬返我架喇。」
「杯奶茶好飲我咪睬返你。」説話雖然帶點傲嬌，但心裏面都覺得有點甜。

曖昧就係模模糊糊、估下估下，有人會因爲同對方有拗撬而蘿蘿攣，又會因爲對方俾一粒糖、一包野飲，或者一杯奶茶而心跳加速，甜絲絲既感覺不自覺地湧上心頭。
你深知對方用咩物件，咩方式唔係重點，重要既係你會覺得對方在意你既心情，繼而去氹你呢份心意。

「23號。」拎完奶茶就我即刻插管。
「點啊，好唔好飲？」
「口味係自己飲開既，你話呢。」
「咁你要睬返我喇wor。」我望左佢一眼，但無左回應。
「哈哈。」佢好似知道我心入面有啲怕醜。





「咁你宜家可以話俾我知今朝邊個wts你？」
「你偷睇？」
「咁啱望到姐。」
「公司叫我返工咋嘛。」
「你返咩？」
「cafe。」
「係邊架？」
「銅鑼灣。」
「邊間？」
「做咩，想黎接我收工？」
「夜媽媽驚你危險嘛。」
「Speechless coffee」
「今晚見。」
「你知我收幾點咩。」




「呢個世界有互聯網架小朋友。」
「fine」

放學。

「我走先喇。」
「你小心啲啦。」
「byebye。」

道別之後就係衝衝忙忙翻屋企換衫返工。屋企雖然唔係窮，但我想靠自己雙手揾下錢。18歲了，唔想活係comfort zone做溫室小花朵，想去體驗出社會係咩一回事。幸好，
公司同事都好nice，前輩會耐心指導，同輩亦會互相幫忙，大家就如朋友一樣，相處得非常好。

好彩返到去既時候都仲未好多客。

「終於見到你喇Scarlett。」Gigi衝上黎攬住我。




「透唔到氣。。。就斷氣。。。」
「sorry sorry，掛住你啊嘛。」
「差啲以爲你les，中意我。」
「呢個傻妹你又唔係唔知佢幾咁熱情。」老闆娘Ming姐十分平易近人，對我地就好似親生仔女咁。
「嘻嘻！」Gigi就係一個單純既女仔，全公司既人都好錫佢。
「你俾我換衫先啦。就快好多客人架喇。」
「係wor！」

我入去休息室快快手就換好衫，出去幫手，陸續開始多客人入黎幫襯。返工既時候，收銀、樓面、水吧、清潔既工作無一樣唔洗做，但好在鋪頭都唔係十分大，
所以做起上黎都無咁吃力，加上同事之間相處氛圍好，所以諗住做住先。

夜晚一般六點開始多客人黎食飯，八點之後就好輕鬆，多數都係飲野客多，所以都行行企企同準備收鋪。
「欸Alex又係宜家先收工啊？」
「係啊Ming姐，我地不嬲都係無定時。」
「要啲咩啊？」
「um..肉醬意粉、凍啡。」
「50蚊」
「凍飲唔係加5蚊咩？」
「見你ot得咁辛苦，請你啦仔。」
「咁點好意思啊。」
「你熟客無所謂啦仔，我知你地後生仔辛苦，何況你呢行唔定時又周圍撲。」
「Ming姐你真係塵世中既一點溫暖！好有愛~」
「嘿講呢啲。」

Alex係cafe既熟客，基本上日日都黎幫襯，大家都同佢有幾句。

「肉醬意粉，凍啡到。」
「唔該曬。」
「呢個鐘數飲咖啡你唔驚訓唔著咩？」我好奇問一句。
「唔怕，朝早飲就提神，返成日工咩都無提神作用了。」
「你份工好似幾辛苦咁，其實你做咩？」
「搞event啊，要周圍走。」
「好似幾好玩咁wor。」
「係有挑戰性既，你有興趣呢行？」
「未知啊，仲諗緊自己中意啲乜。」
「唔急既，你應該仲讀緊書姐，有興趣可以話我知，反正我成日過黎，你又係到返工。」
「我唔係成日返啊嘛。」
「咁俾定張卡片你先囉。」Alex係衫袋拎左張卡片俾我。
「原來你公司係附近。」
「係啊，所以我先成日黎幫襯，諗諗呢行囉，如果你係坐唔定，中意有挑戰性既工作，又中意social，唔怕同人交際。」
「好啊，我諗諗，唔阻你食野先。」

我望住張卡片，Alex Wong 黃奕晨 Event Planner，呢一行好似幾有趣。

晚上十一點。
終於搞掂曬啲手尾，可以換衫走人。
「Scarlett，Gigi你地搞掂就行後門走啦，我鎖前門先喇。」
「嗯，byebye Ming姐。」
「Scarlett我走先啦。」
「咁快手，約左男朋友？」
「嘻嘻係啊！」
「走啦走啦。」呢隻妹真係有異性無人性。


「Scarlett。」啱啱行出巷口就聽到有人叫我，真係黎接我架？
「Vincent？點解你會係到。。。」
「點解你唔肯俾機會我。。。」我以爲件事已經告一段落，無諗過仲會有續集。。
「你...你想點...」佢面色蠟黃，滿面鬚根，就好似一個一無所有既人咁樣，同以往見到既佢大相徑庭。
「我想...佔有你！」佢面露微笑，唔係友善既微笑，而係令人毛骨悚然。
「走開啊！你做咩啊！」佢好大力咁拉返我入後巷，然後撲埋黎想錫我，仲扯爛我件衫！
「我好掛住你！我要將你變成我既人！」佢上下其手，但呢啲唔係你情我願，係强奸！
「癡線架你！救命啊！救命啊！」我不停大叫同掙扎，但佢好大力um住我個口。
「嗚....唔....嗚....」我眼淚直流但依然盡力發出聲響。有無人救我。。。。。