《我本歷史書冇咗2019年》: 真相？

三、
我望住啱啱個怪人塞俾我嘅黑色盒仔，心諗應唔應該打開佢。我最驚呢個係警察嘅陷阱，一陣打開咗就俾人判死就死啦。但係我有好想知其實2019係咩一回事。
「都係唔搏啦，為咗滿足好奇心連命都唔要真係好戇居。」說罷,，我就瞓咗。第二朝醒返我食完藥就出門，係樓下有見到嗰兩個怪人。「你信我哋啦，你係唯一有抗體嘅人嚟㗎！」「抗咩體啫，教下你哋放過我啦！」講完之後，我就跑走咗，返到學校，我去搵我個學霸friend,海神，黃智海。
「海神！」「咩事呀？」「我哋一路行一路講。」「得啦，懶神秘！」「你有冇諗過2018之後點解唔係2019？」「冇喎，點解咁問？」「你唔覺得奇怪㗎咩？1998之後係1999，但係2018之後係2020...」「咁奇怪嗰點係邊？」「算啦，講你都唔明，我去上堂先啦。」
係我行緊去課室嘅時候，我又開始諗，點解得我先覺得奇怪㗎？
放學之後，我如常咁係後門出嚟因為後門少啲人，無端端我感覺到有人係後面拉住我，係我頸到打咗一針我就暈咗過去。
當我起返身嘅時候，我發現自己嘅手腳俾人固定咗係將凳上。之前嗰兩個怪人有出見係我面前。「我哋都唔想咁做，但係真係冇時間啦，我介紹返自己先，我係Sunny，我隔離嗰個係我老婆Creamy。」「你都黐線㗎，放我就啦。」「等陣我講埋先，我哋其實係一個組織，旨在搵返2019年所有嘅資料」說罷，又有兩個男人入咗嚟。其中一位有開始講嘢：「我係Jason,你可以叫我大J,佢係阿昇，你叫佢東方昇啦。我哋帶你嚟係想幫你戒藥，我哋宜家講咩你都唔會明㗎啦，你試吓一日唔食藥睇吓效果先再講。」
「你放我走啦，我唔想坐監啊！」講完之後，無端端傳嚟一聲，「入面所有人唔好郁，我哋係香港警察，宜家要以叛國罪嚟拘捕你哋，立即出嚟！」
係呢一刻，屋內嘅人全部都諗緊同一樣嘢，「仆街啦今次...」
-未完待續





最後，講返一句-本故事純屬虛構，如有雷同，純屬巧合，請勿對號入座，敬請留意，謝謝。