[2019年12月31日 23:58]

「垃圾server,我都估到佢用唔L到㗎啦。」望住http://www.hknycd.com呢個網站reflash咗十幾廿次都係呢個畫面......我放棄咗。

2020香港除夕倒數大抽獎
由於人數眾多,請稍後再試。


等等,今年唔係2019年咩?點解會係2020除夕嘅……算,反正都就嚟踏正12點囉,準備倒數好過,無謂喺度哂時間。

就喺手機啱啱好跳到去59分嘅時候,我收到一個message。攞出嚟望一望通知,又係HK Police嘅message,即刻袋返落褲袋,點解我block完都仲會收到呢d垃圾message㗎。我開頭仲以為係邊個on9手殘咁早send咗句“Happy New Year”,但係後來發現,唔單只係我,身邊每個人部手機都喺呢一刻不約而同咁響咗。「喂!大家睇吓個message係咩意思?」





聽到有人咁講,我又攞返起部機睇吓佢send咗d乜叉嘢嚟。




[下午11:59]
「今晚,我哋將會為大家送上畢生難忘嘅煙火」


唔記得同大家講,我依家喺尖沙咀海旁。





 「咩煙火啊,又話今年無煙花?」「唔係又想放tg吖?」「Popo成班高層全部去死啦!」估唔到,呢個願望只係喺短短唔夠一分鐘之內就實現咗......

淨返最後10秒「10!9!光!復!香!港!時!代!革!命!!!」


 [2020年1月1日 00:00]
就喺大家啱啱嗌完個“命”字之後,對面岸就傳出巨響。

香港人,絕對唔會忘記呢一個改變佢哋一生嘅日子。2020,就喺對面岸嘅爆炸聲開始咗。
已有 0 人追稿