【新手選項故】《2020》(一個光復香港嘅故事): 【Ch 1】元旦的煙火

[2020年1月1日 00:01]

我足足呆咗成份鐘……WTF? 喺香港竟然會發生咁大型嘅爆炸？又話香港係亞洲最安全城市？都係嘅，依家d警察淨係識得去惗點樣去打示威者，有邊個會去理呢d嘢吖。

驟眼望過去，爆炸嘅方向大概喺灣仔到金鐘一帶，演藝學院附近，方圓100米都被炸為平地。喺入面嘅人，應該無一個可以行得返出嚟。

2020年香港嘅第一個夜晚，只有無盡嘅消防車同救護車聲，響徹半個港島。


[01:00 政府總部]





喺幾百米外嘅政府總部，林鄭即刻召開緊急會議。

「咩事啊，點解成個灣仔警察總部會俾人炸咗㗎！仲有，係邊個用警隊部電話send message俾全香港人㗎！」林鄭嬲爆爆：「同我搵個警隊高層出嚟解釋！」

張建宗唯有出嚟做出氣袋：「其實……當日留守警察總部嘅5000幾個警察，包括全部高層，都已經炸到死無全屍……」

林鄭幾乎要拍爛張枱：「死晒？你同我講香港6分1嘅警察加埋班高層都死哂？邊度搵人同我壓制班暴徒啊！」

「冷靜少少先，你咁大力拍張枱，張枱會痛㗎！」又係不識時務嘅張建宗。





「一個二個無鬼用，全部同我get out！」會議室入面依家得返林鄭一個人。

其實，林鄭喺心入面暗自慶幸：「好在我尋晚無留低同班狗一齊倒數啫！唔係嘅話咪連我都會被炸死！」

「不過依家最大嘅問題，究竟係喺邊度搵咁多人做警察，警隊絕對唔可以群龍無首，無咗上頭嘅警察一定會大亂。」