【新手選項故】《2020》(一個光復香港嘅故事): 【Ch 1】元旦的煙火(3)

【Ch 1】元旦的煙火(3)


[06:30 連登]

「震驚！林鄭真係玩到派解放軍！」

「[神秘台]點解警總會無啦啦爆炸？」

「到底凌晨嘅爆炸係上天賜俾香港人嘅禮物定係災難？」





「五大訴求，缺一不可！強烈譴責林鄭違反基本法，亂咁用緊急法！」

「……」

而我，只係輕輕㩒咗入呢個post。

「[急推][行動]今晚圍堵政總同軍營」

「#1 唔該同我將呢個post推上熱門





尋晚狗總俾人炸咗，條林奠寧願搵習大大派解放軍都唔揀重組警隊

所以，今晚8點，全世界人同我出哂嚟，圍堵政總同中環軍營

8點前到嘅全部入咗添馬公園先，班解放軍要12點先可以行出嚟，所以首先要包圍政府總部，要求林奠解釋同徹回決定

塞爆咗添馬之後再一路包圍埋隔離嘅軍營，逐漸擴大佔領區，阻止解放軍出嚟

再唔出嚟就無機會㗎啦，解放軍一出就會變軍閥統治㗎啦，唔理你係藍定黃定綠都好，今晚我都要見到你





五大訴求，缺一不可

香港人，反抗！」


[07:00 中大宿舍]

「嘉楠，咁我哋……」

我叫嘉楠，女，今年21，自問樣貌唔錯，讀緊中大Year 3，三圍……癡線，做咩要話俾你聽。人如其姓，我確確實實係一個深黃分子。同我講緊嘢嘅係我同房嘅好姊妹栩蕙，不過我鐘意叫佢「蕙」多d，佢同我一樣深黃一個。

「估唔到，林鄭最終都係出動咗解放軍。」

講就話想林鄭出解放軍啫，實際上有邊個人會想吖。出動解放軍，香港基本上已經玩完，只會走向一個無法挽回嘅結局。





過去呢半年，問題唔單止無少到，反而仲越嚟越多。炸咗警察總部，係咪真係可以解決到問題？我唔知，我只係見到依家又多咗一個問題。基本法，好似已經唔存在咁。

定係，根本從來都唔存在基本法？呢份所謂嘅「憲制性文件」唔通一直只係用嚟呃香港人，同令外國收聲？

「咁今晚我哋去唔去……」