【新手選項故】《2020》(一個光復香港嘅故事): 【Ch 1】元旦的煙火(4)

轉眼間，我已經嚟到中環軍營附近。

「注意，当闸门完全打开后，还在视线范围里的人格杀勿论。再重复一次，当……」

「解放軍躝返入去啦！」「香港唔歡迎你哋啊！」「上返北京啦！」我身邊嘅人不斷大嗌。

凌晨12點正，中環軍營嘅大閘緩緩咁打開。

有幾個義士即刻衝咗去閘口前面，試圖一窺有d咩喺入面。只見佢哋開頭係懷住必死嘅決心衝到去只係開咗少少嘅大閘，立即轉變為驚惶失措嘅樣，正想轉身嘅佢哋隨即後腦落地。





唔記得講，仲附送咗一下槍聲同身上面嘅血洞。

「吖！！！解放軍殺人啦！走啊！」少部份比較細膽嘅即刻拔腿就跑。

「我哋就算係死都唔走㗎啦，最多咪一齊死！」隨即將手上嘅磚頭同汽油彈揼入去。

終於，閘門完全打開，而我哋亦都終於知道點解義士會有咁驚慌嘅死相。見到呢樣嘢，大家心入面只會惗到2個數字－6，4！

「係坦克車啊！！！！！」今次有接近一半嘅人都開始走人，較接近閘口嘅手足繼續揼所餘無幾嘅磚頭同燃燒彈，希望為身後嘅人爭取更多時間。





無奈地，坦克車完全無視呢d所謂嘅「攻擊」。而企喺呢班前線自然成為第一批變成血水嘅人。

我就一路沿住海邊跑，唔敢望返轉頭，但始終又制止唔到我嘅好奇心而望咗去後面：解放軍已經攞住槍行咗出嚟，見人就殺。數不盡嘅槍聲喺我耳邊傳入，地下除咗血，就只有一具又一具嘅屍體。

同尋晚比較，今晚先叫做「災難」。

一個不留神，我俾前面嘅屍體kick親，成個人扒咗喺地下。身後嘅解放軍已經追咗上嚟，企咗喺我面前。自知自己嘅命運如何，我放棄咗無謂嘅掙扎。

「嘉楠！嘉楠！」好似係蕙佢叫我。「走啊！你快d走啊！我已經無機會再走啦。」我合埋雙眼，但依然聽到佢喺遠處不斷嗌我個名。冷冰冰嘅槍管已經指住我嘅額頭，我準備好接受嗰一下巨響。





「砰！」我嘅一生咁就完咗......