[喪屍][愛情][奇幻] 滅屍救港: 三: 組隊
「分組開始。」這句,標誌著我們對抗喪屍的路途正式開始。
幼羚問我:「小芳,點算呀? 我仲想翻屋企啊...」
「我都唔知,但係我唔可以睇住香港死。不如我地一組?」
「好呀,一心你呢?」
「我都跟你地啦。」
這時,小豆走了過來,問:「一心,我可唔可以加入啊?」
「唔好意思呀小豆,我地三個已經一team...」
「咁...好啦...」
「小豆!」有人呼喊小豆,是小明和念慈。她們和三個男生組了一隊。
「加入我哋隊啦。」
「好啊!」小豆就加入了他們。
此時,兩個男生走到我們三人面前。看到他們,一心抹起了一絲甜笑。猜想那就是她朝思暮想的他吧。
「hi,一心,我一聽到要組隊,第一個諗起嘅女仔就係你。你哋team應該仲未有男仔加入?」其中一個男生臉紅地對一心說。
「哇,恆哥仔,啲囡俾你溝晒啦...」
「英秀,認真啲啦,依家打仗啊。呢兩位應該係一心你嘅朋友?之前好似喺choir見過。我叫允恆,今年中五,係concert嘅其中一個籌委。」
「我係英秀,都係中五,都係concert嘅籌委。我同允恆係兄弟。」
在允恆身邊的男生說。他的樣子很是帥氣,我開始對他有點好感。
「我叫小芳,中四,係choir人。」
「我係幼羚,中三,都係choir人。」
突然,有個男生拍拍允恆的肩。「師兄,師兄...」
「做咩?」
「我...未搵到team...」
「咁入我team啦!」
「好呀! 我叫小華,今年中二,係strings嘅,拉小提琴。」
「叫我允恆得啦。」
「我係英秀,同允恆係兄弟。」
「我叫一心,中五,係choir captain。」
「我叫小芳,中四,係choir人。」
「我係幼羚,中三,都係choir人。」
各人自我介紹後,便要去登記。
「邊個做我哋隊嘅leader?」允恆問。
「不如一心做啦。」
「允恆,你做啦!」
「咁我做啦。」
允恆出去登記時,我忍不住大聲問道:「其實你哋覺唔覺得我哋咁樣好似睇得太兒戲呢?我哋分組好似普通去camp咁。」
此時,一臉嚴肅的訓導主任站到講台前。「hm um。我好似聽到你哋覺得咁樣好兒戲。
其實...你哋係要作戰...
要。攞。刀。槍。殺。喪。屍。
你哋一係揀攻,去九龍灣擋住啲喪屍! 一係守,守住油麻地!
祝你好運。」
禮堂頓時陷入一片肅靜。