[喪屍][愛情][奇幻] 滅屍救港: 四: 因由

「其實一心,你老實講,你係咪一早知呢件事?」我問。
「小芳,冷靜啲啦...」幼羚提醒。
「小芳,我知你好心急...你俾我慢慢講好唔好?」一心說。
我看看錶,現在是下午7:40,距離特首講話剩下20分鐘。
「唔洗急,最緊要快。」

「其實你記唔記得,有一次我主動whatsapp你,問你嗰首日文歌嘅問題之後,你答咗我,之後問你嘅嘢?」
「記得,其實同你每一次傾嘅嘢,我都記得。」那是因為,我對一心有點友達以上的感覺。
  我看見允恆對我投以不太友善的目光。我向他投一個不好意思的目光。
但我又怕一心誤會我和他眉來眼去是有好感。



「小芳,你做咩呀?」一心問。
我立即扭回身子,說: 「你繼續講,我怕你男朋友誤會啫。」
「我地...唔係男女朋友...等我講晒成件事好唔好?」
「未係。」允恆紳士地微笑說。一心的臉紅了。
「允恆...你又阻住我講嘢...」一心嬌嗲地說,然後板起了臉。

「依家認真啦。小芳,條問題係咩?」
「如果,有一日,喪屍襲擊香港,你會唔會上前線殺佢哋?我答咗,我會,為咗我愛嘅人。」
「啫係你想我哋攻出去?」英秀插嘴。


我深吸一口氣,答:「係。」
「我唔贊成。做咩要送死?」
「係為我最愛嘅香港。」

一心做和事佬,說:「唔好拗啦。我講翻件事啦。一年前嘅今日,有個自稱從2021年嚟到2019,icon寫住國安嘅人whatsapp我,同我講之前抗爭嘅事,武漢肺炎同喪屍嘅事。
佢話有24個「預知者」知道呢件事,佢哋嘅一言一行都會影響香港嘅生死存亡,我係裏面負責拯救人類嘅。
而台上嘅Z老師,就係其中一個。」
她將對話的截圖給我們看。

我剛想問一心接下來該怎麼辦,卻看到訓導主任站到講台前,開了投影器和熒幕,準備播放特首淋奠的全港講話。


禮堂內瀰漫着緊張的氣氛。