[喪屍][愛情][奇幻] 滅屍救港: 五:講話
所有的電子儀器都自動接駁至港台電視32的直播。熒幕中,淋奠依舊以她不可一世的樣子出現在政總的記者招待室。
跟隨她的有政務司長光頭宗,財政司長劏房波,律政司長大波驊,保安局長比家超,教育局長潤腸雄,還有警務署長鄧小強。
「各位傳媒朋友,各位香港市民...今日全港多區有傳聞出現一啲怪物,佢哋會咬人同破壞樓宇。特區政府承認,此事屬於事實。
呢啲怪物有啲係由人變成,有啲係由物件變成。佢哋最先出現喺觀塘。觀塘政府合署已經被佢哋攻佔。
我現在宣布,香港特別行政區進入緊急狀態。
而我會辭職,由政務司長光頭宗出任署理行政長官。」
特首說罷,停頓了大概一分鐘。
禮堂內,眾人開始絕望了,我感覺到一陣寒意...
「咩話?緊急狀態?」
「打仗啊?」
「Mr Z, 我哋仲有冇得翻屋企啊?」
林奠喝了一點水,繼續說:「香港將會無限期停工停課。
所有公共交通工具服務已經暫停。所有關口將會立即關閉。
外國可以安排包機接走濟留香港嘅外國公民。網絡只會有限度服務...」
「砰!」的聲響突然從禮堂左方傳出。
「大獲啦Mr Z!音樂室嗰幢樓翻側晒,就嚟冧啦!」一個男孩從入口奔到台前,喊著。
「各位同學,即刻出去避!!!」Mr Z說。
「咁個直播點算?」有人問。
「唔好理啦!」
我抓緊幼羚的手,帶她一起走出去。英秀也抓緊了我的手。我的心跳加速,既緊張又不安。
「嘶!」我們走出禮堂後,看到了鋼琴喪屍從即將倒塌的大樓跳出。
「鎖門!」訓導主任和副校長分別跑到上山樓梯的入口和停車場鎖上大門。
已經有不少人走到街上,準備與喪屍一戰。
有人開了直播,我依稀聽到一點。
「...其實,新型冠狀病毒已經變種為喪屍病毒。患者會瘋狂咬人,而且會想將成個香港變成喪屍國度。我哋有理由相信,喪屍嘅攻擊對象係特區政府。我代表特區政府為隱瞞此事道歉。...然後,我會交俾保安局長同各位香港市民講之後嘅安排。」