[喪屍][愛情][奇幻] 滅屍救港: 十二 九龍灣
只見屍羣向我們的傘陣撲過來。它們七孔流血,青根滿佈,皮膚蒼白。
我們跟著手足先蹲下,用傘擋著。但喪屍很快就咬破了傘。
「有槍去最前! 第二行技能師!冇裝做哨!」有手足叫道。
各人根據自己的能力,站到不同的位置。
有隻喪屍拿著刀,攻到我面前。我連忙搶過刀,加入前線捅喪屍。
允恆和英秀槍擊喪屍;小芳在第二線搬弄氣體;小華以格鬥保護小芳和幼羚。
阿土和阿火向喪屍擲汽油彈;阿水用水制成一個保護網保護手足;其他人在後面幫忙。
阿興和一個手足一起召喚了一隻奇獸! 對,就是傳說中的「獅鳥」!
「獅鳥」一下子打亂了喪屍的攻勢,加上小芳和阿土合作,令地面升起,正在燃燒著的喪屍被「獅鳥」一掃,掃到它背上,飛到九霄雲外去了!
「阿巫,好波!」手足們和剛才有召喚器的手足爭相鼓掌。我們也加入了。
「喂你隔離個手足好似帶咗班生面口嘅人嚟喎。你哋做咩嚟呢度嘅?」有手足問。
我們一行人便向他們自我介紹,並說明去九龍灣的原因和經過。
「原來係咁。咁你哋都幾勇喎。好少香港人會走上前㗎...」他們說。
「阿興,多得你我先知唔係個個黑社會都係元朗嗰啲。我叫阿朗,請多多指教。」一個手足和阿興握手。
「我同阿興係有次發夢喺太子識㗎,所以我認得佢。你哋入唔入去Emax?」阿巫說。
「咩啊,唔入得啊,有班狗佔領咗嗰度...btw,我叫穎妹。」一個女手足說。
「麗晶商場呢?」阿土問。
「ok,但要除gear。因為嗰邊好多藍絲。」阿朗說。
於是,我們便走到麗晶花園。商場入口處,有人設了一個「麗晶入境站」,寫著「喪屍曱甴不得內進」。
「好似CU入境喎。」阿興說。
「依家個情況衰過CU好多啦...」穎妹說。
「麗晶入境,開袋俾我睇。你哋著黑衫,係咪曱甴? 咦,阿囡? 點解你同佢哋一齊嚟嘅?」站在「入境處」的女人說。
「佢哋...er...係我大學啲同學...同老師。」穎妹回答。
「原來係咁。不過笠返第二件衫啦,費事誤會。大家注意,有大概30個自己人入緊嚟。」穎妹媽向其他人宣佈。
我看看錶,原來已經9點多了。我們前去九龍灣的時候,在大概3點的時候吃過一塊麵包,便作戰到現在了,有點餓。
「新嚟嘅人你哋好! 我係佳姨,係呢度嘅主持人,負責統籌同物資。但係唔好意思啊,你哋淨係可以share呢度嘅10盒飯,即係3個人share一個... 同埋,你哋如果長住,就要將武器交俾我哋。」主持人說。
「喂一心...我覺得佢個樣幾奸。」小芳悄悄地對我說。
「我覺得冇咩問題。」我對她說。
「我哋淨係過夜。」阿興對佳姨說。
「ok。跟我嚟。」佳姨說。
我們放下了技能牌(武器已經還原成技能牌),跟著佳姨進入了一間店內。裏面勉強可以容納到我們一行人在這裏睡。
我們吃過飯後,阿朗,英秀和阿興主動提出要做哨。其他人留下來商討對策。
正當我想和穎妹和其他兩個女手足一起聊天時,允恆突然叫住我。
「跟我過嚟啊。」允恆拉著我的手。
他帶了我到一個角落。
「經過今日,我諗清楚啦。一直以嚟,我都同你好曖昧...
記唔記得我第一次同你表白嗰次? 嗰日練完歌,得翻我哋兩個喺度執嘢,你突然擰轉頭望住我,我哋爭啲錫咗。
然後我同你講我鐘意你...但你話要考完dse先可以同我一齊。
但係,我想依家就同你喺埋一齊,我想可以拖實你隻手,我想保護你。你可唔可以做我女朋友?」允恆說。
我吻了他的唇。「恆...我等咗呢句好耐啦。我願意!」
「我愛你。翻去咯?」他說。
接著,我們便牽著手回到店內。大家都在祝賀我們,好像允恆已經向我求婚成功一樣。想必他們早就知道了。
可是,有一個人笑得很勉強。那人是小芳。