[喪屍][愛情][奇幻] 滅屍救港: 二十四 想家
但終歸,我也是睡了一陣子。
「喂,醒啦。」迷糊間,聽到小華叫我。
「我哋發現呢度有好多唔同嘢可以做。」老闆說。
「唱詩祈禱嗰啲?」我伸了伸懶腰,問。
這時,昨天接待我們的女人又出現了。
「出面好危險...黑警打人呀,我哋喺度先啦。」她說。
我皺了皺眉頭,但因為我是基督徒的關係,我不好意思拒絕,便參與了聚會。
「我哋呢度突然收到訊號喎。打俾屋企人啦。」女人說。
「好啊。」我說。
我開了手機,打電話給家人。爸爸的電話不通。
「啊媽,你學校嗰邊點?」我問。
「你點啊?」媽媽說。
「ok,我有技能,可以保護自己。我依家喺鑽石山一間教會。」
「好啊! 感謝主。你自己小心啊。有冇隊友啊?」
「我同一心,幼羚,同埋3個男仔一齊啊。唔洗擔心我啦。」
「我都好安全。小芳,保重。」
「bye。」
正在我想按下紅色鍵的時候,我的手機沒電了,自動關掉了。
淚水已經充滿了我的眼眶。
在這亂世中,我不知道我會不會是最後一次可以與家人通電話。也許,明天我就會被喪屍咬中;也許,明天我會被敵對勢力所殺。
「喂,小芳...過嚟先啊。」幼羚叫我。
只見一心坐在一邊,抱著頭痛哭。允恆抱住她的肩。
我看到,心痛了。「咩事?」
「你...講完電話...啦...我...」一心說。
「一心啱啱打俾佢啊媽,然後佢啊媽話...佢啊爸...俾人開槍打中,過咗身。」允恆喘著氣說。
「唔緊要...我...」一心嘗試逞強。
我坐到她身旁,拍拍她的肩。
「有我喺度。」我說。
「我好唔捨得... 點解!」一心說。
「我睇住佢得㗎啦。」允恆說。
接待的女人看到這事,走到我們的身邊。「我為你祈禱啊。」
祈禱過後,一心看來好多了。
「其實恕我咁講,依家咁樣,生死都係好正常嘅事...」老闆說。
「我想自己靜一靜...不過...我哋今晚都要走。」一心說。
「係啊。我哋唔夠嘢食。」小華說。
「咁我同一心過去嗰邊啦。」允恆說。
教會的人邀請我們參與祈禱會。
「我哋今日嘅主題係家。你哋係咪好掛住屋企啊?」牧師說。
「係啊。真係冇諗過香港會變成咁。」小華說。
「我都係... 好驚以後都冇機會見屋企人。」我說。
「唉...我屋企就喺樓上,有家歸不得。」一個弟兄說。
然後,牧師和我們說了一大堆「不要怕,只要信」之類的話,我不說太詳細了。
我回想,2019年6月以前,我還是個普通的中學生,和家人過著幸褔的生活。
可是,時代革命爆發,我成為了一個「和理非」,每周六,日都上街遊行。
我的情緒被亂世中種種事物牽動著,與家人的關係也變差了。
現在,已經無法知道家人是否仍然在生...不知道他們過得好不好...
不知道還有沒有機會相見...
想到這裏,淚水從眼眶裏滑出...
「小芳?」這句將我拉回現實。是允恆。
「小芳,一心叫你過去搵佢。」允恆說。