[喪屍][愛情][奇幻] 滅屍救港: 二十五 愛過你這件事
https://www.youtube.com/watch?v=il6tZLZ0tN4
一心默不作聲,但我看得出她有很多事想對我說。
「你好啲嗎?」我問。
她抱緊我。我只知道,她這刻很需要一個人陪著她--但她不是應該找允恆嗎?
「你係咪諗緊點解我唔搵允恆,搵你?」她說。「有啲嘢我想問你。但我想講我呢一刻諗緊咩。」
「我會聽。」
「我冇諗過會失去阿爸... 好後悔冇珍惜... 好怕有日,其他屋企人都會離開呢個世界...」
「我唔知點講, 但希望佢可以安息。」
「總之...我會撐住...」
「你做得好好啦。攰嘅,一係我哋喺度留多一日,我出去搵食物牌啊。」
「唔駛... 依家2點喳嘛。」她鬆開了緊抱著我的手。
我們都不發一言...
良久,我開口了。「你話...有啲嘢想問我?」
她抬頭看著我。「其實... 點解你會鐘意我?」
我心跳加速,但,是因為緊張。「我鐘意你嘅好,你嘅靈魂,你嘅所有。
但係...你已經有允恆,唔需要我。不過,我哋係朋友,你幫下我,我幫下你都好。」
-變成彼此舊朋友
陌生身份在你的從此以後
愛過你這件事 是我最幸運的事-
「多謝你肯聽我講,肯陪我。」
「唔駛。你係咪好翻好多啦。」
「點都會唔開心嘅... 但對抗喪屍呢條路好漫長,我哋都要堅持。」
我們回到禮堂,發現祈禱會已經完結了。
一心走到允恆身邊。「頭先你哋做緊咩啊?」
「分享同屋企人嘅點滴...er...我諗我唔應該話俾你聽,怕你亂諗。」允恆說。
「唔緊要啦...我ok。」一心說。
-我只有一句 不後悔的成全-
「做咩喺度發呆啊?」有人拍拍我的肩。
我回頭一看,是小華。
「我...」我不知怎樣回答。
「肚唔肚餓?」
「你有嘢食?」
「冇㗎。一齊出去搵?」
「直接走啦...」
「咁問允恆佢哋啦。」
「我問啦,你搵埋英秀同幼羚?」
「ok。」
我走回正門,發現英秀正在教幼羚如何槍擊。
「哇,你支槍有冇子彈㗎?」我有點害怕。
「放心,冇子彈,冇上膛。咁佢話想學識保護自己,我咪教下佢囉。你知啦,咁多喪屍,佢一個女仔點搞得掂呢?」英秀說。
「我同小華諗住依家走啦,無謂留太耐啦,又冇嘢食。」我說。
「ok啊,我哋執埋嘢就行得。」幼羚說。
「記得收埋把槍啊。」我說。
這時,其他人也收拾好行裝,準備離開。
「多謝你哋收留。言叔,拜拜,保重啊。」允恆說。原來便利店老闆叫言叔。
「唔駛客氣。我哋會幫你哋照顧你朋友,同埋為你哋祈禱㗎啦。有咩需要,隨時翻嚟。耶穌愛你。」牧師說。
就這樣,我們踏出教會,準備迎接槍林彈雨。