[喪屍][愛情][奇幻] 滅屍救港: 四十二 九龍塘(8)大屠殺

-毋忘71,101
我地要贏-
https://www.youtube.com/watch?v=2oow-Chse1M
 
我們完成了下午的工作,便回到豪宅吃飯。
我們用豪宅內的望遠鏡看著外面晚會在進行,只有帶著面具的人可以參與。
突然,眾人將面具拋到半空中!
一羣拿著刀的人出來,拿著一大批貨。應該是向防禦學校訂的化學品。
我看一看周圍,確定沒有安全區職員。
「見唔見到佢哋手上啲嘢?」我問小華。




「好似係一袋袋嘢。可能係當日向實驗室訂嘅毒品。」小華說。
那羣拿著刀的人像軍隊一樣整齊地排列,將貨運走了。

「係咪刀派?」妹妹問。
「似係。修端,你喺樂富嘅時候,有冇同佢哋交過手?」小華說。
「梗係有啦。喺淋奠宣佈之後嗰日,刀派奪權,接管咗立案法團。啊爸同佢哋打,結果隻腳俾佢哋斬傷咗。我都受咗少少傷。」妹妹說。
我聽畢後,很是沉重。不知其他家人現在是生是死?
「其實呢... 你都唔可以跟住我哋太耐。咁你有咩打算?」我說。
「我唔知...」妹妹說。





 突然,外面傳來「呯呯」聲!
「係槍聲! 呢度附近有解放軍軍營,唔通係佢哋出動?」允恆說。他對這種事特別敏感。
「叮噹叮噹叮噹」有人不停地按門鈴!
「我哋去開門。」我和小華說。
只見是昨天和我聊過的入境處職員,他的手受了槍傷。
「唔該啊... 依家得你哋先可以幫到我。」那個男職員說。
「師兄,我唔知你信唔信得過。」我說。
「其實,我諗住作反好耐。」他說。
「俾佢入嚟先啦。」小華說。





 我們扶他上樓。
「我叫阿Nick。我知你哋唔會咁易相信安全區嘅人,我都一樣。」那個男職員說。
「你講得啱。咁你有咩可以幫到我哋?」允恆說。
「我知道Professor P準備離開香港,我可以帶你哋跟佢一齊走。」阿Nick說。
「唔好意思,我哋冇離開香港嘅打算。」允恆一下子拒絕了他。
「ok。但係,你哋真係可以信我。」阿Nick說。
「同佢合作無妨。」一心向允恆打了個眼色。
「唔得。你係十號前入嚟嘅職員,我唔信你。」允恆這一次站得很硬。
「允恆啊,你顧全大局好唔好啊? 依家唔係講玩啊。」英秀說。

 「外面環境點?」允恆轉問外面的情況。
「依家外面需要能力者幫手。」阿Nick說。
「刀派呢? 佢哋唔係有刀咩?」一心問。
「著咗草啦。」阿Nick說。
「你睇住班女仔,我哋搵路走。」允恆說。




「唔得,我哋六個共存亡!」 我極力反對。
「我哋對解放軍,我哋會贏咩? 不如留喺度,起碼仲有資源。」幼羚提出。
「要走,一齊走!」我說。

 「叮噹叮噹叮噹」又有人按門鈴了。
「會唔會係解放軍?」小華問。
「唔好大驚小怪啦,唔會有事。」阿Nick說。
突然,傳出槍聲!
我們下樓一看,原來是解放軍已經將我們的大門打穿了!
我連忙到廁所拿出通渠劑,連同其他人衝出門外,倒向軍人身上,同時躲避他們的亂槍掃射。
「哈哈,你們真的是「送頭」了。
你們這些蟑螂,怎不知道刀派的事也是我們的陰謀?」一個拿著步槍,沒有被通渠劑傷及的軍官說。
我怒火中燒,拿出菜刀架在他的頸上,但小華阻止了。
「唔好啦,你會受傷㗎。等我嚟搞掂佢啦。」小華說。
「我們故意讓他們控制這裏,就是為收拾你們。」另一個軍官說。




「你哋咁做係為咩!?」一心激動地問。
「怎容你們說三道四?」軍官罵道。 

「呯呯!」允恆兩槍直中兩個軍官要害。
「事到如今,忍無可忍啦! 我哋攞齊架撐! 我哋要奪權!」允恆一腔熱血地叫道。