[喪屍][愛情][奇幻] 滅屍救港: 四十一 九龍塘(7)面具
-毋忘831-
「由聽日開始,10號之後入嚟嘅人只可以負責入境處嘅工作。其他工作留翻比我哋負責就可以。
仲有,食飯嘅時候,10號之後入嚟嘅人要喺屋入面食。即係話,你哋聽日唔可以參與晚會。」小女孩嚴肅地說。
我們幾個互相對望,不知怎辦。我直覺覺得,一定與我們今天發現實驗部位為刀派製毒一事有關。
「修端,你出一出嚟。」小女孩叫了我的妹妹出去。
我們應該要各自回房,但是大家都總覺得有點不妥,所以留在大廳裏。
「喂,你哋兩個做咩啊?」允恆問我和小華。
「不如大家嚟我嗰層,我再講俾你哋聽啊。」我說,身體已經冒出一身冷汗。
我們各自坐在梳化上,我想起昨晚才與小華在這裏擁吻,怎知一天已經發生了這麼多事。
「使唔使等埋修端先開始?」幼羚問。
「唔洗。其實...」我說。
小華打斷了我。「等我講。我哋懷疑,防禦學校嘅實驗部為刀派製毒。」
他拿出了寫著「meth」的紙條。「大家睇下呢張紙,上面寫住meth,仲有一個圓圈嘅標誌。呢個就係證據。」他說。
「咁我哋要唔要踢爆佢哋?」一心問。
「謹慎啲好。放心,我會保護你。 小華,咁同喪屍有冇關係?」允恆說。
「我哋未知。」我說。
「其實,佢哋做咩好似唔關我哋事。」英秀說。
「說話唔係咁講。如果佢哋喺我哋嘅食物入面加咗呢啲嘢,你話關唔關你事?」我有點憤怒了。
「照你咁講,佢哋頭先話我哋聽日淨係可以做入境,咁同呢件事有冇關?」幼羚問。
「我覺得係因為佢哋知道我哋發現佢哋唔見得光嘅事。」小華答。
「冇錯。」我說。
「依家有咩方法可以解決?」英秀問。
「等我諗諗。首先,唔好輕舉妄動,唔好亂咁踢爆件事。
然後,小華同小芳要加倍小心,確保自身安全。
最後,要查清楚刀派究竟係咪控制咗呢度。」允恆說。
「知道!」我們幾個說。
這時,妹妹回來了。
「點啊? 個女仔叫你出去做咩?」我焦急地問。
「佢話俾我入team。」妹妹答。
「咩team?」
「化學師,領袖係唔知咩教授嘅助手Alfred。我話我唔識,所以推咗。」
「你冇入就太好啦! 總之佢哋staff嘅team,你唔好入。」
「點解?」
「唔可以咁容易相信佢哋。」
我們各自回房休息。
小華好像很不捨得,怕我沒有他會覺得害怕。
「放心,我好似個男人咁硬淨㗎嘛,你瞓啦。」我擁抱他。
「咁早唞啦。」他說。
第二天起床,我發現所有職員都帶上了面具。直覺告訴我,他們是在掩飾甚麼。
我們在早午兩更都在聯合道的入境站審批申請。
大概有十多個人,當中有一個有圓圈圖案的劃痕,應該是刀派的人。
除了這事以外,沒有其他大事發生。
直到晚會開始了,陰謀逐漸浮現。