[喪屍][愛情][奇幻] 滅屍救港: 五十九 界限街(6)陰謀
我們來到了手足飯堂,卻發現所有東西已經不見了,老闆和老闆娘也不知所蹤,就像飯堂從來也沒出現過一般!
「死啦,佢哋會唔會出咗咩事?」小芳緊張地問。
「衰啲講,出咩事係好正常。」偉賢說。
「但係你哋話呢邊好少喪屍…」小芳疑惑。
「多人無啦啦出事,其實係因為好多人爭緊勢力。」阿樂解釋。
「哦,貴圈真亂。」允恆說。
不久後,我們在手足飯堂所在的大廈正門發現了一張紙條,是警局發出的,說這裏因為與馮權墮樓事件有關,所以要查封。
「唔通… 老闆殺咗佢?」幼羚問。
「要殺,都唔會今日先落手。」阿樂分析。
「咁我哋應該點做?」幼羚問。
「等對家做嘢。但老闆同老闆娘好可能已經被…」偉賢說。
想到這裏,我們沉默了好一會兒。
我突然想到了甚麼。
「我想翻去你哋到。我想見阿婷。」我說。
「你有咩諗法?」偉賢問。
「佢阿爸阿媽變咗做喪屍,同佢困埋同一間屋,佢冇可能唔會變成喪屍。
會唔會係馮權有俾過疫苗佢呢?
仲有,明sir張機票係佢俾你哋嘅。
會唔會明sir搵過佢,俾佢呢?」我推測。
「老婆大人英明。」允恆甜絲絲地說。
我輕拍了他一下。「冇話過嫁俾你喎。」
「明sir應該唔會搵個細路女,俾啲咁重要嘅嘢佢…」小華說。
「我今次撐小華。」小芳說。
「但都要搵佢問下。」我堅持。
「你想讀心理學啫,唔代表你係心理醫生㗎…」阿樂質疑。
「你點知㗎?」我詫異地問。
「男人都有直覺。」阿樂說。
「我醒起邊度可能有線索。油站。」英秀突然問。
「點解?」小華問。
「上次我哋去嗰邊匿埋嗰陣,我留意到油管有一樽細細嘅嘢,唔肯定係咩。
所以冇同大家講。」英秀說。
「早講嘛。」偉賢說。
「其實依家得阿森一個睇住阿婷,咁不如啊邊個你過去幫手睇住佢。
仲有你男朋友。」阿樂說。
「我有名㗎,我叫一心。」我有點不滿地說。
「放心交俾我哋啦。」允恆說。
我和允恆回到阿婷的住所,其他人就到油站找線索。
我們到了之後,發現阿森臥倒在阿婷家的門口,有一個帶鴨舌帽的神祕女人綁住了阿婷的手,在問她問題!
I'm back!
呢篇比較短,因為之後主要寫一心同允恆同個女人嘅事