[喪屍][愛情][奇幻] 滅屍救港: 五十八 界限街(5)查案
我們辛苦了一天,就和小女孩在「手足飯堂」附近的街道上睡著了。
第二天,英秀突然打開手機,他收到短訊,說昨晚馮權死了!
「認真㗎?? fact check咗未?」允恆不相信,畢竟現在謠言滿天飛,
每天都有各式各樣的謠言,包括喪屍終極目標要殺盡香港人,
駐港解放軍內戰等等。
這時,偉賢氣喘吁吁地跑過來。「終於俾我搵到你哋。
馮權琴日跳樓死咗,初步估計係自殺。
我哋team覺得件事冇咁簡單,所以想你哋幫手查下個真相。
咦? 佢咪阿婷?」
「賢哥哥。」女孩抱住偉賢,輕聲說。
「阿森係咪成日幫佢㗎?」允恆問。
「係呀,佢係阿婷嘅契哥。但係佢已經成個禮拜冇去過睇佢。
多謝你哋勸到佢出嚟,因為阿森都想佢出嚟,但因為佢父母嘅關係…
佢覺得好驚。」偉賢輕撫著阿婷的頭。
「睇住自己父母咁… 傷害一定好大。」我心痛地說。
「講翻正題。
我阿爸淨係同我講話馮權死咗,咁其實…佢喺邊度死㗎?」英秀問。
「我帶你哋去啦!」偉賢說。
我們到了馮權墮樓的位置,就在他經常出現的天橋對面的大廈。
他的屍體已經被移走了,有幾個警察在附近問目擊的人。
馮老太站在兒子墮下的位置哀哭著。
「以我哋所知,應該唔係因為喪屍。」偉賢說。
「會唔會係因為我哋琴日見過佢,而佢上頭知道咗佢有俾過解藥人,所以佢先會出事?」英秀說。
「其實我唔係好想理。我哋根本都唔會查到啲咩…」允恆說。
「我覺得黑警會因為呢件事唔知要用咩方法消滅我哋。」小華說。
突然,有個少年跑了過來,是阿樂。
「我發現咗一張紙,寫住「馮權大逆不道,雖遠必誅」。」阿樂說。
「我認得呢啲字,係九龍西指揮官明sir嘅手筆!」英秀說。
「個明sir好有可能係令佢自殺嘅原因。」偉賢說。
我們便問了警察知不知道明sir在哪裏。
「唔好同我講明sir,你哋要打喪屍,我哋都要。
我哋依家要翻分局,冇時間應酬你!」警察說。
「垃圾,仲話自己係警察,曱甴就有你份!」阿樂罵道。
「你講咩話?」警察取出警棍,不斷地打。
阿樂就用腳踢倒警察,雙方爭持。
「宣戰啊? 化學技能啟動!」小芳用她的技能。
「啊…我唞唔到氣啊…
明sir…推…咗…馮權落…樓…」警察喘不過氣來,無力地丟下警棍。
「終於肯認啦咩? 技能還原!」小芳還原技能。
「嘎嘎… 走先!」警察跑走了。
「兇手唔係明sir。」偉賢突然說。「睇下呢張嘢。琴日,明sir已經出咗國。」他遞了一張登機證副本。
「政府唔係有出境限制咩?」小芳問。
「佢搭私人飛機。」偉賢說。
「但係你點知唔係假嘅?」我問。
「我屋企人做check-in counter嘅,我唔多唔少都學咗佢哋嘅慣例睇。」偉賢解釋。
「佢哋走咗,留低我哋喺度受苦,真係可惡。話說你喺邊度搵到㗎?」小華問。
「阿婷俾我嘅,話係路邊執翻嚟。」偉賢說。
「會唔會係明sir特登跌喺路邊,想證明佢嘅清白?
定係佢先係真正嘅兇手,跌張登機證副本係掩飾自己殺咗人?」幼羚問。
「去唔去手足飯堂食嘢呀?」小芳忽然問了一個奇怪的問題。
「問佢哋冇用㗎。
其實之前都試過有警察喺停車場燒炭死咗,個個淨係識三萬thanks,完全冇人想查出真相。
我哋跟唔到條線,咪放棄,專心搞空投囉。」阿樂說。
「單嘢關唔關喪屍事?」英秀問。
「唔關,一定係謀殺。」阿樂說。
「呢兩件事一定有關。」我說。
「依家整合一下先。
想馮權死嘅紙條係明sir寫嘅,加上有下屬指證佢推馮權落樓,所以有2樣證據指向明sir。
而前一晚明sir登機,有機票為證,即係話有一樣證據證明明sir係清白嘅。」允恆說。
「因為呢件事真係幾陰謀論,而且其實黑警都怕有其他勢力攻入警局,所以要觀望下。」阿樂說。
「咁去=15.6px手足飯堂攞料?」小華問。
「go。」偉賢說。