[hehe]《知音人》: 八：蜜月

初戀對Horace來說，或許是一段永遠不會忘記的回憶。
 
在校內成績一向並不突出的他，在和Jordan拍拖的日子，有不少部份的時間是一起在自修室溫習。愛情對他來說，是一種動力，一種讓他願意發奮的推動力。
 
模擬試的成績一鳴驚人，令Horace在班內的排名由不起眼的中游位置躍升至前五位，班主任以及幾名老師都對他另眼相看。而最後，文憑試他亦能保持這個成績，成為班內少數成功考入香港島大學的人。班主任、老師、包括Oscar 在內的好友都不知道Horace進步的原因，原來與校內另一位風雲人物有關。
 
Jordan在這段時間亦慢慢改變，除了減少在課餘時間嬉戲，多了時間陪Horace在自修室溫習外，他自己亦比以往勤力，希望可以一年後跟Horace考入同一間大學。本來成績普普通通、只愛唱歌打籃球的他，成績也慢慢上力。
 
在文憑試後，兩日終於展開情侶的生活，做普通情侶會做的事，在戲院拖著手看電影、去郊外遠足，這段日子雖然簡單，但對Horace來說，是他最難忘、回憶起最能會心微笑的日子。
 


「其實，你中意我D咩？」有一次兩人吃飯期間，Jordan問道。
「下？好難答wor。」
「點解咁講既？」
「咁中意人係個感覺，無話特別中意你邊一樣野，係中意同你相處既感覺，好舒服、好有安全感。」
「哈哈，好少人話我有安全感架wor。」
「可能你淨係對我先會咁啫。」
 
這段蜜月的日子，兩人仿佛進入了一個沒有其他人的平行世界。雙方的生活大部份都被對方佔據，不管是一起到處遊樂，還是各自在家中講電話，一切都來得十分美好。
 
有一天，Horace收到Oscar的電話。


 
「將軍，你幾時應機呀？」
「咩事呀？」
「Grad Trip呀，你去唔去架？」
「下？係wor，我唔記得左添。」
「呢排搞咩呀你，好似消失左咁。」
「無呀，係屋企彈琴作歌咋嘛。」
「係咪有女唔話比我知呀？」
「邊有呀，我係屋企hea咋嘛。」
「咁grad trip你去唔去呀，7月尾，應該得閒掛。」


「得啦，我望一望，十五分鐘後覆你。」
 
放下電話後，Horace望了望時間表，那段時間應該沒有問題，便告訴Jordan。
 
Jordan：「日本？我又去。」
Horace：「我地grad trip wor，你都未grad。」
Jordan：「但我想同你去旅行嘛。」
Horace：「你唔使補課咩，你科Econ好似暑假每日都要補。」
Jordan：「唉，係wor，仲要test，再唔合格就死啦。」
Horace：「之後有機會再陪你去啦，你比心機溫書啦。」
Jordan：「好啦。」
 
Horace致電Oscar：「得啦，預我，跟隊。」