[hehe]《知音人》: 七：初戀

隨著一月的來臨，學生們最憧憬的sem break亦已過去， Horace亦已作好HERO參加歌唱比賽的歌曲。
 
Horace：「send左首歌出來，份詞交比你啦楊俊朗。」
Oscar：「放心，五日內搞掂。」
Roy：「哇，咁難唱既。」
Oscar：「你定啦，高音位將軍一個人搞掂。」
Edmund：「係wor Horace，咁你獨唱諗好咩歌未？」
Horace：「未定呀，可能《我的志願》掛。」
 
獨唱選歌，從來都是不容易的事，尤其Horace一定會花時間鑽研歌詞。上次Frankie在飯聚提起過Jordan，令他曾考慮憑歌寄意，但畢竟他不會在場。


 
//埋沒也好 只知道感覺失了蹤 不知道戀愛這麼重
挑剔再爭拗 然後不相信
從你眼中 找到了拯救幾秒鐘 只不過期望已經不同
沿著高速開到最盡 誰若抽身我連送都 不送//
 
Horace播著Dear Jane的《只知感覺失了蹤》，他表面上似是忘記了，但內心似乎未放低這段兩年前的感情。
 
經過Jordan那次在更衣室近乎「挑逗」的行為後，Horace溫書也未能集中，就是在想著這件事。他正糾結著，究竟Jordan是純粹作弄他，還是已經看穿了他的心思？
 


忐忑不安了一天，Horace決定選擇面對，拿起電話，致電Jordan。
 
「葉子康，今晚得唔得閒？」
「OK呀，食飯？」
「嗯，旺角站等啦。」
 
兩人在晚飯時罕見地沒什麼話說，Horace很想開口但不知怎樣開始，Jordan亦顯得尷尬，完全不像以往那個健談的他。
 
飯後兩人在街上亂走，Jordan首先開聲。
 


「你做咩約我出來食飯但成程都唔講野既？」
「er..你都好少咁靜啫。」
「見你好似唔開心，咪比你靜下囉。」
「嗯。」
 
Horace又沒說下去，總是不知道如何開口。
 
Jordan：「呢排溫書太大壓力？」
Horace：「其實…..我呢兩日集中唔到，望住堆notes發呆。因為..因為..果日係更衣室，我唔知你諗咩，我好亂。」
 
Jordan沒出聲，看著眼前這個情緒很混亂的人。
 
Horace：「我唔知我係咪中意左你呀，你又咁樣，我唔知你玩我定點，我好亂呀。」
 
說完，他放聲大哭。


 
Jordan將眼前哭成淚人的Horace一擁入懷，溫柔地說句：「傻瓜，喊咩呀，我點會玩你呀。」
 
Horace抬起頭：「即係？」
Jordan：「我都中意你呀傻瓜。」