[hehe]《知音人》: 二十七：秘密

大學三年級的功課明顯比之前繁重，Horace除了要兼顧課業外也要繼續接受唱片公司的訓練。開學僅兩星期，已見他開始感到吃力。
 
別說要跟不同校的Jordan見面，Horace這兩星期連Oscar也沒見過面，只有在課堂見到Edmund及偶爾在房間見到Roy，但沒有什麼深度的交流，因為Horace的臉上永遠掛住一副累人的樣子。
 
然而，在唱片公司訓練的日子雖然有點辛苦，但他也獲益良多，由其對音樂知識有更深入的了解，歌唱上他也糾正了不少以往的陋習。
 
到了9月底，唱片公司給Horace和部份練習生一個兩星期的假期，因為他們展開一個特別的企劃，將Kenneth打造成為來年的樂壇新人，此段時間先集中資源作準備宣傳之用。
 
難得有可以放鬆的時間，Horace在周末約了Jordan看電影及晚飯。
 


Jordan：「而家約你真係難啦。」
Horace：「唉，每日放學就去公司練野，真係好攰。」
Jordan：「咁有無後悔先。」
Horace：「咁又無，只係有少少懷念之前簡單既校園生活。」
 
兩人晚飯後向在街上隨意走著談著，由銅鑼灣的鬧市慢慢走到西區。
 
Jordan：「前面就係學校啦wor。」
Horace：「嗯，你上唔上黎坐下？」
Jordan：「好呀，你Roommate唔係度咩？」


Horace：「呀Roy？我都無咩點見過佢，同佢part房最大好處係成日可以大聲播歌唱歌，因為佢成日都唔係度。」
 
當兩人走到512室門口前，卻聽到房內有兩把熟悉的聲音。Horace想推門進入，但Jordan卻示意先等等。
 
Roy：「估你唔到wor。」
Oscar：「哈哈，多謝你肯聽我講。」
Roy：「一場兄弟，你肯講我肯聽啦。」
Oscar：「唔好講出去就得啦，話說將軍咁耐都未返既？」
Roy：「佢話今晚會返架，但唔知幾點wor，你等埋佢？」
Oscar：「唔使，我之後再搵佢啦。」


Roy：「咁送你落去？」
Oscar：「唔使啦，我自己得啦。」
 
此時Horace推開房門，和Jordan一同進入房間。正躺在床上的Roy和正準備離開的Oscar露出驚訝的表情。
 
Jordan：「Hi Oscar。」
Oscar：「Jordan？又會上黎既？」臉上仍然驚訝。
Horace：「Oscar你上來又唔同我講既？」
Roy：「佢黎搵我傾野啫。」
Oscar：「係呀，都傾完，準備走。」
Horace：「傾D咩呀，咁神秘咁既？」
Oscar：「無咩神秘呀，之後再搵你啦，呀Roy陪我落去啦。」
Roy：「下？你頭先又話唔使送？」
 
Oscar向Horace打了眼色，並向Roy說：「快D行啦。」


 
Roy未搞清情況，但也跟了Oscar出去。兩人還未走遠，Oscar就開口：「我地唔好阻住人地啦。」
 
房裡的人聽得很清楚，Horace看到這個滑稽的畫面，笑了出來。
 
一直在旁沒有說話的Jordan極尷尬。