[hehe]《知音人》: 二十八：地雷

翌日晚上，HEROS終於約得成開學以來第一餐飯聚，在學校附近的餐廳。
 
Steven：「我好似好耐無見你啦Horace。」
Horace：「係呀，早排真係好忙，唔使上堂既日子要去練歌。」
Roy：「唔好講你啦高佬，我係佢Roommate都無咩點見過佢。」
Edmund：「咁你成日出去玩，邊個做你Roommate都見你唔到啦。」
Horace：「係wor，我都未問你地兩個，尋晚係我房做咩呀？」
Roy：「喂，果間都係我間房黎架wor。」
Steven：「Oscar上左你房？」
Oscar：「搵呀Roy傾野啫。」


Horace：「傾咩咁神秘呀，又唔同我講上黎。」
Oscar：「無咩野神秘，反而係你，帶條仔上房做咩？」
 
Edmund和Steven幾乎同時間大叫：「條仔？」
 
Roy：「係呀，大大隻隻咁，唔通你又係…」
Horace：「閘住，帶佢上來拎本書同飲杯咖啡啫，你唔好咩都諗去果度。」
Roy：「我咩都未講，你又諗左去邊度。」然後露出奸笑。
Oscar：「話說條仔我識架wor。」
Edmund：「下？」


Horace：「真係拎左本書同飲左杯咖啡咋。」
 
昨晚，當Roy和Oscar離開房間後，Horace沖了一杯咖啡給很尷尬的Jordan，又想起之前有本書很想給他看，把書交予他，傾了十五分鐘左右便離開，但他知道如今這樣說，Oscar可不會相信。
 
他很清楚，這大半年經歷了這麼多事，Oscar這位認識多年的好友已經知道他和Jordan的關係，只是他從來沒有說出口而已。
 
Horace此時怒瞪Oscar，對他就事件「加鹽加醋」表達極之不滿。
 
Oscar或許也意識到Horace的怒火，馬上收口，簡單說了句：「我講笑啫，唔講唔講。」
 


Horace：「你地傾啦，我去廁所。」然後就離席。
 
其他人對事件突然發展成這樣，顯得驚訝，氣氛突然跌到冰點。
 
Roy：「死啦，中地雷啦，今晚無房訓啦。」
Edmund：「你係咪都唔返房架啦，扮咩。」
Oscar：「哇，識佢咁多年都未見過佢咁，我講錯D咩？」
Edmund：「有D野你知，唔代表佢想你話比好多人知，就算我地真係知，都唔代表要比佢知我地知。」
Roy：「你講咩呀，好玄呀。」
Oscar：「原來Edmund你都知架啦？」
 
Edmund聳聳背，不置可否。
 
Horace在洗手間用水沖面，想自己冷靜下來。他不懂自己剛才為什麼會突然情緒失控，怪責自己令原本開心的朋友飯聚發展成這樣。
 


「點呀你？」一把聲音在他耳邊響起。他抬起頭，是Steven。
 
Horace：「無野呀，我冷靜下就得。」
Steven：「真係無野？可以同哥哥講wor。」
 
Horace聽到Steven自稱「哥哥」就笑了。
 
Steven：「笑返咪好囉，大家都擔心你。」
Horace：「唔好意思呀，搞到氣氛咁彊。」
Steven：「傻啦，兄弟黎架嘛。」
 
兩人走回餐桌，在Roy帶動下，氣氛慢慢回復正常。