[hehe]《知音人》: 三十：兄弟

跟Roy如實告知一切後，Horace感到如釋重負，之後他又找到機會跟Edmund和Steven講了有關Jordan的事。
 
Edmund：「哈，估到你啦。」
Horace：「我真係無你咁勇，比呀Roy話我太優柔寡斷。」
Edmund：「唔係啦，個個唔同既。」
Steven：「講左係咪舒服好多呢？」
Horace：「係呀，以後對住你地唔使就住就住，早排真係好攰，又唔知同邊個講。」
 
Horace另外嘗試約Oscar午飯，但總是約不成，Oscar不是說要見老師就是約了同系同學午飯。他有點覺得他在避他的感覺。
 


這天傍晚在512室，Horace和Roy也在房間。
 
Horace：「Roy，你知唔知Oscar呢排係唔係好忙？」
Roy：「我唔覺wor，你搵唔到佢咩？」
Horace：「呢幾日想約佢食lunch或者tea佢都唔得。」
Roy：「哦，佢今個sem要overload爆cred，又要排星期四day off，所以日日D堂都勁密，lunch或者tea係難約D啦。」
Horace：「哦，仲以為佢發生咩事唔理我添。」
Roy：「傻啦，點會呀。」
 
雖然如此，但Horace總是無謂的擔心著，Oscar是否仍然對當晚他發脾氣有不滿。


 
隨著Horace收到訓練時間表，他知道唱片公司給予的兩星期假期將結束。
 
「復工」的第一天，Horace早上由九時半一直無間斷上課至三時，然後連午飯也趕不及吃，只是在路上買了一個麵包，邊咬邊吃前往唱片公司錄音室。
 
然後又是數小時的唱歌課和音樂課，當老師宣佈正式完結時，Horace發現已經是七時半，他的肚正在打鼓。
 
以往他練習後通常會直接回家或宿舍，但今天因為餓的關係，答應了和幾位練習生一起晚飯。他們大多都仍然是學生，有兩三個是剛大專畢業的，大家都對公司在過去的兩星期安排了什麼宣傳活動給Kenneth，以致要令全部人休假，感到好奇。
 
然而，因為大家都沒有什麼資訊，大家的討論都流於自己的想像，沒有得出什麼驚人的結論。


 
晚飯後已是九時多，Horace一人踏上回宿的路上，到校園附近時人有三急，便走到體育館的洗手間解決。
 
誰知他從洗手間一出來，就見到Edmund獨自一人在體育館門外站著。
 
Horace：「Edmund？」
Edmund：「將軍？你點解係度既？」
Horace：「返hall途中人有三急去廁所啫，你又做咩一個人企係門口？」
Edmund：「等緊Steven，佢應該就練完波。」
Horace：「係wor，星期一有校隊練習wor。」
Edmund：「係呢，我頭先入去望果陣，見到Oscar係入面。」
Horace：「Oscar？」
Edmund：「嗯，但Steven無同我提過Oscar入左校隊。」
Horace：「Oscar都無同我講過，其實我一直搵佢佢都唔覆我。」
Edmund：「咁我知佢中意打波既。」


Horace：「我都知，只係佢做咩要搞到咁神秘。」
 
此時，Steven從體育館走出來。
 
Steven：「我行得啦，咦，Horace你又係度既？」
Horace：「返hall途中見到佢咪留低傾幾句啫。」
Edmund：「喂，頭先我好似見到Oscar，佢入左校隊咩？」
Steven：「噢，你發現左啦？」
Horace：「點解咁神秘？」
Steven：「我唔知佢呀，但佢叫我唔好同人講，所以無講囉。」
Edmund：「咁奇怪？」
Horace：「係囉，呢排又唔應我機。」
Steven：「我諗佢有自己原因既，等佢自己講啦。」
Edmund：「嗯。」
Steven：「咁我地行啦，Horace你一唔一齊食飯？」


Horace：「唔啦，我岩岩先同同事食完，唔阻你地啦。」
Edmund：「好啦，咁bye bye啦。」
Horace：「bye。」