[hehe]《知音人》: 三十四：友達

兩人到附近商場一間日本餐廳晚飯，但星期六晚要等十幾張檯才能入座。
 
Oscar：「楊思穎見到你好開心wor，鈞哥哥。」
Horace：「佢以前都好中意痴住我架啦。」
Oscar：「哈哈，我曾經以為佢暗戀你。」
Horace：「唔會掛，當我呀哥啫。」
Oscar：「明明佢已經有個好靚仔既呀哥。」
 
Horace反了個白眼：「你個名叫楊俊朗啫，你估自己真係好俊朗咩，邊有人咁自戀架？」
Oscar：「咁又係，你眼中既靚仔得一個人啫。」


Horace：「um…都唔止一個既，但肯定無你份囉。」
Oscar：「得啦，唔使你認同，話時話，你同佐敦點呀？」
Horace：「無咩點呀，咪一直係咁囉。」
Oscar：「仲係友達以上？」
 
Horace點頭，沒出聲回應。
 
Oscar：「其實呢，識左你咁多年，我都大概估到你諗緊咩啦，果次食飯人地一個電話打黎，你個樣寫住『好擔心』三個字，加埋之前Sing Con既野，你唔講我都估到D既。不過我又衰既，無問過你上次食飯就想爆響口。」
Horace：「傻啦，仲講果件事，係我自己唔知點解突然情緒到，而且無心理準備咁樣，先搞到咁彊。之後我已經同Edmund同Roy講左啦，但一直無機會同你講。」
Oscar：「講你同Jordan？」


Horace：「嗯，佢地都知道啦，其實諗返轉頭都唔知擔心咩，Edmund咁大膽拖住Steven出黎大家都咁平靜，但就係唔知點解我就係好驚係你地面前提呢樣野。不過之後就係發現自己咩都自己承受哂太辛苦，結果有晚同呀Roy講哂。」
 
過了一會，兩人都差不多吃飽的時候，Horace想起一件事未問。
 
Horace：「係wor，其實呢排你忙咩啫，成日都唔得閒咁，Jam歌又唔黎。」
Oscar：「um..為左入校隊打波，操左好耐，入左隊之後又開始功課忙，所以咪無咩時間囉。」
Horace：「入校隊啫，你硬係整到件事咁神秘咁，然後呀Roy又好似知道D野又唔肯講咁。搞到我以為你有咩事咁？」
 
Oscar深呼吸了一下，然後說：「你唔好話比人聽啦，本身得呀Roy知。」
Horace：「當然啦。」


Oscar：「咁辛苦入校隊，只係為左一個人。」
Horace：「邊個？」
Oscar：「佢叫Wilson，今年我地語言學系既freshman，都係我o-camp組仔，佢又好中意打波，開學果陣成日搵我兩個單挑，佢真係好勁，之後話想參加校隊選拔，叫我一齊參加。初初我都唔肯，我都Year 3啦，仲玩咩，但之後佢話睇得出我好中意打籃球，無理由因為失敗過一次就放棄，又係咁『爸爸一齊參加啦』，最後就半推半就咁join左選拔，又唔知咩運氣兩個一齊入到。」
Horace：「咁搞笑？爸爸為左個仔一齊參加？」
Oscar：「咁同佢又幾岩傾既，不過入到校隊先發現自己未夠班，你見我頭先同你打都打唔贏就知啦，所以先唔敢同大家講，都叫左Steven唔好話比大家知。」
Horace：「咁你同果個Wilson…」
Oscar：「唔係你諗果D，朋友啫。」
 
Horace笑了，他本身也沒打算說些什麼，但Oscar反應之快令他感到這背後仍有故事，不過他免得朋友尷尬就沒說下去。
 
Horace：「除左籃球校隊，仲忙D咩呀？」
Oscar：「無啦，早排功課忙啫，overload嘛。」
Horace：「咁忙完多D搵我食飯啦，或者上黎jam下歌啦。」
Oscar：「盡量啦。」