[hehe]《知音人》: 三十六：關心

若不是Steven都在，本來個子不高、身型不壯的Edmund一個人是不可能扛得起連站都站不穩的Horace去看醫生的。兩人一人扶著Horace一邊手，好不容易把這個病到半死的人由512室帶到去校園內的醫務所。
 
到了醫務所，Horace的狀態很像好了點，但體溫卻是驚人的高。
 
Edmund：「將軍你做過咩黎呀，咁高燒既？」他看到那溫度完全呆了。
Horace：「可能尋晚返黎淋雨淋左十幾分鐘掛。」聲音也是無氣無力的。
Steven：「你面青口唇白，又企唔穩咁，嚇死我地啦。」
Edmund：「好彩呀Roy返房發現通知我地啫。」
 
此時登記護士大叫：「張志鈞，到你啦。」


 
Edmund撐著Horace的身體進去診症室。簡單診斷後，醫生說Horace昨日淋了大雨，加上近來缺乏休息，身體過度疲勞，而且飲食不定時、壓力太大等因素，這場大感冒把身體的很多毛病都逼了出來，所以才顯得特別嚴重。除了吃藥外，醫生特別叮囑Horace必須要充足的休息和健康的飲食。
 
看過醫生後，Edmund和Steven也有課，Horace便獨自回到宿舍休息。不太放心的Edmund要他回到房間報平安，也說會叫Roy下課後回去看他。
 
Horace看到Edmund突然變了媽媽般擔心著，覺得很有趣，著他放心及幫他在課堂上拿筆記。回到房間後，他也致電了唱片公司說明自己的情況，獲告知這星期可以不用回去練習，好好休息。
 
吃過Steven買的粥和醫生開的藥後，Horace又昏睡過去。
 
下一個有意識的時候，天已經黑了，他看看手機，時間是晚上七時多。


 
有十數條未看短訊。
 
（一）Roy：「將軍你醒左同我講呀，Edmund要我買粥比你食。」
（二）Steven：「記得好好抖下啦。我地聽日先黎睇你。」
（三）Kenneth：「Horace，聽講你病左wor，好好休息啦。」
（四）Oscar：「記得準時食藥，聽晚練完波上黎睇你啦。」
 
還有數則來自不同朋友叫他好好休息、準時吃藥等短訊。
 


Horace看著這些訊息便笑了，也覺得自己挺幸福，即使朋友不算很多，但至少他們都真的很關心自己。
 
他之後就致電Roy說自己起床了，然後逐一WhatsApp回覆朋友們的關心。
 
突然，他想到一個人，便再打多個電話。
 
Jordan：「喂？」
Horace：「葉子康。」
Jordan：「你把聲做咩呀？」
Horace：「感冒，睇左醫生。」
Jordan：「下？無咩呀嘛，使唔使黎睇你呀？」
Horace：「唔使啦，呀Roy買緊粥比我食，我食左藥好返D啦。」
Jordan：「真係無野？咁你仲使唔使練歌跳舞？」
Horace：「唔使啦，公司叫我今星期放假唔使練住。」
Jordan：「咁你好好抖下啦。」


Horace：「嗯。好返搵你食飯啦。」
Jordan：「聽住先啦。你好好休息啦。」
Horace：「嗯，bye。」
Jordan：「bye。」
 
約十分鐘後，Roy拿著買好的粥走回來，後方還有數位同層的朋友走進來，說要關心Horace的情況。
 
各人輪流的慰問和感謝又擾攘左數分鐘，到Horace可以安靜坐低吃粥的時候已經八時多。
 
Roy：「頭先Oscar搵我，話你個Friend想聽日黎探你wor。」
Horace：「你講Jordan？」
Roy：「係呀，佢搵Oscar話問我電話，Oscar同我講咋。」
Horace：「咁快手既，我三個字之前先叫佢唔使上黎。」
Roy：「你太天真啦，無男人敵得過愛情。」
 


然後，Roy的電話響起了。