[hehe]《知音人》: 四十一：室友

Jordan：「喂？我係..係..下？好，我即刻黎。」
 
Jordan掛掉電話，跟Horace說：「我roommate有事，要去搵佢。」
Horace：「我跟埋你去啦。」
 
兩人很快離開餐廳，乘搭的士到尖沙咀警署。
 
Jordan向值日警官說：「唔該，我係黎保釋我朋友，佢叫何健基。」
 
由於值日警官只容許一人進內，Horace唯有在報案室大堂坐著，順便思考今天發生的事情。他坦承面對自己心內的想法，即使他無可否認對Jordan有好感，但同時心底有種說不出的恐懼，令他無法像Edmund般敢去愛。然而，這個機會令他知道了很多本身不知道的事情，例如Jordan為了他做的改變、Jordan對他的承諾等。




 
想到這裡，Horace覺得如果因為自己心底裡的未知道，而令一個為自己令出了這麼多的人連答案都得不到，是個多麼不成熟、多麼自私的行為。難道，Jordan心底沒有這種恐懼嗎，他做得到自己為何做不到？
 
或許，他真的要給Jordan一個答覆。
 
「喂，發完夢未呀，行得啦！」一把聲音在旁響起，把Horace從思考中喚醒。他看到Jordan和一名應該是他剛保釋的朋友。
 
「你好，我係Jordan既Roommate，叫Charlie。」Charlie伸出手。
「你好呀，我係Horace，頭先同Jordan食飯，所以跟埋黎，睇下有無野幫到手。」Horace回答。
「行啦，一路行一路講，唔好再留係度啦。」Jordan見兩人站著沒動，便伸手推著兩人出去。




 
在陪同Charlie回Jordan家的路程上，Horace腦海繼續想著很多事情，包括應如何答覆Jordan、答覆的時機、Charlie的身份、Charlie和Jordan之間的關係等。
 
不知不覺已到達Jordan和Charlie的住處，這次是Horace認識Jordan以來第一次踏進Jordan的家，雖說以前都知道Jordan住哪兒，但登門造訪卻未試過。
 
Jordan遞給Horace一杯水，說：「你坐坐先啦，我要睇下Charlie點樣。」
 
Horace坐在梳化上，喝口水，然後拿起電話隨意看看。
 
他見到Edmund傳來的訊息：「將軍，有無好消息呀？」




 
他沒有回覆，腦海繼續想著剛才一直想著的事情，然而一遇到與感情有關的事，他平日運轉得還算快的腦筋就會失靈。
 
過了約二十分鐘，Jordan和Charlie在房間出來。
 
Jordan：「你等多我一陣，我去埋廁所送你落去，肚痛。」然後走進洗手間。
 
Charlie走到Horace旁邊坐下，並說：「Horace？你同Jordan好熟架？」
Horace：「哦，OK啦，做咩咁問呀？」
Charlie：「無呀，因為我無咩聽過Jordan佢係我地體康系以外既朋友啫。」
Horace：「哦，我讀港島大架，不過同Jordan同一間中學。」
Charlie：「哦，唔怪得啦，係呢，頭先無嚇親你嘛？」
Horace：「無，係呢，你無事呀嘛，我咁大個都係第一次去差館。」
Charlie：「頭先同班朋友飲酒，有人飲大左同隔離檯嘈，然後有人郁手，咪搞到報左警囉，無咩野既。」
Horace：「無野就好啦，頭先Jordan佢好擔心你，即刻飛的去搵你。」




Charlie：「哈，佢份人就係咁。」
 
Horace看到Charlie面上的笑容，不期然想著他和Jordan之間的關係。
 
Charlie：「係呢，你覺得Jordan份人點？」
Horace：「下..er…幾好人囉，做咩無啦啦咁問。」
Charlie：「哈，你真係好可愛，唔怪得。」
Horace：「下？」
Charlie：「無野啦，當我無講過。」
 
此時Jordan從洗手間出來。Charlie從梳化站起，走到Jordan身邊，在他耳邊說了一兩句，然後兩人都淺淺笑了一下。
 
Jordan：「張志鈞，行啦，送你落去搭車。」