[hehe]《知音人》: 四十五：口吃

Horace：「上左黎既葉子康？」
Jordan：「樓下等緊撞到張總監，佢叫我上黎等嘛。」
Horace：「咁行啦我地。」
Jordan：「食西餐好唔好？」
Horace：「好呀。」
 
兩人離開唱片公司辦公室，路上Horace撓著Jordan的手臂走著，但發現Jordan表情有點異樣。
 
Horace：「你無野嘛？」
Jordan：「我有咩野？」


Horace：「做咩無表情咁呀，我做錯野？」
Jordan：「頭先你同果個Kenneth兩個人係錄音室練野？」
Horace：「哦，因為上星期請左病假，老師要我追返少少進度，Kenneth教返我少少野啫。」
Jordan：「哦。」
Horace：「哎呀，你唔好呷佢醋啦。」
Jordan：「唔知點解我硬係覺得佢對你有野。」
Horace：「我唔知佢點諗啦，但我唔會對佢有野囉，除非你唔信我啦。」
Jordan：「唔係唔係，唔好咁啦，我講下啫。」
Horace：「人地都應承左你啦。」
Jordan：「Sorry呀，我唔岩，呵返。」


 
另一邊廂，在港島大的體育館，籃球校隊正進行常規練習，為年底的大專賽做好準備。
 
教練：「今日練到呢度啦。大家記住自己練好體能啦，特別新人呀。正副隊長留低講兩句。」
 
隊長Steven和副隊長Darren和教練留在場上討論著什麼，其他隊員慢慢走回更衣室。
 
Oscar很快沖洗完，坐在更衣室等候隊友沖洗完成。他仍然對自己的狀態不太滿意，滿面愁容。剛洗完澡的Wilson從淋浴間走出來見到Oscar這樣，便走過去看看什麼事。
 
Wilson：「你無野呀嘛？」


 
一直自己在沉思的Oscar聽到有人突然在身邊說話，稍為驚醒過來，然後就看見只穿著內褲的Wilson在眼前，一時反應不過來。
 
Wilson：「哇，做咩突然天然呆。」
Oscar：「無呀，諗緊野啫。」
Wilson：「仲覺得自己打得唔好？」
Oscar：「都係咁啦。你著返衫先啦，小心凍親。」
Wilson：「嗯，轉頭傾啦。」
 
此時Steven和Darren走進更衣室。
 
Steven：「哇，Oscar你塊面做咩咁紅呀，未沖涼咩？」
Oscar：「er…呢度太焗啦，我出去先。」然後他就離開更衣室。
Steven：「佢做咩咁既反應既？」
Darren：「佢仲漏左個袋喎。」他指著椅子上的一個環保袋。


Wilson：「我轉頭拎比佢啦。」
 
Oscar走出體育館，看見Edmund在門口等著。
 
Oscar：「喂，Edmund。」
Edmund：「練完啦？」
Oscar：「嗯，高佬比教練留低左一陣，岩岩先返更衣室，你等多陣啦。」
Edmund：「OK啦，你做咩塊面咁紅？」
Oscar：「無呀，更衣室好焗咋嘛。」
 
此時Wilson拿著一個環保袋走到兩人身旁，說：「你漏低左個袋呀，大頭蝦。」
 
Oscar：「唔..唔該。」
 
Edmund留意到Oscar的臉又更紅了。