[hehe]《知音人》: 四十七：高壓

在HERO的WhatsApp群組，
Edmund：「今年玩唔玩Sing Con呀？」
Horace：「日子係？」
Edmund：「初賽20/2，決賽2/3。」
Roy：「我OK呀，但將軍應該作唔切歌了？」
Horace：「用返上年果首？定唱現成歌？」
Edmund：「唱未來見囉，如果你地OK既話。」
Horace：「我要同公司講聲。」
Edmund：「嗯，我今年都玩獨唱。」
Roy：「係報既話我地要練架喎。」




Horace：「係呀，我盡快覆你地。」
 
臨近聖誕，Edmund帶起再參與學生會歌唱比賽的話題，希望HERO可以再參與。他並不是想再拿多次冠軍，但覺得喜愛音樂的大家，應要在仍是學生的階段珍惜更多一同演出的機會。
 
沒有應機的Oscar一直忙於參與籃球校隊練習，希望可以爭取在大專賽出場的機會，證明自己。從Steven得來的資訊，Horace和Edmund得知Oscar的壓力似乎很大，心情持續有很大起伏，令人擔憂。
 
就在第一場比賽前夕的晚上，Horace從唱片公司完成練習回到宿舍，一開門就看見Oscar和Roy在512室傾談著，兩人面色甚為凝重。
 
Horace：「我係咪阻住你地兩個？」
Oscar：「無啦，過黎一齊傾啦。」




Horace：「點呀，你地咁認真有少少嚇親我喎。」
Roy：「佢岩岩自己一個加操完搵我食飯，講起聽日比賽，佢就咁既樣。」
Oscar：「聽Steven講我聽日應該都未必有得出啦，有時練左咁耐、練得咁辛苦都唔知為咩。」
Horace：「咁你唔試過唔知既，聽日既野你又點知？」
Oscar：「自己知自己事啦，班Year 1都打得好過我，練左咁耐都係咁。」
Roy：「楊俊朗，我覺得係心理問題，你比自己太大壓力。」
Horace：「係啦，呢排見親你，你個樣同肢體語言都話比我知你好緊張好緊張。其實比賽你都唔係無打過，點解而家會咁？」
Oscar：「唔知呀，總之就覺得自己唔夠好，好想證明比自己睇自己係得既。」
 
然後，大家都沉默了一段時間。




 
此時，Horace收到Edmund的短訊：「Oscar係你度？你行開講幾句呀。」
 
Horace站起來跟Roy和Oscar講：「我去一去toilet先。」然後拿起手機離開房間，致電Edmund，但接電話的卻是Steven。
 
Steven：「Horace，Oscar係你度？」
Horace：「係呀，你點知既？」
Steven：「Roy頭先WhatsApp我話我知。」
Horace：「咁我而家要做D咩呀？」
Steven：「Oscar而家咁，我地講咩都無用，因為解鈴還須繫鈴人。」
Horace：「下？咁邊個係繫鈴人？」
Steven：「佢有無同你提起過Wilson呢個人？」
Horace：「好似有，佢組仔嘛，好似。」
Steven：「嗯，我頭先call左Wilson，佢咁岩係學校附近食完飯，佢話可以過黎搵Oscar傾下，咁我叫佢到時搵你？」
Horace：「我OK呀，但我唔識佢架wor，會唔會好尷尬？Roy又知唔知呢件事？」




Steven：「Roy知道，佢幫我拖緊時間，因為Wilson黎你度都要少少時間；另外你OK既話我比你電話佢，等佢搵你。」
Horace：「好啦，辛苦哂你呀Steven。」
Steven：「係Edmund話一定要幫Oscar手啫，比佢同你講啦。」
Horace：「轉頭先啦，你搵左Wilson先啦。」
Steven：「好啦，之後再搵你，唔該哂你，Bye。」