聖誕節公眾假期過後,Horace要繼續出席唱片公司安排的練習,也無法出席大專籃球賽的四強比賽,但他確保了決賽或季軍戰當天可以出席。
 
比賽當天早上,Horace給Steven和Oscar發了訊息,告知他們未能到場參與,同時祝願他們可以贏球,順利進入決賽。
 
他早兩天也跟Steven通過電話,希望他可以留意Oscar的心理情況,Steven說會盡量幫忙,他早上給予的回覆也是正面的,在他眼中Oscar沒有明顯不妥,就是緊張了一點。
 
三小時的唱歌練習完成後,Horace的喉嚨都變得乾涸了。他踏出練習室,前往茶水間的時候碰上了從錄音室出來的Kenneth。
 
Horace:「Kenneth哥。」
Kenneth:「Hello Horace,上完堂啦?」


Horace:「係呀。話時話,Kenneth哥你係咪就出新歌啦?」
Kenneth:「係呀,搞掂哂錄音,同事整緊後期製作同D宣傳。」
Horace:「咁我期待你新歌啦。」
Kenneth:「一月中公司會有個小型記招,到時記得黎啦。」
Horace:「出左通知未架?」
Kenneth:「應該呢幾日會出啦,大部份練習生同同事都應該會收到。」
Horace:「OK。」
Kenneth:「係喎Horace,呢幾日…」
 
Horace的電話響起。


 
Horace:「Kenneth哥,唔好意思,我聽個電話先。」他先行開一邊聽電話。
 
Horace:「Edmund?場波點呀?」
Edmund:「贏呀,贏左十三分。」
Horace:「咁就好啦,我岩岩上完堂。」
Edmund:「Oscar頭先都出左場,仲入左兩分呀。」
Horace:「哇,好消息呀,你有無見佢有咩反應呀?」
Edmund:「好似幾開心咁,岩岩完場攬住左Steven。」
Horace:「哈哈。」


Edmund:「你過唔過來一齊食野呀?」
Horace:「OK呀,但你地係邊食?」
Edmund:「轉頭WhatsApp你啦,我都睇下佢地幾個食唔食。」
Horace:「好啦,再WhatsApp我啦,Bye。」
Edmund:「Bye。」
 
掛線後,Horace望望原本站在茶水間門口的Kenneth已經不見人。他走進茶水間內,倒了一杯水,然後走向接待處。
 
Horace:「靚女,你有無見Kenneth哥去左邊?」
 
接待處的女職員Joanne:「係你講電話講得好興奮既時候,老闆返左office直接叫左佢入房啦。」
 
Horace:「哦,咁如果佢出返黎問我係邊,你同佢講我有野做走先啦。」
Joanne:「我幾時做左你地既傳聲筒架,不過見係你,幫你一次啦。」
Horace:「都話你靚女心地又好,好啦我走先啦。Bye。」


 
Horace離開了約十分鐘後,Kenneth從老闆房間走出來,看到Horace已經不在。
 
Joanne:「唔使望啦,走左啦。」
Kenneth:「你講咩呀?」
Joanne:「人地叫我同你講聲佢有野做走先啦。」
Kenneth:「你又知我問邊個?」
Joanne:「識左你咁多年,一望你對眼就知你諗咩啦。」
Kenneth:「有無咁誇張呀。」
Joanne:「無咁強既觀察力,我點做你家姐呀。你都就出道啦,有D野你自己諗清楚啦。」
Kenneth:「都唔知你講咩。」
 
說完,Kenneth便轉身離開公司。