[hehe]《知音人》: 五十六：除夕

那晚之後，Steven一直沒有對Edmund說為何會這麼早就離開，但兩人的見面次數及後明顯減少。Steven說一直忙著準備DSE和校際籃球賽等，Edmund卻明顯感到他在逃避他。
 
最後一次見面是情人節前夕，Edmund總算約到他出來晚飯，卻收到一個最壞的消息。
 
Steven一句「我拍拖了」劃破Edmund的心，令他頓時失去了當時心靈的唯一依靠。他忍著心的痛，弱弱地說了一句「恭喜」後，轉身離開，止不著眼淚，但Steven這次沒有追上去，而兩人之後就沒有聯絡，直至在港島大重遇。
 
Edmund在約三年重遇Steven，其實起初心裡是很矛盾的，因為當年的痛太過刻骨銘心，但這段期間他確實從未對他人動心，而當見到全人類在圍觀Steven在A宿樓下被女朋友「掟煲」，覺得他很可憐，才上演了重遇的戲碼。
 
那年的事，兩人都沒有再提起過，Edmund自己根本不想再提起，亦不想Steven再提起。他不想知道當年是什麼原因令兩人的關係突然拉遠，變得疏離，然後索性不再聯絡。
 


Steven：「傻瓜，過去既野唔好再諗啦。」
Edmund：「嗯。」
Steven：「放心啦，我永遠都會係度。」
Edmund：「Steven，你會唔會覺得我好痴身，自己無咩空間？」
Steven：「梗係唔會啦，做咩突然咁問呀？」
Edmund：「我見將軍佢同Jordan好似好少見面，而我好似任何上堂以外既時間都痴住你咁，諗緊你會唔會想有多D自己時間，陪下朋友食飯，或者打完波同班隊友傾下計咁。」
Steven：「哦，咁每對情侶相處既方式都唔同既，佢地自己有自己維繫感情既方法啦。至於我自己，從來都唔會介意你想成日陪我，我一向都無咩點同班隊友食飯啦，你都知架，中學到而家都係咁。」
Edmund：「真係架？佢地唔會覺得奇怪咩？」
Steven：「唔理佢地啦，何況我地練得咁密，仲日日一齊食咩，好多人都練完就返屋企休息。我其實間中都有join佢地既。」
Edmund：「多謝你呀。」


Steven：「傻瓜，我知你需要呢份安全感，放心啦。」
 
Steven擁著Edmund到自己懷裡，希望可以把溫暖傳給他。他明白Edmund因為家庭的關係，人生缺乏安全感，所以希望自己可以至少做到這一點，盡可能花時間陪著他，不想他太多時間孤單一人。
 
兩人吃過晚飯後，到海傍加入人群倒數，迎接新的一年。
 
在維港對岸，觀賞倒數的人群亦很多，包括Horace和Jordan。
 
Horace：「原來我第一次陪你倒數喎。」
Jordan：「係囉，聖誕節就試過一齊過，但倒數就第一次。」


Horace：「出年有咩願望呀？」
Jordan：「你咁老土架，邊有人倒數講新年願望架。」
Horace：「唔講就算。」
Jordan：「你都係想我講D懶係浪漫既野啫。」
Horace：「邊係呀，我真係問你架。」
Jordan：「好啦我講，我希望出年可以同你一齊去旅行，仲有你可以順利完成訓練做職業歌手。」
Horace：「哈哈，我願望係，可以同你一直咁樣生活落去。」
 
Jordan聽到Horace認真地說出這個願望，非常感動，馬上給他一個擁抱。
 
Oscar則和部份籃球隊成員在大排擋晚飯後一同在灣仔的酒吧消遣，一齊迎接新一年。
 
「三！二！一！Happy New Year！」場內充滿眾人的呼喊聲。
 
Darren：「飲杯！新年快樂！」


Wilson：「新年快樂！大家應該得一個願望啦。」
Darren：「唔使講出口啦，大家知就得，一齊努力！」
Oscar：「無錯！但大家今晚唔好飲咁多，因住聽朝唔知醒，遲到比教練鬧啦。」
 
然後，身邊傳來了隊友們的笑聲和抱怨他掃興的聲音，大家這晚都過得很快樂。