[hehe]《知音人》: 五十九：慶功

大隊由體育館前往附近一間大排檔慶功，Edmund和Oscar在隊尾兩人私下談著。
 
Edmund：「你同Wilson點呀？」
Oscar：「下？無呀，都係咁囉。」
Edmund：「呢排見你成個人鬆左，以為你地有好消息添。」
Oscar：「無呀，之前同將軍同呀Roy傾過，叫我順其自然喎。」
Edmund：「咁又係，你都唔知佢係點。」
Oscar：「嗯，其實而家咁都幾好。」
Edmund：「你同將軍真係好似，唔怪得咁多年好朋友，哈哈。」
 


由於人數眾多，需要分兩檯坐，大家按慣常方法分檯，直至Darren突然高叫一句：「喂，邊個比你坐果度？」
 
Edmund和Oscar抬頭一望，見到Gary極尷尬從Steven身旁離開，並馬上走向另一張桌。
 
Darren：「呀，Edmund仔係度佢都仲想坐你隔離。」
Steven：「你又唔好對人咁惡，佢可能一時唔醒起啫。」
Darren：「你真係好好人，Edmund仔快D坐埋去啦，Oscar你坐佢隔離啦。」
Oscar：「都話個Gary有問題啦，連Darren都咁講。」
Edmund：「你地咁樣，搞到我都好尷尬添。」
Steven：「好小事啫，大家快D坐低，今日應該開心慶功。」


 
整個慶功宴，大家除了不斷回味剛才比賽的片段外，就是問Edmund很多問題，氣氛良好，沒有半點尷尬。
 
可能因為今次比賽是大部份人的第一個校際比賽冠軍，大家都異常興奮，部份隊員喝了很多啤酒，大家也留到很晚才願離開。
 
Steven：「好啦，大家返去小心D，Darren你睇住佢地幾個，Oscar你都幫手睇住佢地。」
Oscar：「得啦，佢地未醉既。」
Steven：「唔想聽日新聞係『大專賽奪冠後醉酒鬧事』，你地咪再去酒吧啦。」
Darren：「OK啦，我地搞得掂啦，你同Edmund走先得啦。」
某已半醉隊友：「果邊有間酒店喎，你地…」


 
他還未說完已被Darren掩口：「佢醉左，你地唔使理佢。」
 
Edmund無奈地笑著，看著Darren努力不想他們兩人尷尬，但事實卻令氣氛越來越奇怪。
 
Steven：「咁我地走先啦，你地自己小心啦。」
 
他說完就拖著Edmund的手，轉身離開，享受今日短暫的二人世界時光。
 
Edmund：「係喎，其實我都有野送比你。」
Steven：「Wow。」面上露出開心的笑容。
 
Edmund從書包拿出一卷畫紙，遞給Steven。
 
Steven：「而家睇唔睇得架？」


Edmund：「得呀。」
 
Steven打開那卷畫紙，看到是他們兩人的肖像畫，但是卡通化的，Steven拿著籃球，而Edmund則拿著結他唱著歌。
 
Steven：「哇，你畫架？」
Edmund：「我好想答你係，但唔係。」
Steven：「哈，但好傳神呀。」
Edmund：「哈，你中意就好。」
Steven：「中意呀，多謝你。」
 
說完這句，Steven便在Edmund的臉上吻了一下。