[hehe]《知音人》: 六十：無盡

大專籃球賽後，港島大的下學期正式開始，Horace又回復那個非常頻撲的日程，幸好這學期修的課比上一個學期少，變相時間鬆動了些少。
 
HERO也落實會參與今年Sing Con，而Horace在徵詢唱片公司意見後亦決定再次參加獨唱。就合唱組的參賽歌曲方面，四人曾討論是否應以去年奪冠的原創歌曲《前進》參加初賽，認為這比較安全，然而Edmund卻認為參賽的目的並非單純贏得冠軍，認為應享受這個過程，嘗試更多不同的歌曲。最後，他們決定以較多人認識的歌曲Supper Moment的《無盡》參賽。
 
相比去年，這年他們由決定參加到正式比賽的日子短很多，除了沒空間原創歌曲外，練習的時間也大幅減少。幸好，Oscar在大專賽後有更多空閒時間，Horace的時間亦稍比上學期鬆動，他們總算夾好了每周兩日在512室的練習時間表。
 
「踏上這無盡旅途
誰又能鑑定你的醜惡與美好
低與高 離隊抹走那刺心挖苦的勸告
人生夢一場革命至蒼老」


 
經歷去年的成績，HERO希望以「熱血」為他們的表演路線，四人的聲音混合得很有感染力。去年他們在決賽唱《前進》時，台下的同學和觀眾仿佛也投入他們的歌曲世界，他們希望今年即使轉唱流行曲，也可以有相似的效果。
 
由於《無盡》耳熟能詳，加上他們的音樂底子還算不錯，他們很快便上手。
 
Roy：「係喎，你地邊個參加獨唱呀？」
Horace：「我呀，但未諗好咩歌。」
Edmund：「今年我都玩。」
Roy：「Edmund你唱咩？」
Edmund：「未諗好呀，可能《未來見》或者《百年樹木》。」


Horace：「《百年樹木》，好難唱喎。」
Oscar：「佢早幾日好似先係IG up完一段佢cover呢首歌既片咋喎。」
Edmund：「係呀，不過都幾難唱。」
 
一月中的某一個下周末下午，Horace和其他練習生出席公司的「新人新歌發佈會」，宣佈Kenneth以中文名「林文傑」身份正式踏入樂壇，是星光娛樂旗下兩年來第一位出道的歌手，同日將新歌《暗戀著》正式派台。
 
公司在記者會上除了介紹Kenneth和他的新歌外，亦宣導未來幾年的計劃，包括繼續栽培大專的年輕人，從練習生中挑選更多合適的人參與音樂製作和演唱等。
 
記者A：「林文傑先生，見資料上你今年仲係大學生喎，請問你點樣平衡讀書、練歌同宣傳既時間呢？」
Kenneth：「咁多位記者朋友，大家叫我Kenneth就OK啦。咁公司方面會幫我地安排好既，除左我之外，公司好多練習生都係學生，佢地會幫我地度身訂造練習同工作既時間表，希望我地兼顧同平衡到。」


記者B：「Kenneth，講返首新歌《暗戀著》呀，頭先聽到派台版本，你都唱得幾肉緊咁喎，係咪你自己個人經歷？」
Kenneth：「哈哈，呢方面而家賣個關子先啦，想樂迷朋友聽完自己去意會下先，之後係唔同宣傳既平台有機會再分享啦。」
記者C：「今年預計會有幾多首歌派台？之後既歌路大概會係點？」
Kenneth：「歌就錄左幾首啦，但派幾多就要再同公司商討下，都要睇唔同因素。其他歌，可以透露下都係情歌多既，不過唔同方向，而家唔講太多啦，希望之後大家有更加多機會聽到。」
記者D：「Kenneth，我諗好多歌迷都有興趣知你感情狀況喎。」
Kenneth：「同工作無關既野我唔回應啦。」
 
記者會結束後，所有練習生一同跟公司安排的巴士返回辦公室。上車後，Kenneth揮手叫Horace坐在他旁邊。
 
Horace：「Kenneth哥，你好勁喎，對住咁多鏡頭都無怯，比我一定唔得。」
Kenneth：「OK啦，鏡頭呢樣野，對得多就會慣。係呢，你呢排忙唔忙呀？」
Horace：「你指練習？OK啦，都係咁上下。」
Kenneth：「見你上個sem好似練到斷氣咁，今個sem會唔會好D呀。」
Horace：「應該好D既，我都想多D時間休息下。」
Kenneth：「係喎，呢幾個月見你無停低過，今日唔使練野，夜晚食唔食飯呀？」


Horace：「唔得啦，約左朋友啦，下次再約啦。」
Kenneth：「咁好啦。」