[hehe]《知音人》: 六十一：失落

一月下旬的一個周五，Horace完成一首歌的錄音功課後，傍晚離開錄音室。正當他離開公司的時候，仍坐在接待處的Joanne叫住了他。
 
Joanne：「喂，Horace。」
Horace：「點呀靚女，咁夜都未走既？」
Joanne：「要做埋少少野先。你返屋企定去街呀？」
Horace：「返屋企呀，做咩呀？」
Joanne：「聽日星期六，你又唔使練野，做咩唔出街玩下？」
Horace：「玩咩呀，日日咁返學同練習，邊有精力呀？」
Joanne：「但我見Kenneth日日都好精神咁wor。」
Horace：「唔知佢呀。」


Joanne：「佢都差唔多練完出黎，你等唔等埋佢呀？」
Horace：「又無約佢，做咩要等佢？」
Joanne：「無呀，問下啫，見你地好似幾好傾。」
Horace：「OK啦，咁我走先啦。」
Joanne：「好啦，Bye。」
 
Horace離開公司。五分鐘後，Kenneth就從練習房間出來。
 
Joanne：「你做咩咁遲架？」
Kenneth：「做咩呀？」


Joanne：「Horace岩岩走左啦。」
Kenneth：「所以呢？」
Joanne：「佢話今晚無街去，返屋企咋，你係度就約佢去食飯嘛？」
Kenneth：「做咩啫你。」
Joanne：「你唔想咩？」
Kenneth：「你唔好嚇親佢添呀。」
Joanne：「你家姐我咁醒，點會嚇親。」
Kenneth反了白眼：「咁你放工未呀，一齊返屋企啦。」
Joanne：「我約左人呀，你自己返去啦。」
 


沒有聽到這段對話、也不知道Joanne和Kenneth是姊弟關係的Horace拖著疲倦的身軀踏上回家的路途。
 
正當他和Jordan短訊閒話家常的時候，他收到一個電話，來電顯示的電話他沒有儲存。
 
「喂？鈞哥哥？」說話的女聲雖然不常聽，但認得。
「思穎？」
「你係唔係屋企呀？」
「返緊去囉，做咩呀？」
「你可唔可以上來我地度呀？呀哥好唔妥呀。」
「佢做咩呀？早兩日見佢都好地地架。」
「我唔知呀，岩岩一返黎就入房，然後岩岩搵佢，見佢眼濕濕，好似喊完，問佢咩事佢又唔講。」
「但..但我上黎會唔會嚇親佢架？Uncle Auntie呢？」
「呀爸呀媽去左旅行呀。我都唔知呀，我未見過佢咁，我都唔知邊個可以幫佢。」
「好啦，但我起碼半個鐘後先到喎。」
「OK啦，唔該哂，鈞哥哥。」


 
Horace掛掉電話後，馬上致電Roy。
 
Roy：「將軍，做咩呀，我唔係hall喎。」
Horace：「唔係呀，我都返緊屋企，我想問Oscar有無搵過你呀？」
Roy：「Oscar？無呀，做咩呀？」
Horace：「佢呀妹打比我話佢係屋企爆喊，問我知唔知咩事喎。」
Roy：「咁大獲？」
Horace：「咁你有無發現佢有咩唔妥呀？」
Roy：「早兩日一齊練歌都無野架，尋日今日我都無見過佢喎。」
Horace：「我都係呀，唔緊要啦，我轉頭去搵佢啦。」
Roy：「我估都係關個Wilson事啦。」
Horace：「嗯。我再搵你啦。」
 
約半小時後，他到達了Oscar家樓下，思穎帶他上家。


 
思穎敲門並推開Oscar房門的時候，Horace見到Oscar低著頭坐在床邊一角的位置，神情極差，令人不安，甚至比籃球賽初賽後的樣子更令人擔心。
 
Horace走近他，看到他臉上仍有未抹乾的淚痕。
 
Oscar抬起頭：「將軍？」