[hehe]《知音人》: 六十四：巧合

Horace和Jordan在新蒲崗的內街中穿梭著，好不容易才找到要找的工廈，又在停車場內行了兩分鐘，才找到電梯。
 
Jordan：「佢地book埋D咁難去既地方架！」語氣有點不耐煩。
Horace：「Party room係呢D地方啦，咁先平呀嘛。」
Jordan：「我住附近都覺得難搵，其他人咪搵好耐？」
Horace：「到啦，你唔好咁既面口啦，人地生日會。」
 
由於找路遲了些，兩人到達會場時已有十多人到達，包括主角「壽星公」Charlie。
 
Charlie見到兩人到達，馬上走過來歡迎兩位。


 
Charlie：「Hi Horace，好耐無見啦。」
Horace：「Charlie，生日快樂呀，小小心意。」他遞上一份小禮物。
Charlie：「多謝。下次人到就得，唔使咁客氣。」
Jordan：「我有叫佢唔好買架，佢堅持要送。」
Horace：「咁去人地生日會無理由兩手空空架嘛。」
Charlie：「明白既，多謝你。果邊有野飲，你隨便自己拎就OK。」
 
兩人拿了罐可樂就坐在一邊，掃視著在場的人，男女比例各一半。
 


Horace：「Charlie佢都幾多女仔friend架喎，邊個係佢女朋友？」
Jordan：「唔係度呀，好似話佢一向唔黎咁多人既場合。」
Horace：「哦，但佢今日生日正日？」
Jordan：「唔係啦，後日先係，今日係呀Nick夾左幾個朋友而揀既，果堆咪係平時同佢地玩開果班同學囉。」
Horace：「哦，咁你同佢地熟唔熟架？」
Jordan：「OK啦，其實我無咩點social，除左上堂同食飯之外，你知我都要去補習同返下part time咁。佢地果班真係玩得熟D。」
Horace：「哦，咁佢地知唔知你…」
Jordan：「Charlie同呀Nick知左好耐啦，其他人唔知掛，我又無理喎。」
 
Horace乾了手上那罐可樂，然後繼續觀察著面前的人。不計早前因意外認識的室友Charlie的話，這次是他第一次踏進Jordan在學校的生活圈子，自然感到有點緊張。


 
這個時候，又有幾人到達，Charlie又走到門口歡迎幾位朋友。
 
進來的是三男一女，看他們和Charlie的交流，應該是非常熟絡的同學。一直和Jordan閒談著的Horace起初沒有留意來者何人，他認為反正也不認識，所以沒有去望，待Party真正開始時才正式介紹。
 
突然，其中一人向他和Jordan的方向走來，並開了聲說：「將軍？」
 
兩人抬起頭，Horace看到和他打招呼的人的時候，也十分震驚。
 
Horace：「Frankie？」
Frankie：「將軍？點解你會係度既？」
Horace有點尷尬地指著身旁的Jordan，說：「Charlie係佢Roommate，叫埋我一齊黎慶祝啫。」
Jordan：「Hi，我係Jordan呀。」
Horace：「你地唔識架咩？」
Frankie：「佐敦呀嘛，我識佢，佢唔識我啫。」


Jordan：「你識我？」
Frankie：「我同將軍同班同學黎架。」
Jordan：「哦，原來都係師兄。」
Frankie：「我都係九東大，所以係你雙重師兄。」
Jordan：「咁你點識Charlie架？」
Frankie：「上年一宿佢住我隔離房架，你呢？」
Jordan：「上年我住三宿，但Charlie我同系同學嘛，大家都想搬出去住，咪夾埋租屋囉。」
Horace：「哈哈，世界真係細。」
 
此時Charlie走了過來，說：「Frankie哥，你又識佢地咩？」
Frankie：「將軍係我中學既兄弟黎架。」
Charlie：「哇，世界咁細既。」
Horace：「幾好呀，起碼呢度有個人我識，可以傾下計。」
 
然後，四人聽到Nick拿起米高峰，說：「好啦，齊人啦，大家過黎啦！」