Horace:「係喎,你近排有無搵過Oscar?」
Frankie:「聖誕節有搵過佢,本身想再call飯局,但佢同王上都話唔得閒,就約唔成啦。」
Horace:「哦。」
Frankie:「做咩咁問既?你地唔係仲close咩?」
Horace:「無呀,問下啫,新年有無機會REU?」
Frankie:「我實無問題既,但你知你地全部大忙人啦。」
Horace:「咁又係,我都成日唔得閒,哈哈。」
Frankie:「係喎,你幾時同佐敦熟返架?」
 
兩人在派對開始後不久就坐在一旁閒談著,不經不覺他們已超過一年沒有見面。Frankie還記得前年聖誕節中同聚會時提起過Jordan時Horace那非常陌生的回應,沒想到現在竟然結伴出席朋友的生日派對。


 
Horace望望四周,再回應:「呢幾個月既事啫。」
 
Frankie沒有再回應,看著在遠處和Charlie開心談著的Jordan。
 
Horace見他沒有回應,便轉個話題:「咁你近排點呀?有咩搞?」
Frankie:「無呀,功課都忙,仲要準備實習。」
Horace:「實習?」
Frankie:「嗯,我讀社工系架嘛,要出實習啦。」
Horace:「係喎,都唔醒起你讀邊科。」


Frankie:「你呢?Engine仔忙唔忙呀?」
Horace:「OK啦,仲應付到。」
 
說到這裡,Charlie和Nick從場地另一邊走到兩人的身旁坐下。
 
Nick:「喂,Frankie哥,你地好熟咁喎。」
Charlie:「Jordan話佢地兩個中學係好兄弟黎架。」
Frankie:「係呀,以前一齊讀書打波,無諗過係度撞到。」
Charlie:「係囉,我都唔知你係Jordan師兄。」
Frankie:「我都唔知你同佢熟到同居啦。」


Nick:「哇,Frankie哥你咁講野,小心Horace呷…」
 
Nick還未說完,Charlie便踢了Nick的腳一下。Nick知道自己說錯了話。
 
Frankie:「下?小心Horace做咩?」
Nick:「無野無野。」
 
在旁一直沒出聲的Horace突然感到尷尬,即管他並不是沒有心理準備跟朋友說清他和Jordan的關係,但畢竟要讓一個認識了很多年的朋友知道這些事情,也不容易。
 
此時Charlie幫他解圍:「我地去食蛋糕啦,個Cheese Cake好正。」他順道拉了Horace站起來走,留下仍然一臉迷茫的Frankie和尷尬的Nick。
 
Charlie:「Nick個死仔講野唔經大腦,你唔好怪佢啦。」
Horace:「唔該哂你呀,其實都唔係咁大件事啫。」
Charlie:「無,我覺得呢D野講唔講應該係你自己決定,唔係其他人幫你決定啫。」
Horace:「嗯。」


 
當兩人準備享用cheese cake的時候,Jordan走到他們身邊,說:「你地兩個咁好傾既?」
 
Horace:「講緊你壞話嘛。」
Jordan:「我唔信,你唔捨得講既。」
Charlie:「盲啦我。我地唔得閒講你壞話啦,頭先Nick個死仔差D係Frankie哥面前爆響口你地兩個,好彩我醒目拉走左佢。」
Jordan:「哦,其實遲早都知架啦。」
Charlie:「遲早知一回事,其他人爆響口係一回事啦。」
Horace:「唔緊要啦,順其自然啦。」
 
Jordan點點頭,然後一起吃蛋糕。此時Nick也擺脫了Frankie走了過來跟三人說:「放心啦,佢應該無咩懷疑,Sor呀。」
 
Horace:「小事啦,唔該哂。」