[hehe]《知音人》: 七十：朋友

當Horace和Jordan梳洗完後離開更衣室，就看見Oscar和Wilson兩人非常認真地在體育館的大門附近談著，而Darren和Edmund則在距離十多米靜靜地觀察著二人。
 
Horace走到Edmund身旁，輕輕拍了他的膊頭，在他耳邊說：「佢地兩個傾緊咩呀？」
 
回答的是旁邊的Darren：「Wilson仔問Oscar做咩係咁避開佢，Oscar無答D咩，只係話無呀咁，帶佢遊花園咁。」
 
Edmund補充：「不過見Oscar吞吞吐吐咁，我諗Wilson都應該知咩事掛。」
Darren：「好難講，Wilson其實都有D遲鈍，我地個個都知你同高佬拍緊拖果陣，佢仲係成頭問號，唔到決賽果日佢都唔知。哈哈」
 
這時，Oscar稍為大聲地說了一句：「你竟然到而家都唔明？」，把三人從私下的討論中帶回現實。


 
Wilson低著頭回了一句：「我真係當你係我好好朋友架，每次想同你講野你都行開，有無諗過我感受？」
 
Oscar低聲說了一句：「好朋友」，然後往大門的方向走了，留下一臉愁容的Wilson獨自一人站著。
 
Darren此時走到Wilson身邊，並在他耳邊說了些話，然後給他一個擁抱。
 
Horace和Edmund看到這裡也覺得很心酸，不欲再看，然後轉身打算找其他人。誰知兩人一轉身，Steven和Jordan就在不遠處，應該一直看著事情的發展。
 
Steven：「哇，無諗過打場波會發展成咁。」


Jordan：「睇黎兩個都要心理輔導下。」
Horace：「遲早都要面對啦。」
Edmund：「我地使唔使去搵Oscar呀？」
Horace：「比佢自己一個冷靜下啦，佢唔會做傻事既，睇住Wilson好過啦。」
Steven：「等Darren呢個暖男安慰下佢啦。」
Edmund：「笑左，佢係暖男。」
 
Horace此時收到一個電話，望一望來電顯示，是Roy。
 
Horace：「呀Roy？」


Roy：「Oscar岩岩喊住打比我，你地今日唔係打波咩？搞咩會變成咁？」
Horace：「打完波佢比Wilson捉住左，傾左陣之後就走左。」
Roy：「哦，我而家去搵佢啦，之後再同你傾啦。」
Horace：「唔該哂你呀Roy，有咩搵我或者Edmund啦。」
Roy：「嗯，再講。」
 
掛上電話後，Horace跟身旁的人說：「Oscar去左搵呀Roy，應該無野既。」
 
Steven：「咁我地去食野啦。」說完這句他便轉身叫其他人一同起行。
 
前往餐廳的路上，Horace發現Darren和Wilson都不見了。
 
Horace便問Steven：「Darren呢？」
Steven：「佢WhatsApp左我話同Wilson兩個人食喎，我諗Wilson都想少D人，可以同Darren訴下苦。」
Edmund：「我諗佢都好迷茫，佢應該真係當Oscar好朋友，無啦啦好似絕左交咁。」


Horace：「唉，要時間消化啦，Roy都話Oscar打比佢果陣都喊緊，我都幾擔心佢。」
Jordan：「嗯，而家比少少空間佢地啦。」
Horace：「係喎，Charlie同呀Nick呢？」
Jordan：「走左啦，兩個都話去搵女喎。」
 
在旁的Edmund聽到後發出笑聲，笑Horace之前呷錯的醋，Horace馬上一拳打向其手臂還擊。身旁的Jordan不知兩人在搞什麼，和Steven一同望著自己的另一半跟好友開玩笑地吵著。