[hehe]《知音人》: 七十一：避嫌

Horace一回到唱片公司，就看到幾位練習生圍著，很像在看些什麼，便走到他們旁邊問：「你地咁多人圍埋一齊睇緊咩呀？」

其中一人回應著：「Hello，Horace，你唔知咩？Kenneth尋晚上電視喎。」
 
Horace找到空間看到練習生們播著的影片，應該是昨日晚上電視台的音樂節目，Kenneth正接受訪問，宣傳著他上月派台的新歌《暗戀著》。
 
Horace看了幾眼，說了一句：「哇，佢一上鏡個樣唔同左既。」
 
然後，他身旁有把聲音出現：「你唔好睇少我地公司既形象同化妝指導先得架？」
 


全部人聽到這把聲音便抬頭，看到剛回到公司的Kenneth。
 
Horace：「Kenneth哥，上鏡好型喎。」
Kenneth：「靠化妝啫，如果你地讚我唱歌好聽我會開心D，哈哈。」
Horace：「咁你唱歌不嬲都好聽啦，你首新歌成績好似唔錯喎。」
Kenneth：「還好啦，暫時得一台上左榜，近排去緊電台同電視台宣傳。」
Horace：「哦，加油啦，我去上堂先啦。」
Kenneth：「係喎Horace，今晚得唔得閒呀？有樣野想搵你幫手。」
Horace：「今晚唔得呀。有咩野呀，一定要今晚？」
Kenneth：「都唔係既，我晏D再WhatsApp你啦，唔阻你上堂啦。」


Horace：「好啦，再講啦。」
 
當Horace上完兩小時的課堂後，離開公司時已經接近六時，他晚上還得回港島大跟HERO練歌，會是下周的歌唱比賽初賽前最後一次練習。就在他煩惱先吃飯還是先回A宿的時候，他就看到Jordan在唱片公司的樓下等著他。
 
Horace：「點解你會黎既？」臉上露出非常開心的笑容。
Jordan：「岩岩附近補完習，又記得你差唔多時間完，咪過黎探下你囉。」
Horace：「你唔同我講既？我早左走你咪白等？」
Jordan：「WhatsApp左你啦，你一直未睇啫。」
Horace：「係喎。」
 


他連忙拿出手機查看，這時卻收到Kenneth一個訊息：「上完堂搵我？」
 
Jordan看到Horace有點疑惑的表情，問：「做咩事呀？」
Horace：「Kenneth叫我完左搵佢喎，但又無講咩事。」
 
Jordan一聽到Kenneth的名字，臉色一沉，這表情的改變被Horace看到了。
 
Horace：「我又無話搵佢，你唔使咁既樣喎。」
Jordan：「無呀，你肚唔肚餓呀，我地去食野啦。」
Horace：「好呀，我七點半同Edmund佢地練歌，我地附近快食啦。」
Jordan：「好啦，前面間茶餐廳啦。」
 
兩人在茶餐廳坐下，很快點了餐。
 
Horace：「喂，葉子康。」


Jordan：「做咩呀？」
Horace：「今年黎唔黎睇我地Sing Con呀？」
Jordan：「決賽幾號呀？」
Horace：「決賽3月2，初賽下星期一。」
Jordan：「初賽唔得啦，決賽應該OK既。」
Horace：「首先我地要入到決賽。」
Jordan：「哈哈，我信你地得既。」
 
這時，Horace電話響起，來電的是Kenneth。
 
Horace：「喂？」
Kenneth：「Horace，我係Kenneth呀。」
Horace：「我有野做緊呀，我得閒再覆你啦。」
Kenneth：「哦，好啦。」
Horace：「Bye。」然後掛斷電話。


 
Jordan看著Horace這樣就完了與Kenneth的對話，笑了出來。
 
Horace看到Jordan的笑容，就知自己沒有做錯。即使他和Kenneth之間根本沒發生過什麼事，他也知道Jordan對Kenneth有一定敵意，他沒必要為一些不存在的事情引發爭執，寧願自己走多一步。