連續上了很多小時的課後,Jordan、Charlie和Nick拖著疲累的身體離開課室,前往飯堂補充體力。
 
Charlie:「佐敦今日咁好陪我地食既?唔使補習咩?」
Jordan:「改左期啦,今晚去睇Horace比賽。」
Nick:「係喎,有無準備咩禮物呀花呀?」
Jordan:「無呀,佢都唔係要呢D。」
Charlie:「你懶就懶啦,雖然我都知Horace唔會介意。」
Nick:「但你點入去呀,學生會活動喎。」
Jordan:「個個都入得架,人地學校邊有check得咁嚴呀?何況有Steven帶我。」
Charlie:「上次打波果個高佬?」


Jordan:「嗯。」
 
說到此時,Nick突然小聲說:「噢,不速之客出現。」他輕輕撞一撞身旁的Charlie,暗示他望向前方。
 
Charlie抬起頭,看見Frankie拿著餐盤正向他們三人坐的位置走來,面上有著笑容。
 
趁Frankie仍未到達,Charlie細聲說:「佐敦,Frankie行緊過來,你陣間自己睇路啦。」
 
十多秒後,Frankie就走到三人坐的餐桌旁,說:「Hello,咁岩既?」
Nick:「係呀,岩岩落堂嘛我地。」


Frankie:「介唔介意我坐低呀?」
Charlie:「唔介意呀,坐啦Frankie哥。」
 
Frankie放下餐盤,坐在Jordan的旁邊,氣氛突然變得安靜。
 
Frankie見狀便自行打開話題,討論下星期開始的系際籃球比賽,而Charlie和Nick也配合,場面回復輕鬆。
 
過了一段時間,Jordan說:「我有野做要走先啦,你地繼續傾啦。」說完便站起來,準備離開。
 
Charlie:「好啦,咁今晚再見啦,Bye。」他向Jordan打眼色,叫他盡快離開。


 
然而,Frankie這個時候也站起來說:「我都要去圖書館,同你一齊行呀。」
 
Charlie此時覺得,如果再說些什麼阻止兩人談話就太造作了,那就唯有讓Jordan一人獨自面對八掛的Frankie吧。
 
Jordan聳聳雙肩,不置可否,兩人便一同起行。
 
Frankie:「佐敦你去邊呀?」
Jordan:「約左人呀。」
Frankie:「哦,係喎,有無睇過將軍上星期唱歌段片呀?」
Jordan:「有呀,佢好勁呀。」
Frankie:「嗯,以前中學讀書果陣佢份人無咩自信,直至中六果年我同Oscar不停游說佢參加sing con,佢先肯玩,而家個人淡定左好多。」
Jordan:「原來係你地逼佢參加,搞到我果年衛冕唔到冠軍囉。」
Frankie:「哈哈,不過咁樣你先識到佢啦。」
Jordan:「咁又係。」


 
說到這裡,Jordan的面上自然地出現一個幸福的笑容,他自己或許不察覺,但Frankie都看在眼內。
 
Jordan:「咁我行呢邊啦,Bye。」
Frankie:「好啦,Bye。」
 
此時Frankie拿出手機,查看Horace在學生會歌唱比賽表演的那則貼文,再看看手錶,就發現原來決賽是今晚舉行,再組織一下Horace和Jordan兩人曾經說過的話,似乎得出了結論。
 
在好奇心的驅使下,Frankie撥了一個電話。
 
Oscar:「喂?Frankie?」
Frankie:「係呀,Oscar?」
Oscar:「咩風吹到你打比我呀?」
Frankie:「無呀,我想問下你地今晚係唔係有Sing Con比賽呀?」
Oscar:「係呀,做咩呀?」


Frankie:「如果我話,我想黎睇,會唔會好怪呀?」